Weeklikse Wonders: no 1(a weekly wonderful adventure or happening)

https://vinkeenverse.wordpress.com/2015/06/09/weeklikse-wonders-2/

Vinkeenverse sê die volgende:

Dit kan enigiets insluit: ‘n oulike ontdekking, ‘n ongelooflike ervaring of net die genot van alledaagse dingetjies in die lewe! Die verantwoordelikheid is op ons skouers om die mooi in die alledaagse te vind, of selfs die mooi in die lelike dae te vind. Dis ons eie verantwoordelikheid om skoonheid en inspirasie te vind in dinge wat vreemd of onvolmaak voorkom (dis juis in hierdie goed wat die interessante kant van die lewe lê!). Ons moet ons oë oophou om die vreugde in onverwagse dinge te vind sodat ons kan leer om te waardeer wat ons het. Dit is dan ook ‘n uitdaging om die mooi dinge in jou week raak te sien en te waardeer! 🙂

Die volgende wonderlike weeklikse ondervinding

1. VRIENDINNE

Elke Dinsdag drink ek  en n vriendin tee. Ons doen dit nou al vir seker 4 maande. Hierdie Dinsdag het sy rustig na my hartseer ervarings geluister en my bemoedig. Dit is heerlik om so n vriendin te hê.

Vandag of Woensdae drink ek tee met n groep dames wat ook werklik baie vir my beteken. Ons is n groep uiteenlopende persone wat mekaar bemoedig, ondersteun en gedagtes uitruil.

2. VERTROUE IN MY SKEPPER

Maandagoggend het ek n dip gevang en my hart was baie seer en onrustig. Ek het gesit en huil en my oë opgeslaan na waar my hulp vaandaan kom. Alles oorgegee en tot rus gekom. Hoe wonderlik is dit nie!

Advertisement