Corona Virus: 23/03/2020 NZ


Maandag 23/03/2020

3 pm. Nuus:

“All none essential places shut down. Schools close as from tomorrow, only essential staff children can still go;  full lock-down Wednesday evening. Alert level 3 is full-on. After 48 hours we move to alert level 4.”

Ek skram al die hele naweek weg om oor die dinge te skryf wat besig is om hier te ontvou. Nou voel ek ek kan daaroor skryf

Ek sit voor die venster en kyk uit op al die bedrywighede. Dis tyd vir skool om uit te kom. Kinders word opgelaai. Dit reën, daar word koue verwag vir vannag. 

Vandag, 23 Maart 2020, is ‘n dag om te onthou. Ek het Vrydag al vir Trompie ‘n afspraak gemaak sodat sy blaassteentjies uitgewas kan word. Min wetende wat alles gaan gebeur rondom ons.

Saterdag “Alert Level one” aangekondig. Alle persone bo 70 moet tuis in afsondering bly. Ook mense met long probleme. My hoof bel Saterdag middag om te bevestig dat ek nie moet skooltoe kon nie aangesien dit ingestel is. Hy sou Maandag oopsluit en dan verder met sekretaresse beraadslaag oor watter opsies daar vir my is.

Sondag gaan verby. Ek voel heel ongerus. Met tye wil die idee my oorweldig en dan moet ek weer positief wees en my aandag bepaal by ander dinge. Tog skuif my gedagtes gereeld terug na: Hoe nou gemaak? Gelukkig het ek my maandelikse voorskrif hernu en Vrydag gekry. Die griep inenting-stof is nog nie by dr en apteek nie.

Toe ek ingaan om my voorskrif te kry Vrydag, kon mens net een-een ingaan. Daar was ‘n dame wat vra hoekom, en of ek in aanraking met mense van oorsee was. (Wat in werklikheid waar was!) Ek kon gelukkig my voorskrif kry en dit by apteek ingee.

Nou, terwyl ek sit en na buite kyk na die gewoel van mense en motors, voel ek hartseer dat dit so ver moes kom. Daar is altyd mense wat onverantwoordelik optree en wat hul nie vir twee weke afgesonder het nie.

Ek het vanoggend(23e) vroeg Trompie veearts toe gevat. Hul het eers 8 uur oopgemaak i p v 7:30am. Ek het gedink om brood en melk te koop terwyl daar nie veel mense is nie. Ongelukkig werk dit toe nie so nie. “Countdown” maak eers 9am oop ipv 7am. Geen kar of mens in sig nie. By “Pack and Save” was dit ‘n ander storie. Al die parkeerplekke is vol. Daars nie ‘n kat se kans om in te gaan sonder om met ander in aanraking te kom nie. Ek gaan toe maar huistoe sonder brood en melk.

Ek praat oor en weer met Bertus oor bestellings wat gestuur moet word. Hy werk van die huis af en sal dit met etenstyd kom kry om te pos. Ek moes vir hom ‘n lysie gee van iets wat ek nodig het. Ek het dit toe nie gedoen nie want ek is redelik ingeburger. Ek het na ons plaaslike melkery gegaan en gelukkig ‘n brood en melk kon koop. Ek het geloop omdat ek die beweging en vars lug nodig het. Ons mag darem buite loop al is ons in afsondering.

Trompie is weer veilig by die huis. Hul het toe nie sy blaas uitgespuit nie. Net antibiotika gegee om te kyk of die bloed in sy urine opklaar(Wat steeds nog nie skoon is nie). Hul het nog ‘n X-straal geneem en die dr kon nie regtig gruis sien nie alhoewel sy in selfde asem beweer daar is n afsaksel van een of ander iets in die blaas. 

Sal nou maar weer verder kyk en sien wat die toekoms oplewer.

Wat baie spesiaal is, is dat van die ouers van die skool my kontak om te hoor of ek nie iets nodig het nie.

Dit dan in n neutedop wat hier in New Zealand aan die gang is. Gelukkig nog geen sterfte nie maar die verspreiding beweeg met rasse skrede voorentoe.

Image result for keep save cartoons

18 thoughts on “Corona Virus: 23/03/2020 NZ

    1. n Storie is dit beslis. Gelukkig is ek op my eie met n tuintjie en Trompie. Daar moet nou net vasgebyt en saam gestaan word sodat die virus onderdruk kan word. Ons is so min mense en dit versprei op oomblik heeltemaal te vinnig. Weet nie hoe dit in SA sal uitwerk met so baie mense en dienste wat nie in n goeie werkende toestand is nie. Jul moet maar regtig versig wees en julself oppas.

      Like

  1. Dit klink verskriklik Ineke. Gelukkig is jy goed voorberei en gelukkig is jou seun in die nabyheid. Pas jouself tog goed op en praat met ons Dit help om die alleenheid te verdryf.

    Like

    1. Dankie Hester. Afgelope paar dae wou ek gladnie praat nie. Gister was weer gelukkig beter. Ek voel minder gestress want ek probeer doen wat gedoen moet word. Soos Eerste Minister bly se, die super markte het genoeg voorraad. Mense moet net ophou onnodig koop. Jul moet ook maar mooi bly en pas julself op.

      Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.