Le-jou-eier: Misdaad? Spoke?


(My rekenaar voel aan dat ek n spookstorie wil plaas. Hy wil nie op my getikkery reageer nie!)

Ekstra inligting net om almal lekker aan te moedig om saam te werk!

Hierdie historiese berekening deur ‘n historikus word bevestig onafhanklik deur Lord Alfred Milner wat bevestig dat 1 294 000 Britse Pond tussen 29 Mei en 4 Junie 1900 uit die Mint en Nasionale (de facto Reserwe) Bank asook 2 500 000 Britse Pond vanaf die Myne verwyder is en dat bewys kan word dat minstens 800 000 Britse Pond se Goud voorraad nie bereken kan word nie en vermis word.https://af.wikipedia.org/wiki/Kruger-miljoene

Image result for ghost pictures cartoon

Wees gewaarsku:
Die volgende skrywe is nie vir mense met swak harte en allerhande vrese nie.

Ek gaan gou n bietjie terugblaai na die begin van ons avontuur daar op die plaas Toweropstal.
Kameel het my opgekommandeer om te help om die bouvalle skoon te maak en ongewenste insekte en gediertes te verwyder, wat ek gedoen het.
Toe ek aanland met my Musk-vuurpyl en Tesla moter het ek dadelik gaan kyk na die opstal. Ek stap oor die drempel van die huis die dag. My nekhare begin rys. So n rilling loop langs my ruggraat af.
Ek stop net daar waag dit nie om n stap verder in te gaan nie.
Nou moet julle weet: ek is in regstreekse kontak met Siener van Rensburg in my werklike lewe. Hy kontak my nogal gereeld met visioene. Dis toe net daar waar Siener my waarsku om eers terug te staan en te mediteer en ook om hulp te kry. Gelukkig ken ek redelike sterk gedagtegange om my in a trans te laat gaan sodat ek kan uitsorteer wat aangaan.
Toe ek nou mooi diep in my trans is – julle sal nie raai wie daag toe op nie! Einste oupa -Groot Piet Joubert met Paul Kruger aan sy sy.( Ek was mos getroud met n Kruger en hy het my n paar goeie Kruger aanwysings gegee)
Ek skrik my oor n mik. Die twee ou ooms sweef hier voor my. Hulle kuier te lekker. Elk met n pyp en koppie koffie. Die volgende gesprek het plaasgevind.
“Ai Paul, jy weet daar is ook nie rus vir n ou mens se siel nie. Hier is n klomp vreemde mense besig om te grawe.”
“Ja, my vriend! Ek is bly jy het in jou dagboek aangeteken waar ons die buit gebêre het. Hierdie mense het ongelukkig die verkeerde tonnel gebruik en kom toe in MOsambiek uit terwyl die die kissie hoog en droog gebêre is net voor jy die water kry.”
“Paul, hul sal maar moet lees om die regte tonnel te kry. Hul is gelukkig warm op die spoor.”
Die twee ou ooms besluit toe om n bietjie hier te vertoef om die bedrywighede dop te hou en ook sommer n bietjie te spook as dit te lawaaierig is.
Skielik is daar n harde slag en ek skrik dat ek so wip. Dis toe Kameel wat kom kyk hoekom ek so sit en droom. Ek vertel haar toe die storie. Sy val toe flou en ek moes haar eers lawe.
So liewe vriende en mede misdadigers julle moet soetjies loop. Die twee ou ooms hou julle dop.

Image result for Old diary photos

Nou eers die leisels oor aan Hester sodat sy kan reël om volgende stap aan te pak.

Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die paddatjie of die InLinkz skakel net daaronder:


http://www.inlinkz.com/new/view.php?id=763896

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22).

