Toeka-Tokkel no 35 : Wasdag/ wasgoed


Hierdie week se Toeka-Tokkel het my lekker vêr teruggevoer na die goeie ou dae.

WASDAG

1960 trek ons plot toe. Geen elektrisiteit. Nie regtig warm water nie!

Wasdag was nogal n storie. Ons het buite n dubbele  wasbak gehad. Die een het riffels gehad waarop die wasgoed geskrop kon word. Dit was harde werk om lakens te was. Klere was nie te erg nie want die stukke was kleiner.

My Ma het ekseem gehad.Sy het baie swaar gekry met die sepe wat so sterk was. Sy was allergies vir die seep. Tog moes sy maar wasgoed was.

Gelukkig het my Ma darem later een dag in die week n huishulp gehad. Maandae is wasgoed gewas. Dinsdae het my Ma gestryk..

Skoon wasgoed
Skoon wasgoed

Foto geneem in 1977 van huishulp en wasgoed.

Vandag is alles darem baie gerieflik. Almal het elektrisiteit,  outomatiese wasmasjiene en selfs droëers om die werk te doen. Die masjien word gelaai, knoppies gedruk en die masjien doen die res.

Wonder of daar nie eendag n robot sal opdaag om die wasgoed in masjien te sit, knoppies te druk, op te hang en weer af te haal, te stryk en op te vou. Dalk selfs om dit te bêre ook.

Weer terug na 1960.

In die begin was Vrydagaande mense wasdag. My Ma het water in n groot kastrol op gasstoof warm gemaak. Sy het n groot blik bad in kombuis staan gemaak. Ons vier vrouens (dis nou ma en drie dogters)het dan om die bad met warm water gestaan, ons ingeseep en afgespoel!. Gelukkig het ons darem later n gas warmwaterstelseltjie in badkamer gekry waar ons dan in wasbak kon was. Ons kon slegs eenkeer in die week rerig bad. Die bad was ook net maar n sitbad.

Gelukkig, omdat ek kort was, kon ek darem soort van agteroor lê met my bene opgetrek. Ons het ook die warm water gedeel. Eers my Ma wat bad, dan is dit my of my suster se beurt om in dieselfde water te was!

Ek het darem nou lekker terug  aan die goeie ou en swaarkry dae gedink.

TOEKA-TOKKEL uitdagings:

  1. Dis lekker, dis Afrikaans.
  2. Skryf n stuk op jou bladsy, pos die skakel in my kommentaar.
  3. Verwys asb na my pos om ander mense te laat sien en lees waaroor dit gaan.
  4. Geniet dit.

Die volgende persone het weereens lekker oor TV gesels.

Baie dankie vir jul getroue ondersteuning dit word rerig waardeer.

Ook dankie aan ouens wat nie n pos maak oor onderwerp maar steeds lekker saam  gesels in die kommentaar.

Kameel was eerste met haar bydrae. Sy is nie n groot TV ondersteuner nie. Sy dink terug aan die heerlike wêreldreise saam met haar kleinseun…

https://toortsie.wordpress.com/2015/08/18/tv-programme/

Toorts is volgende met terugvoer na begin van TV. Ook maar nie n TV kyker en tog tussenin is daar iets wat gekyk word.

https://toortsie.wordpress.com/2015/08/19/toortsie-se-toeka-tokkel-oor-televisie-programme/

Olga vererg haar sommer borduur oor sepies wat so vervelig is…

https://olgaseokseltjies.wordpress.com/2015/08/19/toekatokkel-34-televisie-programme/

Herriemerrie het ook heelwat oor TV te sê, sy kyk met een oog en weet presies hoe storie verloop…

https://herriemerrie.wordpress.com/2015/08/19/en-mis/

VOLGENDE TEMA : SOEKTOG

Kan jy nou glo dis amper September en lente!

September 2015

37. Oudhede

38. Skottelgoed

39. Paaie

40. Bestuur/bestuurder

Soektog.

Advertisements

Author: scrapydo2.wordpress.com

Retired teacher interested in anything crafty: Scrap booking, card making, quilting, knitting etc. Everything about animals especially DOGS

27 thoughts on “Toeka-Tokkel no 35 : Wasdag/ wasgoed”

  1. Nou moet jy weet met 8 kinders, hoeveel wasgoed was daar. Veral Vrydag as die span van die koshuis af terug kom, maar dit was anders. Baie arbeiders op die plaas en van die vroue wat spesiaal Vrydae kom werk het daarvoor en Saterdag om te stryk. Baie goeie dae. Wens so dat ek tyd het om deel te neem.

    Like

    1. Ek kan goed glo dat daar hope wasgoed was. Dis ook lekker om te dink dat die water skoon en sag was omdat dit boorgatwater was. Ai, dis darem lekker om so terug te dink en te skryf daaroor. Ek het tot hierdie stukkie in engels vertaal en aan my leesgroep voorgelees. Hul kannie glo dat dit so was nie. Sonder nodige geriewe, eintlik is dit omdat hul heelwat jonger as ek is dat hul nie weet van wasgoed was met die hand nie.
      Eendag gaan jy daarby uitkom om lekker te sit en terugdink en dan skryf jy dit neer so in die verbygaan. Ek het maar begin omdat ek myself gedwing het om Vrydae die klas in ons plaaslike bib by te woon. Dis my 4de jaar en ek het n hele versameling van stories.
      Sjoe nou het ek sommer n boek geskryf vir jou.

      Like

      1. Lekker gelees aan die boek. Ja, daar is baie om te skryf oor die kinderdae. Ek moet net meld, daardie Suid-Vrystaat se boorgat water, was baie, baie hard. Selfs ´n waterversagter, het gesukkel, maar dit was goed vir die tande.

        Like

  2. Ai laat die sterke seep van daardie tyd my nou weer Lux flakes onthou. Al wat nie my Moedertjie se hande bloedrooi gebrand het nie. Sy het tot aan haar einde geglo vroue onderklere sien nie die binnekant van ‘n wasmasjien nie.

    Like

  3. Laat my dink aan mens wasdag op die plaas…. anderste lewe daardie gewees, en tog so lekker.
    Ek onthou nog daardie geriffelde blikkerige affêre waarop wasgoed geskrop was. Alles was op einde spierwit skoon!! meer as wat ek van vandag se wasmasjiene kan sê.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s