TOEKA-TOKKEL 7 : KLERE/MODE


Welkom weereens by TOEKA-TOKKEL. Die week het weer verby gevlieg en die volgende onderwerp is aan die beurt.

Almal is welkom om deel te neem aan die gesellige vertellings van almal. Dis heerlik om almal se idees en ondervindings te lees. Die beste plek om jou inligting te kry is maar uit jou eie brein of eie ondervindings. Elkeen beleef dinge op hul eie manier en is uniek aan daardie persoon.

So, haal uit en skryf asseblief. Kort of lank. Fotos of geen fotos alles werk hier,  solank dit jou eie ondervindings is. ‘Hoor se’ kan ook soms werk.

Eers n GROOT DANKIE weereens aan die volgende ouens wat lekker saam gesels het oor die woord “telefoon”

https://herriemerrie.wordpress.com/2015/02/02/toeka-tokkel-6-telefoon-stories/  was heel eerste met haar telefoonstorie en ouens het lekker gesels.

https://toortsie.wordpress.com/2015/02/03/lui-telefoon-lui/ Kameel se bydrae en die wonder van God se genade

https://toortsie.wordpress.com/2015/02/04/toorts-se-toeka-tokkel-telefoon/  Toorts met die koekoek-horlosie wat die tante weggee

https://coetzeeblog.wordpress.com/2015/02/04/telefoon/  vanuit Paraguay met n mooi herinnering en n lekker gesels met ander en hul ondervindings.

https://olgaseokseltjies.wordpress.com/2015/02/04/toeka-tokkel-olga-se-onthou/ Nog n inskrywing, dis die grys met maroon  telefoon se onthou

Doen gerus die moeite en lees bietjie wat hul alles te vertelle het.

As jy wil deelneem net die volgende:

1. Gee asb n verwysing na my blog TOEKA-TOKKEL in jou vertelling.

2. Pos n skakel of, in  inlinks of sommer in my kommentaar sodat ek jou kan bedank vir deelname.

3. Wees ontspanne en gesels lekker in Afrikaans.

TOEKA-TOKKEL 7

KLERE/MODES

Hier is my bydrae:

Ek is in die 1940s gebore en het al n hele klere of mode tydperk agter die rug.

Dit wil so vir my voorkom asof daar werklik siklusse is in die modes. Die jonger generasie weet blykbaar nie juis daarvan nie dus hinder dit hul gladnie.

Doerdie tyd, van Doris Day, selfs Marilyn Monroe was daar n stadium dat alles polka dots op moes he. Maak nie saak waar nie daar moes kolletjies op wees.Nou die dag gaan ek saam met my kinders om iets te  doen. Hul laai my toe op. Skoondogter het toe n swart truitjie aan met wit polka dots. Dis te fraai!

Wys jou net daardie tyd toe dit gewild was was dit BAIE gewild. Nou kom dit weer in!

Dieselfde met die roklyn wat so op en af skuif. Van, oor die voete, sleepende op die vloer ,tot so kort dat mens nie weet of dit net n T-hempie is wat bietjie gerek het nie.

Ek wil n bietjie illustreer hoe die tye verander en dan weer terug draai na die verlede.

Verlede jaar met die kinders se troue het ek besluit om een van daardie klein skewe hoedjies te kry met die net wat so oor die voorkop moet kom(hul roep dit op engels n “fascinator”). Dit moes  eintlik nog toe rooi ook wees daarby. Wat n gedoente. Mens het nie sulke hoedjies gekry nie. As ek iets gevind het was dit uitspattig duur en ook nie n kleur wat ek kon gebruik nie.

Ek het toe maar een bespreek by ons kostuum winkel. Was nie rerig wat ek in gedagte gehad het nie maar nog steeds, eerder iets as niets.

Die geluk was op die ou einde aan my kant. Die Vrydag voor die Saterdag van die troue het ons bietjie gaan rondsnuffel in die dorpie se winkels.