Advertisements

Misdaad? Taak 2 voltooi begin taak 3


Lê-Jou-Eier: Nou word ons almal misdadigers

Wel, wel, Kameel het my opgekommandeer om te gaan help om haar skoonmaak taak te verrig. Sy noem iets van spinnekoppe en slange. Gelukkig het ek n manier met diere. Hopelik werk dit met slange ook.
Van sit en staan kom niks gedaan.Ek moet baie vinnig n plan maak om terug in Suid Afrika te kom. Gelukkig is my paspoort nog geldig. Sal my Suid Afrikaanse een gebruik om die visa te ontduik. As ek terugkom gebruik ek my NZ paspoort en alles loop perfek.
Gelukkig ken ek vir Elon Musk en hy het goedgunstiglik sy vuurpyl n draai laat maak sodat hy my gou in Suid Afrika kan afgooi.

 

Alles het perfek uitgewerk. Ek het veilig aangeland met Elon se Tesla sportmoter. Ek leen die moter net vir drie dae dan vlieg ek weer terug NZ toe.

Sjoe maar dit lyk maar verwaarloos en grillerig hier by die opstal.
Ek het gister telefonies gereël dat n drie-slaapkamer “parkhome” hier afgelaai word. Hul moes die hyskraan ook los sodat dit gebruik kan word vir ekstra hyswerk. Dit lyk perfek.
Die parkhome het drie slaapkamers, sit-eetkamer oopplan kombuis. Ook n badkamer met n kompostoilet. Daar is n yslike Hi-Fi met plate en tapes om n Babels lawaai te maak as almal hier is.  KAMEEL sal maar die musiek kom maak.
Daar het ook n aflewering van skoonmaak materiaal opgedaag. Gogga gif, slang aantrek middel en dan ook die spookverjaagapparaat(drone wat my seun gebou het!).
Una se hoenderhok en hoenders lyk heel gelukkig. Hul kekkel en kraai heel plesierig.

Ek het die slangverjaer gestel en ek glo nie hul sal n probleem wees nie. Die spinnekoppe het ek n paar goeie spuitsels gif gegee. O genade, die gif het n klomp perdebye ontstel hier in die skoorsteen. Perdebytjie sal beslis baie vinnig moet oorkom om haar familie te vertel dat ons net bietjie spasie nodig het om te beweeg.
Bytjie sal ook moet help beplan aan die verdrywing van die spoke as daar gewerk word.
Ek gaan sommer Una  https://travel4601.wordpress.com/ inlig dat sy in die tussentyd moet regmaak vir taak drie die GROOT plesier vir die aand.

Julle beter wikkel ouens. Ons het nie baie tyd om te mors nie.

Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die paddatjie of die InLinkz skakel net daaronder:

http://www.inlinkz.com/new/view.php?id=763896

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22).

Afrikaanse Tokkels: Autograph Boekie


n Stukkie uit my verlede.

Noudat ek besig is met my Memoirs kom ek op interessante dinge af. My volgende deel gaan oor my lewe op skool d w s van sewe jaar af tot my 22e jaar. Dit is dus eerste skooljaar tot en met my opleiding as Senior Primêre onderwyseres.
Frannie https://frandr.wordpress.com/ skryf oor haar sakkie met kaartjies wat sy in die kas gekry het. Dit was vervloë dae se kaartjies. Ek noem toe van my “Autograph” boekie waarin my oupa nog n stukkie geskryf het.
Ek wil dit graag met julle deel.

IMG_3259
Netjies oorgetrek en bewaar.(2018)

My enigste tante(Pa se suster) het n autograph boekie gekoop en dit namens my niggie aan my opgedra.
Die eerste blaaitjie het my Oupa(van moederskant wat enigste oupa nog was)in n bewerige handskrif n mooi stukkie geskryf.

IMG_3248
Oupa se stukkie

Dit was vir my twaalfde verjaarsdag in 1958.

Die volgende blaaitjie het my Ma geskryf.

IMG_3249
Mamma se stukkie

Daarna het my tante geskryf en toe my niggie.

Kleinsus het geskryf en
Ousus ook.

