Liewe Dagboek: Dag 28 & 29 Mei


Gister is verby sonder dat ek by skryf kon uitkom.
Die naskool was heel rustig. Daar was net so 25 kinders wat dit lekker beheerbaar gemaak het. Dit was nat en die kinders moes binne bly. Klein Jesse, 5 jaar, was natuurlik uit sy kassie. Dit hol en spring en raas. Skielik besluit hy om die bank te skop. Sommer net omdat hy dink dis cool.
Ek vang hom met die volgende skop: “Wat dink jy doen jy?”
Ek het nogal hard en half kwaai gepraat. Arme kind het dit nie verwag nie. Hy staan met groot oë wat begin waterig raak en kyk vir my. Ek kon nie help om te lag nie. Gelukkig het ek my pose gehou en mooi verduidelik dat dit nie gedoen word nie. Jesse kry sulke bevliegings. Hy kan met tye sy tas vat en dit met geweld neersmyt en dan daarop spring. Ek vermoed daar is baie opgehoopte frustrasies in die klein lyfie.

Image result for child with broken arm drawing


Gister oggend, met middagete’ het die woelige ander 5 jarige seuntjie sy arm gebreek. Die ambulans moes hom kom haal. Die arm is blykbaar sleg gebreek. Die been het eenkant uigebult. Die ou was eergister al baie rof met sy spelery op die glyplank/baan. Hule vat hul truie of baadjies en dan gly hul daarop by die glyplank af. Dan is dit meestal nog drie of vier seuntjies gelyk ook. Geen wonder daar het toe nou uiteindelik iets ernstigs gebeur. Ek is net bly dit het nie die middag in ons sessie gebeur nie.


Vandag 29 Mei het die onderwysers gestaak.
Daar was nie voor en na-skool nie. Die laerskole en ‘intermediate’skole was almal gesluit. Sowat 50 000 onderwysers het in strate betoog. Alles gaan oor meer onderwysers en onderwysers hulp; asook hulp met die onderrig van spesiale hulp leerlinge. Verhogings is ook ‘n klein deeltjie daarvan. Dit gaan egter werklik oor die oorlading van onderwysers.

Vanoggend het ek bietjie later opgestaan. Gisternag het die wind baie gewaai en daar was ook baie harde reënbuie gewees. Toe ek die gordyne oopmaak was die lug so blou en skoon as kan kom. Dit was beslis amper ‘n somerse dag. Ek het ‘n kortmou bloes aangehad vir die hele dag. Nou is dit weer kouer, so 8 pm vanaand. Verder het ek nie veel gedoen nie. Ek het darem my Rebusfontein storie geskryf voordat inlinks sluit.


More is die tweede laaste dag van die maand se dagboek inskrywings. Ek gaan beslis ‘n glasie klink as dit verby is.