Wraggies, daar is toe n rooi en ook n swart hoedjie en nog halfprys ook. Net daar het ek my geldjie uitgehaal en hom gekoop. Die swartetjie was toe mooier as die rooietjie. Dieselfde met my “halsdoek”. Dit was net daar , ek het dadelik geweet dis die regte een. Dit gekoop en ek het heel deftig en uitgevat gelyk met my lang swart romp, rooi baadjie, klein skewe hoedjie en nekdrapeersel.

IMG_4707Volgens my heel modern en lekker outyds.

Nou weer terugflits uit verlede:

Ek het netbal afgerig :    Eerste fotos.( dit was korfbal daardie tyd) Kyk hoe netjies lyk die hoof in sy pak klere.

IMG_9822

 

Hier het juffrou nogal n korterige rokkie aangehad. 1972. Dogters het kaalvoet gespeel!

IMG_9823

 Netjies geskooldrag.

 

 

 

 

IMG_9825

 

  Wie onthou nog die Ponchos? (Die een is self gemaak)

Eerste twee stuk swemdrag!

IMG_9820

 

 

 

Ek sluit af met n pragtige foto van my groot-ouers.  Uitgevat en netjies soos hul altyd was. Mans met hul onderbaadjies en horlosiekettings. (Ek het nog die horlosie en ketting). Heel modieus- nog steeds.

IMG_9811

 

Nou is dit jou beurt om te vertel. Tot volgende week en geniet dit.

Volgende onderwerp is  STOEPSTORIES…

 

Advertisements

Mondays Finish the story


Mondays Finish the Story – February 2nd, 2015

For rules and information go to https://mondaysfinishthestory.wordpress.com/2015/02/02/mondays-finish-the-story-february-2nd-2015/

2015-02-02 - BW Beacham

Finish the story begins with:  “Diamond Jack had his hideout next to the Rattle Snake River.”

My story:

“Diamond Jack had his hideout next to the Rattle Snake River.”

I am standing here on top of the hill keeping an eye on Jack’s hideout.

Yesterday while I was crossing the hang bridge over the Rattle Snake River I saw this figure moving slowly and quietly among the trees. I thought : “Wait a bit, that looks much like Diamond Jack”. I know his way of creeping up to secret places, we were both in prison for smuggling. “Ha ha, got you!”  I won’t let you out of my sight again.

Jack did not see me because I saw him first and could quickly hide away. I kept on wondering where he was. We both escaped from prison working it out together. Jack never told me where the diamonds were . He said they were safe and  we would share them. Best of it all was when we escaped Jack just disappeared in thin air.

“Got you, old buddy , I want my fair share.” I am going to surprise you tonight.

Mondays Finish the Story

Toeka-Tokkel 5 : Sport en volgende 5 onderwerpe


Welkom weereens by Toeka-Tokkel. Die tyd vlieg en dit is weer Donderdag. Die tema vir die week is

SPORT

eninge iets oor sport of selfs sports.

Almal wat in Afrikaans wil skryf kan hul gedagtes hier in my kommentaar plak sodat ek en ander lesers kan gaan lees wat jy oor sport te vertelle het. Dis baie maklik om deel te neem.

1. Noem my in jou skrywe sodat ouens na my blog kan gaan om reels te kry. So, kliek op my skakel en verbind dit tussen jou en my pos.

2. Skryf uit jou hart uit. Kort of lank, daar is geen perk.

3. Gebruik fotos om te beskryf of net fotos as jy nie n skrywer is.(Sal nogal lekker wees om ou sport-fotos te sien)

4. Elke Donderdag verander ek die tema. Jy het dus n hele week om te dink en te beplan.

5. Geniet dit, dis waaroor dit gaan.

VOLGENDE 5 TEMAS/ONDERWERPE:

1.  Telefoon

2. Klere/mode

3.  Stoepstorie…

4. Werk/beroep/arbeid

5.  Geluk/ongeluk

Baie dankie aan die volgende persone wat oor hul vakansies geskryf het. Besoek hul gerus elkeen het n eie besondere ervaring gegee.

