OPWINDING
Enige iets kan opwinding veroorsaak-ten goede of ten kwade.
As ek smiddags tuis kom is Trompie, my hond , se opwinding n belewenis om te sien. Hy het n vreeslike kort stertjie, sy hele agterlyf waai as hy so bly is om my te sien. Hy maak ook spesiale welkom huil-blaf geluidjies. Hy doen dit nou selfs ook as my loseerder smiddags huistoe kom. My loseerder neem hom natuurlik ook vir lekker lang lopies na werk. Dit is deel van die opwinding. Daardie lekker lopies!
Daar is ook soggens, voorskool, die opwinding van my klompie vyfjarige kleuters. Hul is so opgewonde om in die klas te kom omdat hul elke dag iets nuuts het om my te wys of te vertel. Die beste van alles is dat hul sommer vir die ma of pa weghol om by my te kom. Die meeste kleintjies se ouers laai hul by hek af en hul kom self na die klas toe.Dis eintlik kostelik om te sien hoe die gesiggies ophelder as hul inkom en dan nog van hul maatjies ook sien. Hul kan meestal ook nie genoeg kry van speel nie. Hul is sommer teleurgesteld as hul weer moet oppak om na hul klasse te gaan. Die kleingoed is nog spontaan met hul opgewondenheid in hul lewens.
Wat gee vir jou opwinding in die lewe of waaroor raak jy opgewonde?
;;;;;;……;;;;;;……;;;;;;
Toeka-Tokkel is vir almal wat in Afrikaans wil skryf. Kom vertel waaraan jy dink as jy die onderwerp sien. Elke Donderdag is daar n nuwe woord of woorde om jou teprikkel om jou storie te vertel.
Verlede week het ons oor susters en/of broers gesels.
Baie dankie aan die volgende persone wat deel geneem het. Gaan lees gerus wat hul te vertelle het.
Tannie Frannie verlang baie
Coetzeeblog het pragtige staaltjies oor sy broers ensusters
Toorts het heerlik oor haar broers se stories gesels
Olga het vier voor en vier na haar en dan die een waaroor nie gepraat word nie
Kameel vertel van hartseer en haar broer wat swaar gekry het
Dit dan die week se skrywes.
Volgende Tokkel gaan oor KOS
I scrap 2 