Liewe Dagboek: Dag 6 Mei


Gister het toe nie so rustig verloop soos ek wou nie.
Ek het Woordsnoere, Vrydag byskrifte en my dagboek aantekening gedoen maar nie by die “Book Launch” se terugvoer gekom nie.
Bertus het ‘n uur gewerk. Ryan, ‘n vriend het net na tien gekom om die 3D printer te gebruik. Hy is net na een hier weg. Ek het toe besluit om bietjie te brei en n “nanny nap” te vang. Nie beskore nie. Bertus laat weet hy kom nog weer werk. Toe hy ingegrawe is in die garage het ek my slapie ingekry.
Ek was veronderstel om by Bertus-hulle te gaan tee drink. Dit het nie gebeur want Bertus sou nog vir 2 ure besig wees. Geen teetjie by hulle nie. Ek het maar vir ons iets gemaak om te drink hier.
Bertus is huis toe net na vyf. Vinnig ‘n kits pakkie “Mac & cheese” gemaak. Geëet en voor TV gaan sit(het darem eers die skottelgoed gewas) om nuus te kyk en dan 7 uur die toppunt van my naweek: ‘Dancing with the stars’.
Die eerste paartje het hul dansie gedoen wat heel goed was.’n Boodskap kom deur:
“Kan Ma asb vir my enkel pennetjies en dertig sakkies bring?”
Spring in die kar en gaan gou(dis so 7 minute van my af).
“Dit moes ‘n vol sakkie van 200 pennetjies gewees het! Nie ‘n halwe een nie”
Ai toggie, as dit net duideliker gestel was sou ek dit gedoen het.
“Sal gou gaan haal. Ek is net besig om ‘Dancing with the stars’te kyk, dan bring ek dit.”
Haastig huistoe. Ek het twee danse gemis! Oppad huistoe kom ek Stella(skoondogter) en Bea tee. Gou hallo gese en gery.
Net na half nege is ek weer terug by Bertus-hulle. Bea is so wakker soos kan kom. Sy het die middag van 1 tot 5 geslaap!
Nou moet ouma eers sit en saam met haar klei speel.In die tussentyd maak Bertus vir ons elkeen ‘n horinkie roomys. Yummy, lekker. Ek en Bea lek-lek te lekker, ek myne en dan bietjie hare en sy hare en dan myne. Op die einde was myne klaar en hare het begin lek. Sy haat dit dat haar vingers vuil is of dat daar gemors moet word. Sy vee net skoon waar sy kan.
Toe kom dit:”Sticky fingers, wash, wash.”
Badkamer toe, komandeer sy haar ma op om die trappie te gaan haal sodat sy in die wasbak haar hande self kan was. En sy vat nie nonsies nie, sy was die handjies dat die skuimbolle waai.


Nou wou ek huistoe gaan. Bea hol gou weer terug om verder klei te speel:
“Bye bye Ouma” kom dit uit die eetkamer. Geen totsiens by die deur nie.
Sjoe wat n bedrywige tydjie was dit nie.
Vandag 6e het rustig begin.
Wildewragtags was nie in voorskool nie.Almal het hulself besig gehou.
My tuinman het laat weet hy gaan gras kom sny. Tien uur was hy nog nie hier nie en ek het gou gaan inkopies doen. Ook maar goed ek het nie gewag nie want hy kom to net by die huis aan toe ek terugkom. Die “omie” is n interessante mens. Hy is n Maori en ek gesels te lekker met hom oor al sy idees en dinge wat hy doen. Hy gaan bv snorkel as hy so voel. Eintlik gaan duik hy pauo skulpe uit(dis eintlik mossel soort wat hier is en beskermd is. Jy mag net ‘n sekere grootte en hoeveelheid uithaal)Hy is netso oud soos ek en doen die grassnyery omdat hy wil besig bly en daarvan hou om dit te doen.Hy bring sy eie grassnyer en weed-eater saam. Hy is veronderstel om die snysels weg te ry maar ek laat hom dit in die beddings gooi as bedekking en beskerming teen wind en weer.
Nou gaan ek my middagete maak en gou n uiltjie knip voor ek terug skooltoe gaan.
Ek sal more verder vertel as daar iets ekstra vanmiddag gebeur het.

Lê-Jou-Eier: Feesseisoen


 

FEESTYD

Kersfees Tablo

Image result for christmas tableau ideas

Kersfees en geen sneeu!

As jy in die Suidelike Halfrond leef, val Desember in die middel van die somer.

Wat maak ons? Ons vergoed deur watte oral te hang en te strooi. Groen vars Dennetakkies of ‘n kersboom rond die toneel af. Dit ruik soos in ‘n bos, vars en skoon.

1955-1959, my Laerskooljare.  Vanaf standerd een het ek skoolgegaan in ‘n plaasskooltjie. Net vier onderwysers, vier klaskamers en seker so vyf en sewentig kinders of dalk minder. Ons, as kinders, is altyd afgerig om n pragtige Kersfees tablo te doen aan die einde van elke jaar.

Ons  oefen en oefen en nogmaals oefen, om alles te doen en te onthou. Ons het elke oomblik daarvan geniet.