Ek is spyt my Pa het nie ook n stukkie geskryf nie. Daaraan kan ek niks verander nie.
My Skoolhoof in Laerskool het geskryf. Hy het die laaste twee laerskool jare vir my skool gehou.

IMG_3254
Skoolhoof

In die Hoërskool het onderwysers in my boekie geskryf.
Ek was vir twee jaar in een skool wat toe op die einde opgedeel is en ek is na die nuwe skool. In standerd sewes(die laaste jaar in ou skool) het ek al die onderwysers iets laat skryf. My trots is dat Rudi Neitz, my Duitse onderwyser, n stukkie geskryf het. Hy was n bekende sanger.

IMG_3255
Rudi Neitz

Dan is daar my matriek jaar se onderwysers se handtekeninge. My Klasonderwyser wat Engels gegee het het ook geskryf.

Daarna het van my kamermaats op Kollege inskrywings gedoen.
My eerst hoof waarby ek skool gehou het is die laaste een wat iets geskryf het.
Heerlike herinneringe.

Lê-Jou-Eier: Feesseisoen


 

FEESTYD

Kersfees Tablo

Image result for christmas tableau ideas

Kersfees en geen sneeu!

As jy in die Suidelike Halfrond leef, val Desember in die middel van die somer.

Wat maak ons? Ons vergoed deur watte oral te hang en te strooi. Groen vars Dennetakkies of ‘n kersboom rond die toneel af. Dit ruik soos in ‘n bos, vars en skoon.

1955-1959, my Laerskooljare.  Vanaf standerd een het ek skoolgegaan in ‘n plaasskooltjie. Net vier onderwysers, vier klaskamers en seker so vyf en sewentig kinders of dalk minder. Ons, as kinders, is altyd afgerig om n pragtige Kersfees tablo te doen aan die einde van elke jaar.

Ons  oefen en oefen en nogmaals oefen, om alles te doen en te onthou. Ons het elke oomblik daarvan geniet.

Die dag van die Tablo breek aan.

Die onderwysers en ons kinders het gevoel dat alles nou perfek was.   Eers word ‘n paar tafels gerangskik sodat daar genoeg plek vir die koor en die Tablo is. Die tafels was ons verhoog! Twee lakens aan die voorkant  dien as gordyne. Later jare het van die ouers ‘n opbreekbare verhoog gebou. Stoele, met verskillende hoogtes, het as trappe gedien om ons op die verhoog te kry.

Aan die eenkant op die verhoog was ‘n  krip met strooi wat die toneel afgerond het.

Die aand  breek aan.

Juffrou Snyman speel, meer hamer die note, op die klavier terwyl die koor en ouers al die bekende Kersliedere lustig en uit volle bors saam sing. Wat n fees.

Die koor, almal gedrapeer in wit lakens, het glinsterende vlerkies soos engele aan gehad. Hulle het in ‘n halfmaan agter op die verhoog gestaan. Josef en Maria kom op van die een kant. Hulle klop aan elke deur.

“Het julle ‘n plek vir ons om te oornag asseblief?”

Oral dieselfde antwoord:

“Nee, ons is vol!”

Keer op keer.

Image result for christmas tableau ideas

Ten einde laaste, kry hulle ‘n plekkie in ‘n stal.  Baba Jesus slaap in die krip met strooi.

Eerste kom die herders en dan die drie wyse manne. Almal volg  die ster wat van eenkant deur een van die engeltjies getrek word. Van die een kant van die verhoog na die anderkant en stop dan bo die stal.

Maria tel baba Jesus op om hom aan die besoekers te wys.

Skielik kom daar ‘n angswekkende gegil uit die gehoor.

“Dit is my pop! Gee dit terug, gee haar vir my. Dis myne!”.

Maria moes maar op die ou end vir Jesus aan haar sussie gee om haar stil te kry.

Ons het sonder baba Jesus verder gegaan en die voorstelling op n hoë noot en  in ‘n goeie gees geëindig.

