Woordsnoer 1/2020: Swart op wit

Lekkervurig het weereens ‘n Woordsnoer uitgedink. Daar is 25 woorde wat gebruik kan word en jy kan een van die vier fotos wat sy gegee het gebruik as inspirasie.

© eyesboyzinsta

ONTSNAPPING

Die leed in haar lewe het gemaak dat sy afstand gedoen het van hoe en wat sy eintlik werklik was.

Vroeër was daar vrede in haar hart en sy kon ongebonde naby haar mense wees. Met haar geliefdes naby haar het sy ruimte vir almal in haar hart gehad.

Toe verskyn hy uit die skaduwee. Hy deurtrap haar drumpel.Hy wen dadelik haar hart wat net n skuiwergat was om sy absurde idees te volmaak. 

In die begin het sy hom klakkeloos ondersteun en gevolg. Hy was ‘n inspirasie vir haar om hoër te reik na die vreemde eise wat hy begin stel het. Dit was soos ‘n warrel reëntjie wat saggies die blomme in die tuin verfris. Sy koester elke oomblik totdat hy haar brand met sy eise. Hy breek haar vrouwees en menswees in klein flentertjies en strooi dit weg in die verskiet.

Sy maak die laaikas oop om ‘n einde te maak. Dis nie daar nie! Sy loop weg en skep moed om die kamer in te gaan.

Alles maal in haar kop. Die helper sien hoe haar gesig skielik straal. Almal in die saal hef ‘n bedevaartslied aan.  Die geneeskrag van geloof en vertroue het weereens die oorhand gekry oor die bose. 

Wil jy saam woordsnoer?So maak mens :

Kies ‘n foto uit die vier hierbo wat tot jou spreek. Gebruik al 25 trefwoorde om ‘n blog oor die foto te skrywe.

Mik vir 500 woorde, die eerste 25 het jy al! 😉

Skryf dan jou blog. Maak seker om die trefwoorde in vetdruk (bold) aan te dui in jou skrywe.

Onthou om die skakel hieronder in jou bydrae in te sluit. En moenie vergeet om jou bydrae op Inlinkz te gaan aanhaak nie!https://fresh.inlinkz.com/party/d3edc1aa7b804e1594646c7cfc7945bfLekker saam speel.Hierdie uitdaging sluit op 29 Februarie 2020 – skrikkeldag.