Die dag van die Tablo breek aan.

Die onderwysers en ons kinders het gevoel dat alles nou perfek was.   Eers word ‘n paar tafels gerangskik sodat daar genoeg plek vir die koor en die Tablo is. Die tafels was ons verhoog! Twee lakens aan die voorkant  dien as gordyne. Later jare het van die ouers ‘n opbreekbare verhoog gebou. Stoele, met verskillende hoogtes, het as trappe gedien om ons op die verhoog te kry.

Aan die eenkant op die verhoog was ‘n  krip met strooi wat die toneel afgerond het.

Die aand  breek aan.

Juffrou Snyman speel, meer hamer die note, op die klavier terwyl die koor en ouers al die bekende Kersliedere lustig en uit volle bors saam sing. Wat n fees.

Die koor, almal gedrapeer in wit lakens, het glinsterende vlerkies soos engele aan gehad. Hulle het in ‘n halfmaan agter op die verhoog gestaan. Josef en Maria kom op van die een kant. Hulle klop aan elke deur.

“Het julle ‘n plek vir ons om te oornag asseblief?”

Oral dieselfde antwoord:

“Nee, ons is vol!”

Keer op keer.

Image result for christmas tableau ideas

Ten einde laaste, kry hulle ‘n plekkie in ‘n stal.  Baba Jesus slaap in die krip met strooi.

Eerste kom die herders en dan die drie wyse manne. Almal volg  die ster wat van eenkant deur een van die engeltjies getrek word. Van die een kant van die verhoog na die anderkant en stop dan bo die stal.

Maria tel baba Jesus op om hom aan die besoekers te wys.

Skielik kom daar ‘n angswekkende gegil uit die gehoor.

“Dit is my pop! Gee dit terug, gee haar vir my. Dis myne!”.

Maria moes maar op die ou end vir Jesus aan haar sussie gee om haar stil te kry.

Ons het sonder baba Jesus verder gegaan en die voorstelling op n hoë noot en  in ‘n goeie gees geëindig.

‘n Kersfees om te onthou.

Two Brown Pine Cones on Brown Wooden Surface

Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die paddatjie of die InLinkz skakel net daaronder:

http://www.inlinkz.com/new/view.php?id=752602

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22).

 

Lê-Jou-Eier: Wat neem ek saam -opvolg


 

Dit is vanoggend die behoefte van my hart om n opvolg te skryf vir “wat sal ek saamvat”
Nadat ek met Kameel gekorrespondeer het besef ek dat my storie n bietjie moet uitbrei.

Hier in die omgewing van New Zealand is daar nogal heelwat klein en onbekende eilandjies.Dit is heerlike warm eilandjies omdat hul nader aan die ewenaar lê. Ek vermoed dat ons elkeen op ons eie eilandjie geland het omdat elkeen n ander lugredery gebruik het. Ek het ook n vermoede dat ons nie te vêr van mekaar is nie. So n klipgooi van mekaar af. Dalk kan ons nog vir mekaar n briefie met n papegaai oorstuur om mekaar te kontak! (Nou is my verbeelding darem regig besig om oorboord te gaan)
Kameel noem toe dat dit lekker kan uitwerk as ons twee so saam op die eilandjie kan wees. Ek skryf my stories en sy gebruik al die voorbeelde van die eiland om haar verdere Bybelstudie te doen. Ek sal beslis met haar deel. Sal haar n skryfblok en potlood gee sodat sy haar aantekeninge kan maak. Ek gaan haar skaduskrywer(gohst writer) wees en al haar vergelykings en Bybeldele neerskryf soos sy dit vertel.

Dan nadat ons almal opgepik is deur daardie luukse boot gaan ons alger heerlik ondervindings uitruil en n “ball” van n tyd hê op n wêreld reis.

 

Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die volgende InLinkz skakel:

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22). Laasgenoemde blogpos is opdateer op 2017-09-05.

Can you believe it? Chocolate!