‘n Kersfees om te onthou.

Two Brown Pine Cones on Brown Wooden Surface

Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die paddatjie of die InLinkz skakel net daaronder:

http://www.inlinkz.com/new/view.php?id=752602

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22).

 

Afrikaanse Tokkel: Noodsein honde


 

Die hele week warsku die omroepers oor die radio dat die “Civil Defense” gaan toets of hul nuwe noodsein werk. Dis blykbaar gekoppel aan moderne telefone om te waarsku dat daar gevaar is, hetsy n aardbewing, tsuname, tornado of oorstroming.
Saterdagoggend half elf was dit sulke tyd; die toets sou plaasvind.
Ek loop met Trompie bo op die bult. Eers ontmoet ons twee groot honde wat buite op hul kussings lê. As ons elke oggend verby hulle loop blaf hul asof beserk agter die hek. Vanoggend het hul toe die kans om Trompie te ontmoet, terwyl hul buite die omheining is! Die eienaars roep hul terug maar hul luister natuurlik nie. Ek staan toe maar bankvas met Trompie en wag vir die aanval. Honde gryp nie mekaar sommer net nie. Die eerste een wat nie gestop het toe baas haar roep nie snuif aan Trompie. Die reun luister toe ook nie vir sy mense nie en storm ook nader. Nou was dit van kalm bly en rustig die saak benader. Beide honde se hare staan regop en die reun is nogal lus vir n hap. Trompie staan sy man. Sy ore soort van agtertoe en bene styf reg vir die terug aanval.(Asof hy n kans het teen die twee)In die tussen tyd kom die eienaar nader. Die vrou gryp die twee honde aan die halsbande net toe die reun n hap wou vat. “Vreeslik jammer!” maar hoe jammer sou hul gewees het as die twee Trompie rerig gegryp het. Daar sou nie veel van Trompie oorgebly het nie.

https://stories.barkpost.com/dogfighting-explained/
Nou terug na die noodsein. Ek loop toe aan en daar gaan die sirene af presies soos hul voorspel het. My selfoon is gelukkig nog n oue en het nie die app dat dit op hom werk nie. Die omgewing se luidsprekers en in huise waar fone is kon mens duidelik hoor dat dit werk.
Die sirene se geluid het my n beklemming in my bors gegee. Dit het my teruggevat na die tyd met die opstande: Sharpville en guerilla oorlog van ANC. Die aanval op Sasol II is nog helder in my gedagte. Ons het langs een van die sein torings gebly. As daar gevaar was het hy geloei en in rondte gedraai. Die mense kon ook oor die toring praat om te sê waar gevaar is en wat gedoen moes word.
Hier het ons nou weer n ander gevaar wat hanteer moet word. Die lewe is vol opwindinde belewenisse

Lê-Jou-Eier: Spookstories


Waar is die dae van ware spookstories? Al Debbo en Jurie Ferreire vat my ver terug na my kleintyd.

 

 

Kyk net na die klere en haarstyl nie net van Al Debbo nie maar ook die kinders en volwassenes. Hul lyk heel uitgevat vir die okasie. Wat dink jy?

 

 

Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die volgende InLinkz skakel:

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22).