Toorts se inskrywing oor geskenke: sy gee ook n resep vir perske-atjar

https://toortsie.wordpress.com/2015/01/17/toorts-se-toeka-tokkel-geskenke/

1.  Toorts se vakansie wat verligting aan oorwerkte plaasmens gee

https://toortsie.wordpress.com/2015/01/21/toorts-se-toeka-tokkel-oor-vakansie/

2.  Kameel wat terugdink: vakansie sonder n pap wiel of warm enjin was ondenkbaar

https://toortsie.wordpress.com/2015/01/20/vakansie-jou-lekker-ou-ding/

3.  Tannie Frannie vertel van see-vakansie – Mooibaai, Sandbaai en Stranlopergrot

https://frandr.wordpress.com/2015/01/17/vakansie/

4.  Spokiesnyspoor en haar pragtige fotos van hienas en spinnekopwebbe

https://spokiesnyspoor.wordpress.com/2015/01/15/mis-nat-hienas-en-spinnekopwebbe/

JULLE IS STERRE.  Kom mense laat ons ons sportstories deel.

                               ######   ######   ######

SPORT

Sport is die meeste van die tyd n groot deel van mense se lewens. Dit bou spanne en belangstelling in dieselfde aktiwiteit. Dit bind selfs nasies aan mekaar. Die meeste van die tyd is dit gesonde ontspanning vir liggaam en gees.

Terwyl ek nog in Laerskool was het ek die sport aktiwiteite baie geniet. Die eerste drie jaar was ek te jonk om werklik aan sport deel te neem. Ons het toe nog in Pretoria gebly. My oudste suster het die geleentheid gekry om swem- en tennis-afrigting te kry. Sy het later jare baie swemafrigting gedoen en nogal sukses behaal. Al drie haar dogters het ook goed geswem.

Ongelukkig het ek nie regtig basiese afrigting gekry nie omdat die geleentheid nie  daar was nie. Ons het weggetrek en van standerd 1 af was ek in n 4-mans skool. Die hoof het ons pouses korfbal leer speel. Ek het meestal vleuel gespeel en soms ook senter. Ons het vriendskaplike wedstryde teen Pretoria skole gespeel.

Gedurende die somer het ons atletiek geoefen. Daar was nie genoeg kompetisie vir my ouderdom nie en het ek meestal saam met die seuns gehardloop. Dit het natuurlik gemaak dat ek nie te sleg gevaar het teen my ouderdom meisies nie. Die lekerste was die huissport. Al die gesingery en eetery. Vir my was die hardloop die lekerste, reguitresies en aflosse.Daar was natuurlik donkieresies, sakresies, eierresies, kruiwaresies en nog vele meer.   Daar is niks lekerder as boeresport nie.

In Ho-erskool het ek net geleentheid gehad om aan eerste huissport en Interho-er deel te neem. Dit was nog op Pilditchstadion gehou! Ek het middelafstand gehardloop en dan spies gegooi. Ek onthou met een oefening het een kind ongeerg die spies gegooi en as die atleet nie weggeduik het nie sou die spies deur hom gegaan het.(Die atleet was ons beste seun gewees en hy was nie veronderstel om die veld te gekruis het nie! Wys jou ook maar hoe vinnig n ongeluk sou kon gebeur) Samewerking met afrigting is uiters belangrik.

Ongelukkig het my sportaktiwiteite doodgeloop omdat ek geen vervoer gehad het nie.

Vanaf my eerste jaar dat ek skool gehou het, het ek pluimbal gespeel. Dit was heerlike ontspanning.