My friend presented me with this tiny box!

img_2757

Chocolate craft at its best.

The chocolate layer is so thin it melts away as soon as you put it in your mouth.

Each one had a delicate taste,

lime, mint, raspberry, coconut, creme Brule

Toeka-Tokkel no 34 : Besoeker/s


BESOEKER/S

Image result for visitors pictures

Besoekers kan beslis lekker wees om te ontvang, maar ook jou hele dag omkrap.
In my laaste studiejaar aan NKP was ek bevoorreg om my laaste jaar in Huis Meyer te kon inwoon. My kamer was op die grondvloer, een kamer weg van ons liewe huismoeder.
Gedurende my tydperk wat ek studeer het, was daar altyd n eerstejaar wat voordeurdiens gedoen het. Besoekers moes eers aanmeld by die voordeur. Die diensdoende student het dan die persoon wat besoek word geroep. Daar moes uitgeteken en weer ingeteken word as daar uitgegaan word.
So het dit een aand beslis nie gewerk nie!
Die grondvloer is net hoog genoeg sodat die vensters nie maklik bereik kon word van die grond af nie.
Dit was eksamentyd. Die aand was dit al soort van ligte uit tyd. Ek het vroeg ingekruip na n middag en aand van studie.
Net aan die slaap geraak, met my gesig na die muur toe. Skielik skrik ek wakker van n stem wat van die venster af praat. Ek draai vervaard om en sien n man wat tussen die gordyne deur loer. Hy vra: “Kan ek deur jou kamer by die gang kom?” Ewe deur die slaap antwoord ek: “Ja seker,kom in!”

Woerts, weg is die gesig. Ek dog ek droom nou rerig. Paar tellings later kom n paar bene te voorskyn,die res van die lyf volg. Die ou pluk my uit die bed, gryp my matras en sleep hom die deur uit. Met wat hy, met matras en al, uit my kamer kom bespring die huismoeder hom. Sy gaan tekere en hy hol die trappe op. Huismoeder agterna in haar pejakkies.
Hoe chaoties! Almal skree en jaag ouens in die koshuis rond. Op die ou end was almal uit. (Party dames het natuurlik probeer om hul “besoekers” weg te steek)
Dit was nie baie welkome besoekers gewees nie.Die hele storie was vooraf beplan. Dit was een van die manskoshuise wat besluit het om ons koshuis in te neem. Van die dames het daarvan geweet en hul het gehelp om ouens te laat inkom.

Nog n ander besoeker.

Daar was baie jare later nog n ander besoeker wat onwelkom was.
Ek het pas in n huur- meenthuis ingetrek. Die eerste nag maak Nancy, my hond, my wakker met: Woef-woef. Gladnie rerig kwaai nie. Ek maak haar stil en sê dis sommer n vreemde iets wat sy hoor omdat dit die eerste nag daar was.
Ek draai om, om verder te slaap. Nee wat, Nancy voel gladnie gelukkig nie. Sy blaf, maar klim nie van die bed af om te gaan kyk nie. Ek skakel die bedlig aan en wys haar daar is niks.Gelukkig het ek nie opgestaan om te gaan kyk nie.
Die volgende oggend toe ek in die kombuis kom staan die agterdeur wawyd oop(wat ek gesluit het met sleutel wat ek nie uit slot gehaal het nie.)Die een venster is oopgemaak en mens kan daardeur by die deur kom om oop te sluit.Die sleutel was weg.
Die besoeker het seker nie besef dat daar n hond was nie. Ek was so dankbaar dat ek nie regtig op hom afgekom het of dat hy verder in my slaapkamer gekom het nie. Dit was beslis nog nie my tyd om iets oor te gekom het nie.
Ek het die slot vervang en n ekstra skuifslot op die deur gesit sodat soiets nie weer kon gebeur nie.

Image result for burglar pictures free

Dit dan my besoekers, nou is dit jou beurt.