Lê-Jou-Eier: sulke vriende het mens nie nodig nie


Vriendskap is n vreugde en n opkikker in die lewe.
Vriendskap kan egter ook n pyn in die nek wees.
Hester vra dat ons oor die pyn in die nek vrinne moet skryf. Vriende wat jy nie rerig in jou lewe nodig het nie.
Ek is in die bevoorregte posisie om in n ander land te bly. Weg van al my liewe dierbare vriende. Groot hartseer! Hier gekom moes ek van vooraf weer vriendskappe opbou. Om dit te doen moes ek uitgaan in die lewe en kyk waar daar geleenthede is om mense te ontmoet.
Gelukkig is hier n “Woman’s center” wat baie doen om spesifiek vroue te help met hul verskillende behoeftes.
Ek het hul fotoplakboek(Scrapbooking) en kaartjiesmaak gedoen. Aangesien ek redelik handig is het die twee dames wat die klasse aangebied hul oor my ontferm. Beide het my vriendinne geword.
Die scrapbook dame het geld gehad en was gewoond om almal met haar kwistige uitnodigings oor te haal om na haar huis te kom en daar ook te sit en fotos te plak. Sy het my selfs kom haal omdat ek nie vervoer gehad het nie. Ek het oral saam met haar gegaan. Sy het baie vir my ook gekoop. Ek het haar later gehelp met haar klasse en ook haar huis opgepas terwyl sy oorsee was. Die probleem met haar was dat sy n galpil was as dit by raad kom met almal. Sy het my oordonder. Ek kon nie rerig iets op my eie doen nie. Sy het gedurig my reggehelp. Ons het kaartjies gemaak, scrapbook gedoen en ook kwilte gemaak. Sy het materiaal betaal en ek het dit aanmekaar gewerk. Alles op haar aandrang en manier. Sy het my geheel en al versmoor.
Ek is maar n stil volger. Sy het skoon my selfbeeld geknak met al haar opdringerigheid. My probleem is ook dat ek nie nee kan sê nie. Gelukkig het die vriendskap opgedroog nadat ek net nie meer met haar kontak gemaak het nie. Ook omdat ek nie kans gesien het vir haar manier nie. Sy het ook baie siek geword voordat ek haar afgesny het.Ek het haar steeds ondersteun. Baie veeleisend. Sy het verhuis en dit was ideale afsny punt.
Gelukkig is ek nou weer my eie self en kan ek weer my eie dinge doen en besluit. Sy het beslis baie vir my beteken in die begin. Sy het dit ook goed bedoel. Ons persoonlikhede het net nie op die einde saam gewerk.
Dan was daar die ander dame wat kaartjies gemaak het. Sy en die eerste vriendin het ook gereeld in mekaar se vaarwater gesit. Beide wou al my aandag hê. As ek by die een is het ek stil gebly as die ander een ter sprake kom en andersom. My kaartjie vriendin was n sagte emosionele mens. Op die einde het die driehoek vriendskap dood geloop omdat ek volgens haar vriende met ander vrou was en sy kon dit nie aanvaar nie. Sy het my sommer in die openbaar afgesê as vriendin. Ek was skoon geskok op die manier waarop sy die vriendskap verbreek het. Ook maar goed so want dit was nie die beste tipe om as vriendin te hê nie.
Gelukkig het ek my nie heeltemaal laat vertrap nie. Nadat die twee “vriendinne” uit my lewe is het ek weer normaal my lewe voort gesit. Ek het in die tussentyd vriende gemaak met wonderlike mense.

Dog, Friendship, Nature, Trust, Labrador

Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die volgende InLinkz skakel:

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22).

Lê-Jou-Eiers: Fluister liefdeswoordjies


Praying Mantis

Hot Lady en Stokkies het mekaar in die verbygaan raakgeloop.

Stokkies, op soek na sy droomvroutjie en Hot Lady na die beste vader vir haar nageslag. Die probleem met Hot Lady is dat sy ander motiewe ook het terwyl dit vir Stokkies net gaan oor die plesiertjie van die oomblik.
Die tweetjies mik-mik vir mekaar.
Hot Lady fluister sodat Stokkies nie mooi kan hoor nie:
“Kom, hou my teer vas met daardie stekelrige kloutjies. Fluister soet woordjies in my oor. Kom, kom skatlam sit hier neffens my sodat ek jou kan kielie en saggies streel.”
“Nee wat ou groot ogies jy maak my lus vir lekker lepel lê soetste warm poppie. Kom jy nader na my toe ou suikerbekkie. Toe, toe moenie so met jou voelertjies dartel nie!”
Stokkies kyk Hot Lady met leep oë aan terwyl Lady met wellus na ou Stokkies kyk.
Die tweetjies betas mekaar vir n oomblik. Voordat Stokkies oorgaan tot die daad is hy stewig vasgeklem in Hot Lady se kloue. Haar kake kwyl van die lekker kry. Oeps, weg is n stuk van Stokkies se uitpeulogie. Hy spring vinnig in en doen sy ding terwyl Hot Lady smul aan die lekker sappige happie.