Ons het ook grootgeword met die radio se krieket en rugby kommentaar. Onthou nog vir Gerhard Viviers! Ek het eenkeer die geleentheid gehad om n rugbywedstryd tussen Springbokke en Hane te gaan kyk in Welkom. Dit was nogal n belewenis. Dis egter nie regtig in my lyn, al die skares rondom my nie. So n klomp fanatiese mense wat gil en raas maak my sommer benoud. Toe ons afklim van paviljoen het ek aan my pa vasgeklou. Elke keer as ons op selfde trap staan dan verdrink ek tussen al die mense. Solank ek een trap bo hom was en hom kon sien was dit nie te erg nie. Ek is maar nie gebou vir sulke massas mense nie.

My jonger suster het vir die eerste maand hier by my in NZ  gekuier. Sy het vir ons plek bespreek om n wedstryd tussen Suid Afrika en Hurricanes te gaan kyk. Ons het selfs van die SA spelers raakgeloop in Wellington. Dit was in 2009.

Ek het natuurlik terwyl ek skool gehou het altyd atletiek en netbal afgerig. Dit was altyd vir my lekker om op en af te hardloop saam met die bal. Ek was altyd maar maer gewees omdat ek baie energie verbrand het met die op en af hardloop.

Sjoe daar het jul dit nou! Daar is nog meer om oor sport te praat.

NOU IS DIT JOU BEURT. Lekker skryf.

(Ek beplan om sodra ek tuis is n paar ou sportfototjies by te voeg)

Toeka-Tokkel 4: Vakansie


TOEKA-TOKKEL 4: Vakansie

Voordat ek wegval met die reels van die uitdaging:

n Baie groot dankie aan die volgende ouens wat vertel het van hul spesiale speelgoed of geskenke

Kameel se grootste geskenk

https://toortsie.wordpress.com/2015/01/12/my-grootste-geskenk/

Tannie Frannie en haar pophuismaatjie met n witrot..

https://frandr.wordpress.com/2015/01/11/speelgoed/

Ek gee Toorts se opvolg van vriende wat ook n groot geskenk is…

https://toortsie.wordpress.com/2015/01/14/n-kosbaarheid-in-elke-letter/

@@@

Elkeen is welkom om deel te neem en te kom geniet wat ander ook skryf oor n onderwerp wat ek elke Donderdag gee. Jy het die hele week om daaroor te dink. Jy mag die vorige onderwerp ook gebruik as jy so voel. Dis hoofsaaklik n riglyn om die gedagtes te prikkel.

Besoek gerus die vorige ouens se poste en lees heerlik aan hul ervarings. Daar is niks so lekker as om jou eie ervarings te gebruik nie.

Gee jou opskrif  as Toeka-Tokkel en dan ook n skakel na my blog toe  sodat almal my oorspronklike uitdaging kan lees. Gee  vir my n skakel na jou blog deur dit in my kommentaar te plak. Ek sal beslis wil lees wat jy alles se.

@@@

Perdebytjie het reeds al n stuk geskryf oor haar terugkeer huistoe na haar vakansie. Ek is seker sy gaan nog meer daaroor skryf. Hier is haar skakel- lees dit gerus.

https://perdebytjie.wordpress.com/2015/01/13/more/

VAKANSIE

Wat kom in jou gedagte op as jy aan die woord vakansie dink?

Ontspanne, lui-lekker, sonskyn, see, bosveld, sonsondergang/-opkoms………

Watter gedagte ookal opkom dit bly n heerlike ervaring wat nie sommer vergeet word nie. Veral daardie spesiale vakansie.

As kind het ons eenkeer per jaar vakansie gehou. Dit was meestal die einde van die jaar of begin van n nuwe jaar wanneer die fabrieke gesluit het.

Langs ons het n skoolhoof gebly wat n plaas naby Witrivier gehad het.(Ons het net buite Pretoria gebly daardie tyd) Hy het die huis tot ons beskikking gestel om in vakansie te hou. Dit was die heerlikste vakansies.

Vroeg aand, voordat ons die volgende dag vertrek, het my Pa die Buick gepak. Kon hy vir jou pak! Alles het n gaatjie gekry. Hy was n baas pakker. Ek kan nog onthou dat ons selfs eenkeer n lewendige hoender in n hokkie saamgevat het vir Kersfees. Die is ook in die kattebak gepak.

