Ek het nie gedink ek is baie oulik om die tema te gee nie! Ek hoop jul kan n lekker paar ondervindings hier vertel.
Net eers n oulike vers van n dogter, Twana Nel (10) 2013
SKOOLLEWE
Skool is PYN!
Meisies is katterig en sooo fyn,
Seuns is stout en bedrywig,
JIG!!!
Ek is moeg hiervoor.
Dis asof ek net verloor!
Huiswerk en take
is vir Ma ernstige sake.
‘n Beker wil ek graag kry,
maar werk is nie vir my.
Ma sê, as ek iets wil hê,
moet ek daarvoor werk en NIKS sê.
Skool maak my NAAR,
VERSTAAN ONS MEKAAR!
http://www.storiewerf.co.za/versies/skoollewe.htm
GROOTWORD
Allles wat lewe moet groei en groot word. Dis die normale verloop van die lewe. Sommige mense word maklik en vinnig groot terwyl ander sukkel om weer groot te word.
My grootword was baie beskermd gewees. My hoërskooljare was my eensaamste tyd. Geen werklike kontak met enige kinders buiten die rit skooltoe en terug. My studiejare was ook n nagmerrie omdat ek nooit geleer het om te kommunikeer nie. Daarna was my eerste jaar van skoolhou netso erg vir my gewees. Ek het nog vier jaar uit die huis skoolgehou wat my steeds nie die kans gegee het om groot te word nie.
Die grootword het gekom toe ek op my eie voete moes staan. Van die jaar dat ek uit die huis is het alles beter gegaan en ek kon my eie ek word. Dit het ook maar tyd gevat om werklik volwasse of groot te word.
(Dis n baie moeilike onderwerp om oor te skryf. Ek kan nie dink hoekom ek dit ingesit het. Miskien kan jy n beter grootword skrywe doen!)
WAT IS TOEKA-TOKKEL?
Ons skryf in Afrikaans en tokkel op dinge van toeka tot nou. Almal is welkom om deel te hê aan die lekker van die lewe.
1. Skryf jou stukkie oor die onderwerp in n pos en noem my pos sodat ander ook weet waar dit vandaan kom.
2. Plak jou pos se skakel by my kommentaar sodat ek en ander jou pos kan besoek en lees wat jy sê.
3. Geniet dit, dis waaroor dit gaan.
Elke Donderdag verander die onderwerp of tema.
………………..
Baie dankie aan die volgende ouens wat oor student-wees geskryf het. Dit was heerlik om alles te lees.
Vinke en verse het n vaste geloof. Sy het op einde tog haar hartsbegeerte kon volg…
Toorts Skryf studentwees is prysloos…
https://toortsie.wordpress.com/2015/06/03/toorts-se-toeka-tokkel-oor-studente/
Herriemerrie bevraagteken papiere wat verkry word en dan die waarde van studeer…
Kameel vertel van universiteit, jool en die liewe tandarts…
https://toortsie.wordpress.com/2015/06/03/jool-en-tandarts/
Die volgende tema is 25 OMGEWING
I scrap 2 