Stokkies kry slegs n laaste lang uitgerekte:”S..u..g..” oor sy kakies. Hy sidder vir oulaas en weg is sy hele kop en bo-lyf.
Hot Lady behaaglik:” Dit was hemels Stokkies my skat.”

;;;;;;;;;;;;;;;;;;;;;;;;;;;;;;;;;;;;;;;;;;;;;

Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die volgende InLinkz skakel:

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22).

Lê-Jou-Eier: As Afrikaans sou uitsterf?


 

 

Vroeg oggend loop ek en dink en wonder waaroor ek moet skryf en hoe ek dit moet benader.

Dis n heerlike oggend. “Dis heerlike lente” kom in my gedagte op.  Ek loop n entjie en dink toe aan “Oom Bossie van die Bosveld.” Ek is mos maar eintlik n Bosveld meisie.
Ek gaan kyk toe ek tuis kom na n paar opnames van die twee liedjies. Daar is toe nie een opname waarvan ek rerig hou nie. Die soektog gaan toe voort en ek kom af op Ouma en Oupa sit op die stoep… Gladnie ideaal vir my skrywe nie! Robbie Wessels en sy trawante se platvloerse gebruik van woorde is ook nie mooi nie. Toe kom ek af op Min Shaw en Ge Korsten se “Heidelied.” Dit is oordrewe “opgesmuk” as ek dit so mag noem. Volgende is toe Koos Kombuis en daarna Koos du Plessis, oor wie ek mal is. Iemand skryf toe onderaan een liedjie in Engels dat Koos Dup die vermoë gehad het om die mooiste Afrikaans te gebruik. Dit kan net nie vertaal word nie want die betekenis gaan dan verlore. Dink maar aan “Kinders van die wind” en “Sprokie vir n stadskind.”
Na n ronddwaal op YouTube kom ek af op “Byeboerwa” van Karika Keusenkamp. Immer fris en pragtig. Sy sing met liefde en oorgawe in Afrikaans.

My Afrikaans. Ons Afrikaans.Afrikaans sal verander met al die vreemde woorde wat ingevoer word maar doodgaan sal dit beslis nie.
Net n bietjie agtergrond: My kleinkind moedertaal was Hollands. Ek het nog steeds sekere uitdrukkings wat eg Hollands is. My skooljare was alles in Afrikaans. Ek het op skool leer Afrikaans praat. Dit het my moedertaal geword en ek is lief vir die taal. Ander tale was maar vir my n nagmerrie(met tye nog steeds). Nou, op die ou end sit ek in n Engelssprekende land en hou Afrikaans steeds hoog. As ek by my kinders kuier praat ons Afrikaans. Vir my is dit baie makliker om Afrikaans te praat en te dink as in Engels. Ek wonder hoe klein Bea gaan reageer op twee tale.
Interessant genoeg hoor ek gereeld Afrikaans op straat of in winkels. By die skool, waar ek uithelp, is ook n paar Afrikaanse families. Hul praat almal Afrikaans met my. So, Afrikaans sal nie sommer verdwyn of uitsterf nie, glo my vry.

bosveld: Sunset landscape  Stock Photo

https://www.123rf.com/stock-photo/bosveld.html

Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die volgende InLinkz skakel:

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22). 

Lê-Jou-Eier: Wat is my superpower?