Ons was veronderstel om die oggend voor die son opkom die pad te vat. My Pa was egter altyd so opgewonde. Hy kon meestal nooit slaap nie. So teen een uur kon hy dit nie hou nie en het ons wakker gemaak. Ons is op die agterste sitplek ingepak, om verder te slaap. Daar was altyd n gekarring oor een se voete wat in n ander een se gesig is. Was maar beknop met drie wat moes le. Dit was egter die moeite werd. Voordat die son opkom was ons in Middelburg(Transvaal). Ons het altyd by die padkafee gestop(wat vir jare steeds nog daar is/was) om die toilette te gebruik . My Ma het altyd padkos ingepak en ook n fles met tee. Daardie dae was daar nie n snelweg nie. Dit was nog enkel bane en nou kronkel paaie. Vandag vat dit n uur en n half tot 2 ure om in Nelspruit te kom. Daardie tyd het ons die hele oggend gery.

Die plaas was n heerlike rustige  plek. Min geriewe: buite toilet, warm water in die donkie wat met houtvuur verwarm word. Dit was n grasdak huis. Heerlik koel in die skroeiend warm Desember weer. Die huis was tussen Dennebome omdat die plaas n Denneplantasie gehad het

Aan die een sykant van die huis was daar n stroompie. Ons het altyd probeer om krappe te vang. Ons was maar skrikkerig want die grootmense het gese hul hou van n mens se tone!Ons het die water en modderwal met n stok geroer om te kyk of n krap wil uitkom. Sodra die krap die punt van die stok beet het, het ons hom uitgeskiet na die wal en ghoop hy bly vasklou. Dit het natuurlik selde gebeur.

Ek kan ook onthou dat ons altyd n heerlike Kersmaal gekry het wat my Ma vir ons voorbrei het.

Die vakansie op die plaas is afgewissel met vakansie in die Kruger Wildtuin. Dit was ook netso heerlik gewees. Een jaar toe my Oupa uit Holland kom kuier het het ons in n tent daar uitgekamp. Dit was nie n groot sukses nie omdat ons nie uitkamp mense is nie. Die Wildtuinvakansies is moontlik gemaak deur vriende van my ouers wat in Pretoriuskop bestuurder was.

My vakansie storie het nou te lank geword! Ek het as volwassene ook spesiale vakansie gehou wat my altyd sal bybly.

NOU IS DIT JOU BEURT. LAAT WEET VAN VAKANSIE WAT WERKLIK N INDRUK OP JOU GEMAAK HET

Toeka-Tokkel 3: Geskenke/speelgoed


GESKENKE/SPEELGOED

Die derde uitdaging hier op Toeka-Tokkel gaan oor geskenke en/of speelgoed van Toeka tot nou!

Laat ons bietjie hoor wat jou gunsteling speelding was of is. Of gesels bietjie oor geskenke wat jy al ontvang het en hoe belangrik dit vir jou was of is.

Skryf n lekker stuk en plak die skakel hier by my kommentaar in sodat ek dadelik kan gaan kyk wat jy alles se. Gee ook asb n skakel aan die begin of einde van jou skrywe wat lesers na my pos bring om die reels te kan sien en dan ook deel te neem.

Waaroor  gaan dit? AFRIKAANS  Geniet die skrywe en dan nogal in  Afrikaans!

Die volgende twee bloggers het weer hul deel bygedra. Gaan lees gerus hul vertellings en gee ons ook n kykie in jou lewensondervinding hoe nietig ook al.

Kameel se: Vriendin soos Deslyn

http://toortsie.wordpress.com/2015/01/07/n-vriendin-soos-des/

Toortsie se: A… vriende

http://toortsie.wordpress.com/2015/01/07/toorts-se-toeka-tokkel-vriende/

Baie dankie Kameel en Toorts vir jul bydraes.

