Toeka-Tokkel no 34 : Besoeker/s


BESOEKER/S

Image result for visitors pictures

Besoekers kan beslis lekker wees om te ontvang, maar ook jou hele dag omkrap.
In my laaste studiejaar aan NKP was ek bevoorreg om my laaste jaar in Huis Meyer te kon inwoon. My kamer was op die grondvloer, een kamer weg van ons liewe huismoeder.
Gedurende my tydperk wat ek studeer het, was daar altyd n eerstejaar wat voordeurdiens gedoen het. Besoekers moes eers aanmeld by die voordeur. Die diensdoende student het dan die persoon wat besoek word geroep. Daar moes uitgeteken en weer ingeteken word as daar uitgegaan word.
So het dit een aand beslis nie gewerk nie!
Die grondvloer is net hoog genoeg sodat die vensters nie maklik bereik kon word van die grond af nie.
Dit was eksamentyd. Die aand was dit al soort van ligte uit tyd. Ek het vroeg ingekruip na n middag en aand van studie.
Net aan die slaap geraak, met my gesig na die muur toe. Skielik skrik ek wakker van n stem wat van die venster af praat. Ek draai vervaard om en sien n man wat tussen die gordyne deur loer. Hy vra: “Kan ek deur jou kamer by die gang kom?” Ewe deur die slaap antwoord ek: “Ja seker,kom in!”

Woerts, weg is die gesig. Ek dog ek droom nou rerig. Paar tellings later kom n paar bene te voorskyn,die res van die lyf volg. Die ou pluk my uit die bed, gryp my matras en sleep hom die deur uit. Met wat hy, met matras en al, uit my kamer kom bespring die huismoeder hom. Sy gaan tekere en hy hol die trappe op. Huismoeder agterna in haar pejakkies.
Hoe chaoties! Almal skree en jaag ouens in die koshuis rond. Op die ou end was almal uit. (Party dames het natuurlik probeer om hul “besoekers” weg te steek)
Dit was nie baie welkome besoekers gewees nie.Die hele storie was vooraf beplan. Dit was een van die manskoshuise wat besluit het om ons koshuis in te neem. Van die dames het daarvan geweet en hul het gehelp om ouens te laat inkom.

Nog n ander besoeker.

Daar was baie jare later nog n ander besoeker wat onwelkom was.
Ek het pas in n huur- meenthuis ingetrek. Die eerste nag maak Nancy, my hond, my wakker met: Woef-woef. Gladnie rerig kwaai nie. Ek maak haar stil en sê dis sommer n vreemde iets wat sy hoor omdat dit die eerste nag daar was.
Ek draai om, om verder te slaap. Nee wat, Nancy voel gladnie gelukkig nie. Sy blaf, maar klim nie van die bed af om te gaan kyk nie. Ek skakel die bedlig aan en wys haar daar is niks.Gelukkig het ek nie opgestaan om te gaan kyk nie.
Die volgende oggend toe ek in die kombuis kom staan die agterdeur wawyd oop(wat ek gesluit het met sleutel wat ek nie uit slot gehaal het nie.)Die een venster is oopgemaak en mens kan daardeur by die deur kom om oop te sluit.Die sleutel was weg.
Die besoeker het seker nie besef dat daar n hond was nie. Ek was so dankbaar dat ek nie regtig op hom afgekom het of dat hy verder in my slaapkamer gekom het nie. Dit was beslis nog nie my tyd om iets oor te gekom het nie.
Ek het die slot vervang en n ekstra skuifslot op die deur gesit sodat soiets nie weer kon gebeur nie.

Image result for burglar pictures free

Dit dan my besoekers, nou is dit jou beurt.

Geniet Afrikaans en skryf lekker, alles jou eie ondervindings, dis waaroor TOEKA-TOKKEL gaan.

Verlede week is daar oor n eienaardige ondervinding geskryf. Die volgende persone het heerlik vertel:

I scrap 2(die uwe) eienaardige buurvrou

https://scrapydo2.wordpress.com/2016/09/15/toeka-tokkel-no-33-n-eienaardige-ondervindingervaring/

Tannie Frannie Se ondervinding by Goya se graf…

https://frandr.wordpress.com/2016/09/20/vir-toeka-tokkel-n-eienaardige-ervaring/

Kameel het n baie goeie vertelling oor genade …

‘n Vreemde man met ‘n vreemde versoek

Olga gee die verkeerde voorbeeld aan haar kleindogter…

https://olgaseokseltjies.wordpress.com/2016/09/22/toeka-tokkel-33-n-eienaardige-ervaring/

Toorts praat oor die uniekheid van elke mens en besweer die vreemde mannetjie…

Toortsie se Toeka Tokkel oor Eienaardig

 Baie dankie aan almal wat n ietsie geskryf het .Ook dankie die ouens wat kommentaar gelewer het en ook gelees het.

Toeka-Tokkel no 35: HANDE

Advertisements

Author: scrapydo2.wordpress.com

Retired teacher interested in anything crafty: Scrap booking, card making, quilting, knitting etc. Everything about animals especially DOGS

29 thoughts on “Toeka-Tokkel no 34 : Besoeker/s”

  1. Dis my matras en jou kombers en daar lê die ding…. of so iets. Kan my die prentjie indink 😆
    Sjoe Scrapy dit is scary om te dink jy het ‘n besoeker in jou huis gehad terwyl jy daar was. Sou nie baie rustig daarna kon slaap nie.

    Like

    1. So-iets ja met my matras! Ja jong daardie besoeker het my laat besef dat dit gladnie veilig is nie. Daar was nogal n hele paar skrikwekkende gevalle terwyl ek die laaste twee jaar in die kompleks gebly het. Daar was gereeld polisie in en om die geboue. (Dit is omdat daar mense was wat verdowingsmiddels gebruik en verkoop het ook!)

      Liked by 1 person

      1. Nee wat my verlede sal maar in die verlede bly. En (skuus Lou) toe die uitgewer my storie met ‘n ander vervang het het ek geweet ek is nie ‘n skrywer. Ek het darem ander talente ook!

        Like

  2. Ek het mental note gemaak. Gaan nog skryf van keer toe ek so ‘n ongemagtigde besoeker in ‘n koshuis was. Nie nou maar gaan wel. En was amper dood en ek vermoed ‘n ma ook…

    Like

  3. O die manne het gereeld die koshuis kom inneem in my Stellenboschdae. Dan het ons beangs ons kamers gesluit en sit en wag … hoe dom kan mens wees!

    Like

      1. My stuk 8s klaar geskryf en nou kaat Scrapy my ver terugdink. Een aand was ek in die stort toe ons hoor die koshuis word ingeneem. Vinnig handdoek om my gedraai en in ‘n toilet gaan toesluit. Al die meisies wat aan die stort was, het dit gedoen. Onthou, meisies wat ‘gevang’ word, is storte toe gesleep! In angs en bewing het ek in die toilet sit en wag. Toe hoor ek net ‘n man lekker lag. Dit was seker vir die hopies klere wat orals gelê het, die bewys dat ‘n klompie op heterdaad betrap is.

        Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s