Geniet Afrikaans en skryf lekker, alles jou eie ondervindings, dis waaroor TOEKA-TOKKEL gaan.

Verlede week is daar oor n eienaardige ondervinding geskryf. Die volgende persone het heerlik vertel:

I scrap 2(die uwe) eienaardige buurvrou

https://scrapydo2.wordpress.com/2016/09/15/toeka-tokkel-no-33-n-eienaardige-ondervindingervaring/

Tannie Frannie Se ondervinding by Goya se graf…

https://frandr.wordpress.com/2016/09/20/vir-toeka-tokkel-n-eienaardige-ervaring/

Kameel het n baie goeie vertelling oor genade …

‘n Vreemde man met ‘n vreemde versoek

Olga gee die verkeerde voorbeeld aan haar kleindogter…

https://olgaseokseltjies.wordpress.com/2016/09/22/toeka-tokkel-33-n-eienaardige-ervaring/

Toorts praat oor die uniekheid van elke mens en besweer die vreemde mannetjie…

Toortsie se Toeka Tokkel oor Eienaardig

 Baie dankie aan almal wat n ietsie geskryf het .Ook dankie die ouens wat kommentaar gelewer het en ook gelees het.

Toeka-Tokkel no 35: HANDE

Toeka-Tokkel no 30: Broer/s en/of Suster/s


Hier gaan ons dan met die laaste Tokkel vir Augustus 2016.

Geniet die skryf en vertel. Dis terapie vir die siel om in Afrikaans te kan skryf.

Image result for sisters pictures

SUSTERS

Alles wat ek hier skryf is hoe ek dit ondervind het as middel kind.

Twee susters. n Ousus en n Kleinsus, Jongsus klink nie vir my reg nie.
Ousus was in die bevoorregte posisie om aan verskillende buitmuurse aktiwiteite te kon deelneem op skool. Tennis, swem, kuns/teken en musieklesse. Sy is steeds baie talentvol.
Sy was ook my klankbord toe ek begin skoolhou het.

Ons het baie gekuier. Sy het toe reeds drie kindertjies gehad wat ek baie geniet het. Naweke was ons kuiertyd. Ek het selfs naweke by haar oornag. Ons was werklik baie geheg aan mekaar. Na my troue het ek weggetrek. Ek het nie n telefoon gehad nie en ons vriendskap het half opgedroog.
Ek het wel gedurende vakansies by Ousus gaan kuier. Dan het ons n hond uit n bos gesels. Ek het weer teruggetrek Potties toe en ons het die vriendskap weer opgebou. Naweke het ek meestal, op n Sondagoggend, na kerk gaan kuier. Ons het dan saam middagete geeët en heerlik in haar lapa gesit en kuier. Ousus was my steunpilaar, my vriendin en ook my stille luisteraar, tot na my ma se dood. Die vriendskap en gehegtheid het net verdof en eintlik uitgedoof.
Tot vandag bly daar maar n krapperigheid tussen ons. Dalk is ek te fyngevoellig of sensitief. Ek voel egter n saak het twee kante. Sy bly my suster en ek bekommer my ook maar oor haar. Ons het nie meer die oop verhouding nie.Ons skryf darem so nou en dan vir mekaar.
Dan is daar Kleinsus.Ons het as jong kinders heerlik saam gespeel en gewerskaf. Ousus het meeste van tyd Kleinsus wou reghelp en dit het nogal wrywing veroorsaak. Ek het nie veel met Kleinsus te doen gehad nie. Of te wel, ons was nie so na aanmekaar soos ek en Ousus toe ons groot was nie. Ons het vir jare nie regtig kontak gehad nie. Kleinsus het darem my troue help reël waarvoor ek steeds dankbaar is. Ek weet wel dat Kleinsus verder gestudeer en help skoolboeke skryf het. Sy het ook ons ouers gehuisves vir baie jare. Toe ek terug in Potties was het ons darem verjaarsdae saam gevier. Ook met Kersfees het ons saam deurgebring.
Na my ma se dood het ek en Kleinsus nader aan mekaar beweeg. Ons het meer gereeld gekuier. Die band het versterk namate die tyd aangestap het na my vertrek na NZ. Kleinsus het saam met my hierheen gekom en vir n maand hier gekuier. Ons het in 2010 ook heerlik saam Zimbabwe toe getoer.
Kleinsus “kyk” baie mooi na my. Sy bekommer haar as ek nie dadelik haar, oor die lug briewe, antwoord nie. Ek waardeer haar ondersteuning baie.
Dit sou eintlik lekker kon wees as ons twee nog naby mekaar gebly het.
Dit dan in n neutedop oor my twee liewe susters.Ek is lief vir albei en mis hul party dae vreeslik. Tog is ek gelukkig dat ek steeds kontak met beide het. Familie bly tog maar familie!