VOLGENDE PAAR WEKE SE TEMAS.  Ons begin Donderdag en het tyd tot volgende Donderdag om deel te neem

Temas

  1. Vroegoggend
  2. Vriende/vriendinne
  3. Geskenke/speelgoed
  4. Vakansie
  5. Sport

#……………#…………….#………………#

My bydrae vir                                       GESKENKE/SPEELGOED

Geskenke is veronderstel om iets spesiaals te wees. Die koste of grootte is nie die belangrikste nie. Dit is die liefde en opregtheid waarmee dit gegee word,wat belangrik is.

As kind en selfs vandag nog het ons altyd geskenke gegee of gekry met Kersfees en op jou verjaarsdag. Dit was altyd n klein geskenkie met gevoel daarby. Een geskenk wat ek nog baie goed onthou is die volgende:

Ons was as familie oppad Suid Afrika toe in 1952. My sesde verjaarsdag sou op die skip wees waarmee ons sou reis. Langs my grootouers, waar ons as familie ook gebly het, het twee susters gewoon. Hulle was volgens my as 5-jarige twee ou dames. Oud was hul sekerlik nog nie want hul was meer my ouers se ouderdom. Die twee susters het vir my my verjaardaggeskenk gegee voordat ons vertrek het. Dit was die allermooiste SLAAPPOP.  Sy het n ligte groen satyn en kant rok aangehad, selfs n paar wit plastiese skoene en wit sokkies.  Die mooiste van alles was die lang geel nylon hare met linte in, en die blouste, blinkende glas oe. O-e wat toe maak as mens haar neer gele het!

As jong dogters het ons baie van papierpoppe gehou. Ons het gereeld met verjaarsdae n nuwe papierpop gekry omdat die poppe met die mode en gewildheid van persone tred gehou het. Ek en klein Sus het heerlik papierpop gespleel!

Na mate n mens groter en ouer word het geskenke en speelgoed verander. Later het mens n paar sakdoekies, reukwater of iets soets gekry as geskenk.

Wat my ook nog bybly is dat sommige mense vir my geskenke koop met my eie geld. Dis vir my bietjie hartseer en het my nogal ontstel toentertyd. My pa het bv vir my n radiotjie uitgesoek en vir my gegee en ek moes dit self betaal. Dit is nie die enigste keer dat iemand iets vir my “üitgesoek” en vir my “gegee” het op my rekening nie!

Vir my is n geskenk belangrik as dit met opregte bedoelings gegee word, nie om n indruk te maak of om om te koop nie. Die volgende het ook gebeur:

Een Kersfees het ek vir die hele familie iets kleins gekoop. Ek het nie veel geld gehad om te spandeer maar tog was daar vir elke een n ietsie. Die familie het so min van my geskenkies gedink dat hul dit nie eers saam huistoe gevat het nie. Dit is sommer net hier gelos vir die kinders wat hier bly. Dit was n klap in my gesig! Minste wat daar gedoen kon word was om dit net saam huis toe te vat en dan daar maar van ontslae te raak sonder om dit so ooglopend sommer hier te los.

Geskenke en selfs speelgoed, toe ons klein was, gee mens darem baie plesier. Iets kleins uit die hart is meer waardevol as n groot blink duur geskenk.

Kinders het gedurende die tyd wat ek skool gehou het male sonder tal vir my die mooiste klein eie gemaakte geskenkies gegee wat vir my goud werd was en steeds is.

**** Vertel bietjie van sppesiale geskenke of speellgoed wat jy nog kan onthou. Alles gaan oor lekker skryf in Afrikaans. Niemand kan se jy is verkeerd nie ons is almal reg op ons eie manier.

 

TOEKA-TOKKEL 2: Vriende/vriendinne


 

 

TOEKA-TOKKEL 2:    Vriende/vriendinne

Die tweede uitdaging hier op Toeka-Tokkel gaan oor vriende of vriendinne van Toeka tot nou!