 

Super krag is n nuwe uitdrukking vir ons moderne tyd. Dis mense met ysterhande, vlieënde mense, mense wat robots is en wat nog alles!
My “super krag” lê in my geaardheid van fyn aanvoeling. Ek kyk eers die kat uit die boom voordat ek die regte kat uit die boom sal help.
n Paar voorbeelde:
Vroeër jare het ek en my ouers met Saanen melkbokke geboer.

White goats Stock Photography

My eerste twee ooie was twee wilde wragtigs. Vars uit die veld. Nooit gehanteer deur mense nie.
Ons het naby Pretoria gebly en my Pa het twee ooitjies vir my gekoop van n boer naby Britstown. Ons moes hulle self gaan oplaai. Dit was sommer n lekker uitstappie.
Die boer het die twee ooitjies die vorige dag voor ons aankoms in n skuur opgesluit. Toe ons hul moes oplaai was daar geen manier dat die twee hul wou laat vang nie. My “super krag” het ingeskop en ek het hul stadig en rustig benader. Met hul gesels en gepaai. Op die ou end het hul self na my toe gekom en kon ek hul een vir een vashou sodat hul opgetel kon word en in die bakkie gesit word. Die boer kon sy oë nie glo nie!

Rottweiler Stock Photos

https://www.dreamstime.com/

Die volgende was toe ek op soek was na n huis om te koop. Ek het saam met die verkoopsagent uit die moter geklim. Sy het gewaarsku dat ons nie agtertoe moet gaan want daar is twee honde. Sy het glo n afspraak met die eienaars gemaak voor die tyd. Hul was toe nie tuis nie.
Die agent het gesê ons kan maar net oor die heining tussen agterkant en voorkant kyk. Ons doen toe so. Ons beweeg toe na die anderkant van die huis.
Raai wat verskyn toe om die hoek? n Fris rotweiler. Hy maak geen geluid. Loop net en gaan staan by die voordeur. Toe breek al die hel los toe ons dit waag om verder te loop. Hond nommer twee storm blaffende om die hoek en die eerste een kom ook dreigend nader.
Die agent wat agter my gestaan het, het met spoed by die hek uitgehardloop en die hek toe gemaak. Ek het doodstil bly staan met my mandsak as beskerming voor my. Nes ek beweeg kom honde grommend nader. Stop ek stop hulle. Die agent bly roep:”Ineke, kom uit daar. Hardloop!” Aikona, my “super aanvoeling” het gesê:”Hol jy, gryp hul jou.”
Ek het duim vir duim, voetjie vir voetjie agteruit beweeg. Telkens die honde gekalmeer. Dit was n verligting toe ek buite die hek staan en die twee blaf vir ons agter die toe hek.
Na die tyd was ek dankbaar dat daar nie gate of klippe in die pad was waaroor ek kon struikel nie.Jy kan jou indink wat kon gebeur het.

20170519_075042
Dan in vandag se lewe, het ek te doen met vyfjarige kindertjies wat nie by die skool wil wees nie, laat staan nog vroegoggend voor skool en namiddag na skool.
Partymaal, veral in die begin help my super power nie. Ek moet dan die kleintjie vashou en kwaai met haar of hom praat om nie agter die ouers aan te hol nie.
My laaste een op die oomblik is n dogtertjie van vyf. Sy klou aan haar pa vas en wou gladnie na my toe kom nie.Ek sien sommer in haar oë hoe verskrik sy is. Om n lang storie kort te maak. My super krag het op ou end gewen. Ek het haar nou aan my kant. Sy hardloop selfs nou vanaf die hek na my toe. Waai nie eers vir haar pa nie!
Eerste wat sy doen as ons inkom gryp sy n iPad. Ek sit langs haar en help haar die regte letters kies om woorde te maak. Ek het natuurlik n stoute vinger wat gereeld die antwoord wil intik. Dan is dit: “Naughty finger!” en sy sal hom wegstoot en dophou dat ny nie weer stout is nie.
My Super krag lê beslis in: Moed, Blymoedigheid en Kalmte van Gees.

Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die volgende InLinkz skakel:

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22).