+——-+——-+——-+

September 2016 Onderwerpe

31. Opwinding
32. Kos
33. Eienaardige ondervinding/ervaring
34. Besoekers
35. Hande

Die volgeende ouens het heerlik saam op Safarie gegaan verlede week.

Baie dankie aan jul almal. Jul is helder sterre hier rond.

I scrap 2 (die uwe) Koop n kussing in Livingston.

https://scrapydo2.wordpress.com/2016/08/17/toeka-tokkel-no-29-safarie/

Olga is eerste en sing heerlik saam…

https://olgaseokseltjies.wordpress.com/2016/08/19/toeka-tokkel-29-swinging-safari/

Frannie het n bullebak van n safarie-leier gehad

https://frandr.wordpress.com/2016/08/20/vir-toeka-tokkel-safari/

Perdebytjie – wat n Afrika Safarie was dit nie!

https://perdebytjie.wordpress.com/2016/08/21/vir-toeka-tokkelsafari/

Kameel- renoster en pantoffels!

Pantoffels op safari

Toorts loop n olifant raak

Toortsie se Toeka Tokkel oor Safari

Abri gaan uit eet op safarie en stoute studente…

https://abriejoubert.wordpress.com/2016/08/24/die-oorgekwalifiseerde-dame-en-die-gerespekteerde-professor/

No 31. OPWINDING   is volgende. Begin solank dink mense!

Toeka-Tokkel no 28: STRIK


Die tyd vlieg verby.  Hier is ek weer met ons volgende onderwerp.

Dis baie lekker om deel te hê aan ons lekker Afrikaanse skryfwerk. Jy hoef nie n skrywer te wees nie. Enige vertelling geld solank dit oor die week se woord of onderwerp gaan is alles reg.  Vir verdere inligting hoe Toeka-Tokkel, kliek asb die skakel:

https://scrapydo2.wordpress.com/2016/05/05/toeka-tokkel-no-14-byname/

STRIK

Betekenis van STRIK:
Val, valstrik,vangriem,iemand in die moeilikheid bring, Lusvormige knoop van lyn, das

Daar is n paar gesegdes met strik:
Jou kop in die strik steek
In eie strik gevang

Dan ook strikdas,strikknoop(Skuifknoop)
Strikvraag.

@ . . . . . . .@

Vroeër jare(vandag nog steeds as die kans hom voordoen) het jagters strikke gebruik om diere te vang. Ek onthou nog baie goed hoe daar lang graspolle geknoop word wat mens op einde na n strik to lei. Dit word so gedoen sodat die striksteller kan sien waar die strik is.
Die strik wat gebruik word kan van draad wees wat om dier se nek of poot styftrek. Dit wurg die dier tot hy dood is(baie wreed moet ek sê). n Strik kan ook n gat wees waaroor daar takkie en blare gegooi word sodat niemand dit sien nie(Nou wonder ek kan mens dit n strik noem?)
Die eintlike strik waaroor ek wil skryf, is die strikke wat in dogtertjies se hare gebind word. Hier is n paar mooi strikke van ousus en kleinsus.

My haartjies was altyd baie fyn en ek dink nie die strik sou ingebly het nie.

