TOEKA-TOKKEL 10
GELUK/ONGELUK
Vandag gaan ek eers my storie vertel en dan die reels en bedankings doen.
+++
Geluk en ongeluk sny na beide kante. Geluk kan ongeluk veroorsaak net soos ongeluk geluk kan voortbring.
Gedurende my standerd sewe jaar was ek in n bus ongeluk.
Ons het pas in n nuwe skoolgebou ingetrek in Voortrekker Hoogte. Ek onthou dit goed omdat ons nog nie skooldrag gehad het nie. Ons het gewone klere gedra en ek het n prinseslyn wit rok met fyn rooi blommetjies aangehad.( enigste rok wat ek gehad het!)
Vroeg oggend het die skoolbus ons opgelaai. Die regte bestuurder van die bus was met verlof en ons het n nuwe bestuurder die oggend gehad. Bygese beide bestuurders was onderwysers gewees by die skool.
Ons stop was die eerste stop.Daar was meestal 7 kinders wat opgeklim het. Die bus se sitplekke was nie soos ons dit vandag ken nie. Dit was in een bank langs lengte van bus aan beide vensterkante . In die middel was daar ook twee lang banke waar mens dan rug aan rug gesit het. Seuns aan linkerkant as jy inklim en meisies aan regterkant. Omdat ons eerste inklim het ons die bus soort van van agteraf volgemaak.
Die bus het stadig weggetrek nadat almal ingeklim het. Ek onthou nog duidelik dat die bestuurder oor gebuig het na die onderkant van die stuurwiel terwyl hy na voor gekyk het waar hy ry. Die bus het regtig stadig beweeg volgens my herinneringe.
Stadig van teerpad afgery. Volgende oomblik het dit oor een van die klipmuurtjies gery wat aangedui het waar afvoerpyp onder pad deur loop.
Dit was soos in “ slow motion”
Buswiel lig op om oor die muurtjie te gaan.
Die bus hel oor na regs.
Ons trek deur die lug.
Oor die leuning van middelste sitplek.
Dis net stof en geskraap van metaal oor die teerpad.
Almal land bo-op my!
Ek dink almal het ook geskreeu.
Alger het by die nooduitgang aan agterkant uitgeklim. Net ek kon nie rerig uitklim nie. Ek kon gladnie op my regterbeen trap nie.
Een van die seuns het my uitgesleep en langs die pad laat le. Iemand moes my opgelaai het en hospitaal toe gevat het. Ek kan nie die deel onthou vandat ek uit die bus is en hospitaal toe is nie.
Gelukkig was niks gebreek nie. My voet was net erg beseer met die dat almal bo-op hom beland het.
Ongelukkig het die dr nie gesien of agtergekom dat my onderste rugwerwel gekraak was nie. Ek het met die omrol agteroor oor die sitplekreeling getrek en my rug beseer.
Ek het na die ongeluk altyd rugpyn gehad. Gedurig is daar probeer om iets daaraan te doen. Ongelukkig het al die gedokter dit net erger gemaak totdat my rug geopereer is. Daar is twee plate en skroewe ingesit.
Gelukkig het die werwels nou vasgegroei en is my rugpyn opgelos. Ek moet steeds oplet wat ek doen maar die gedurige pyn is weg.
So het n ongeluk tog n gelukkige einde.
. . . . . . . . . . . . . . . . . . . .
Welkom aan almal vir nog n week van Toeka-Tokkel.
Dit lyk vir my of WERK/BEROEP almal laat wegskram het van harde werk om iets te skryf.
Net een het n skrywe gedoen. Baie dankie Xena Phoenix vir jou bydrae. Jy staan eerste in die ry hoor.
https://herriemerrie.wordpress.com/2015/02/25/toeka-tokkel-9-beroep/
Volgende maand se onderwerpe vir Maart is
- Operasie
- Seisoene
- Geloof/bygeloof
- Boeke
- Erfstukke
Dis baie maklik om deel te neem
1. Ons skryf in Afrikaans en geniet dit.
2. Noem my pos Toeka-Tokkel of verwys daarna in jou pos.
3. Plak jou skakel in by my kommentaar sodat ek en ander skrywers ook kan lees wat jy alles vertel.
Lekker skryf en geniet jou week.
A haa, Kameel het ook haar stuk geskryf. Dankie baie
https://toortsie.wordpress.com/2015/02/26/vanaf-die-poskantoor-tot-by-n-engelsman/
Nog n inskrywing: Dankie Toorts
https://toortsie.wordpress.com/2015/02/27/toorts-se-toeka-tokkel-werkberoep/
I scrap 2 