Ek hoop jy neem die vrymoedigheid om n bietjie van jou vriende met ons te deel. Skryf n lekker stuk en plak die skakel hier by my kommentaar in sodat ek dadelik kan gaan kyk wat jy alles se. Gee ook asb n skakel aan die begin of einde van jou skrywe wat lesers na my pos bring om die reels te kan sien en dan ook deel te neem.

Geniet dit! Dis waaroor dit gaan geniet en Afrikaans!

Die volgende twee bloggers het heerlik saam gesels oor vroegoggend. Gaan lees gerus hul vertelling.

http://toortsie.wordpress.com/2014/12/29/toeka-tokkel-vroegoggend/

http://toortsie.wordpress.com/2014/12/29/toeka-tokkel-vroegoggend/

Baie dankie Kameel en Toorts vir jul bydraes.

VOLGENDE PAAR WEKE SE TEMAS.  Ons begin Donderdag en het tyd tot volgende Donderdag om deel te neem

Temas

  1. Vroegoggend
  2. Vriende/vriendinne
  3. Geskenke/speelgoed
  4. Vakansie
  5. Sport

Nou ja hier gaan ons! Hier is my stuk vir die week

VRIENDE

Kindervriendskap en -vreugde

Vriende is baie belangrik in die lewe. Enige mens het iemand nodig om net sommer mee te kan sit en net stil bly of net mee te gesels.

Ek onthou nog van my eerste werklike vriende.

Ons het, as familie, na n klein opkomende dorpie net buite Pretoria getrek. Ek en my jonger  suster het heerlik  skoolgegaan in n 4 -mans skool. My ouer suster moes busry om by die skool te kom, sy was in standerd 6 dink ek. Ek het in standerd een in hierdie skooltjie begin. Vandat ek die jaar daar aangekom het, het ek twee werklik goeie en spesiale vriendinne gehad.

R..  was n meer gegoede plaas meisie wat nogal neergekyk het op my ander vriendin.

V… het nie ouers gehad waarvan ek weet nie en het by haar oupa in n sinkhuisie op n kleiner stuk grond gewoon(bywoners genoem). V… was eintlik n vriendin wat goud werd was.

My ouers het nie aan oorslaap geglo nie. Ek kon egter wel op n Vrydagmiddag, na skool, by die vriendinne gaan speel, soos ons dit toentertyd genoem het. Een Vrydag by R… en dan n volgende Vrydag weer by V…

V… het ook gereeld by my kom speel op n Vrydagmiddag na skool. Sy het selfs ook n enkele keer by ons oorgeslaap. R.. kon nooit by my kom speel nie.

Ek moet net ook verduidelik dat ons ver van mekaar gebly het. Ek het so n amper 30 minute se loop van die skool gebly en V… het so 30 minute na die anderkant  van die skool gebly. R.. het nog verder as V.. gebly. Dit is hoekom ek Vrydagmiddae kon gaan speel omdat ek dan al halfpad na hulle geloop het. Ons het nie fiets gery nie maar te voet geloop skooltoe en terug. Die terugloop na die speeldery was maar n lang loop. Ek het meer by V… deurgebring as by R…

R…se middagkuiers was meer “gesofisitkeerd” gewees as die by V…. Ons het meestal maar binne gespeel. Ek dink ons het hoofsaaklik pop gespeel!

V… se kuiers was heerlik. Dit was nou vir my die lekkerste om daar te wees. As ons by die huis kom het V… se oupa vir ons eierbroodjies met eende eiers gemaak. (Franse braaibroodjies!) Ons het n letterlike hond uit n bos gespeel. Ons het buite onder die bome langs n stroompie gespeel. Ek kan nie onthou wat ons presies gespeel het nie maar daar was nie gekoopte poppe nie. Ons het alles wat bruikbaar was gebruik om mee te speel.

Die 5 jaar wat ons saam skool gegaan het,het n hegte vriendskap tussen ons drie laat ontstaan. Daar was net 6 kinders in my klas. Drie seuns en dan ons drie meisiekinders. Pouses het ons alles saam gedoen en ook alles gedeel.