Dis darem rerig fyntjies as n dogtertjie n strik in die hare het. Lang vlegsels met n strik aan die einde is vir my netso eg meisie-rig.

Daar is ook die netjiese strikdas as manne deftig wil wees.

Image result for bow tie

Vandag word daar verskillende kleure strikkies gebruik vir verskillende verdienstelike sake soos bv. :

   vir borskanker.

Watter gedagtes kom op as jy aan strik dink?

….       …..      ……        …………….

Dankie aan die volgende skrywers wat oor SOEKTOG geskryf het:

Die uwe. I scrap 2 soek steeds na verlore dame.

https://scrapydo2.wordpress.com/2016/08/04/toeka-tokkel-no-27-soektog/

Olga en die soektog na werk!

https://olgaseokseltjies.wordpress.com/2016/08/04/toeka-tokkel-27-soektog/

Toorts soek haar sleutel en n bril…

Toortsie se Toeka Tokkel oor soektog

Dit is dan die storie van verlede week.

Ons volgende Toeka Tokkel gaan oor SAFARIE

Groete van huis tot huis!

Toeka-Tokkel no 20: Die see (vervolg)


Toeka-Tokkel gaan oor Afrikaans en lekker kuier. Almal is welkom.

Vir verdere inligting kliek asseblief die skakel:

https://scrapydo2.wordpress.com/2016/05/05/toeka-tokkel-no-14-byname/

#….#….#

Donderdag het ek nie genoeg tyd gehad om my bydrae te voltooi soos wat ek graag wou nie.

Ek wou my seestorie anders begin. So, hier kom my inleiding nou!

Die See

Op sesjarige ouderdom het ek en my familie met n boot na Suid-Afrika verhuis. Ek onthou nie baie van die hele reis nie. My ma was die hele tyd seesiek. Ek en Ousus, het met tye, op ons eie op die boot rond beweeg. Ek onthou dat ons op n stadium verby ons suster skip gevaar het wat oppad terug was. Ons het een dag ook na die kaptein se stuurkajuit gaan kyk.

Wat wel n groot ervaring was, was toe ons die ewenaar gekruis het. Neptunis ( https://en.wikipedia.org/wiki/Neptune_(mythology)  het uit die see gekom en mense welkom geheet deur hul in water te gooi. Die water was in groot opgestapelde buitebande(vir my was dit baie groot). Die helpers het Ousus gegryp en ook in die water gedompel. Ek het weggehardloop, en onthou dat my pa baie gesoek het. Vreemde mense het my gekry en teruggebring na my ouers toe.

Die see van die skip af het n blywende indruk op my gelaat

Ek is in die middel.

IMG_1845

Toeka-Tokkel no 19: Grot –

het nogal heelwat interessante vertellings opgelewer.

Baie dankie aan die volgende deelnemers:

Scrapydo of te wel die uwe het grot geopen

https://scrapydo2.wordpress.com/2016/06/08/toeka-tokkel-no-19-grot/

Kameel is nie n grotbewoner nie en dan nog vlermuise wat rondvlieg….

Grotte

Tannie Frannie en haar seun-grot..

https://frandr.wordpress.com/2016/06/13/vir-toeka-tokkel-grot/

Toorts- ook gladnie n grotbewoner nie

Toortsie se Toeka Tokkel oor grotte

Abrie dink hardop het ook n pragtige vertelling oor Kango-grotte

https://abriejoubert.wordpress.com/2016/06/17/die-mooi-jong-amerikaanse-dokter-die-rugbesering-en-die-kangogrotte/

Olga is besig om inte haal!

Hier is haar n Mens in elke blom,

https://olgaseokseltjies.wordpress.com/2016/06/13/toekatokkel-17-n-mens-in-elke-blom/

Ook Olga se eetgoed

https://olgaseokseltjies.wordpress.com/2016/06/15/toekatokkel-18-eetgoed/

Volgende keer doen ons VERANDERING