Ek was n sportiewe meisie gewees en het korfbal in die winter gespeel en dan natuurlik atletiek in die somer. My twee vriendinne was nie regtig sportief nie. R… was nogal baie oorgewig. Dit was n familie kenmerk gewees, so sy het nie gehardloop nie. V.. weer was net nie gebou vir baie beweging nie. Tog was ons n heerlike hegte drie-man-skap. Ons het mekaar ondersteun, gehelp met huiswerk en wat ook al verby kom om saam te kan doen.

Ongelukkig het ons paaie uitmekaar geloop toe ons Hoerskool toe is. R.. het maar gesukkel met skoolwerk en is koshuis toe, terwyl V… aangeneem is en toe in die stad gaan bly het.

Ons het weggetrek uit die klein dorpie en moes ver ry met die skoolbus om by die skool te kom.Ons het heeltemaal kontak verloor.

Eendag het ek R… raakgeloop en sy het my na haar verlowingspartytjie uitgenooi. Ek het gegaan maar dit was nie meer dieselfde nie. Ons het heeltemaal weggegroei van mekaar af.

Van V… het ek op n stadium ook gehoor maar dit was nie baie goeie nuus nie. Sy het nie te goed gevaar met haar “nuwe” lewe nie. Sy is blykbaar maar n bietjie mishandel. So jammer dat dit moes gebeur sy was volgens my n liewe, goeie mens.

Gedurende my grootword jare het ek nog hegte vriende gemaak wat deur dik en dun by my gestaan het en wie ek ook kon ondersteun en bystaan. Ek het steeds nog n paar werklike vriendinne waarmee ek nog af en toe gesels d.m.v. internet. Dis egter nie dieselfde as om te sit en kuier oor n koppie tee of koffie nie.

Noudat ek hier in die vreemde is het ek darem ook begin om vriendskap te smee met n paar juwele wat op my pad gekom het. Dit wys n mens dat die lewe maar vreemde draaie loop maar tog is daar altyd werklike vriendskappe wat deur dik en dun bly voortbestaan.

TOEKA-TOKKEL: Vroeg oggend


TOEKA-TOKKEL

Goeie dag aan almal!

Ek het die gedagte om n uitdaging te begin wat “Toeka tot Nou” voorstel. Die idee draai al so lankal in my gedagtes, dat ek vanoggend besluit het – nou of nooit.

Dit kan n vergelyking, beskrywing of voorstelling wees van nou en toentertyd. Jy kan maak of jy mal is en doen alles!

Hopelik gaan ek n lysie gee van wat ek wil doen vir die maand of iets in daardie lyn. Ek sal n tema aan die week vasbind. Donderdae verander die tema.Jy is egter nie gebind nie, as jy dit wil verander of later wil doen, is jy welkom.

Kortliks net n paar reels:

1.Plaas jou beskrywing, vertelling, fotos op jou blog of in n pos onder opskrif “TOEKA-TOKKEL” en plak jou posadres in my kommentaar sodat ons jou kan besoek en lekker saam kuier.

2. Plaas ook n skakel in jou pos waarin jy verwys na die oorsprong waar jy die inligting oor die uitdaging gekry het.

3. Ek wil dit n Afrikaanse pos maak maar as jy in Engels of enige ander taal wil deelneem is jy ook beslis welkom.

(Any other language is welcome if you feel up to it to join in the fun of remembering the past and linking it to the present vise versa)

 

Tema vir die week is:                         VROEG OGGEND

Soggens, so teen 4:30 begin dit goed lig word hier in Nieu Zealand. Dis eers doodstil, dan n ge-pieng-pieng in die verte van een of ander voeltjie(Nog nie uitgevind wat dit is nie!). Ek het gedink dit is my student se alarm wat so vroeg afgaan. Sy is egter nie meer hier nie en die alarmpie gaan steeds af!

Weer doodse stilte en dan kom daar n ploink-ploink op my dak! Heen en weer, op en af, hop, hop, hop! Dis mnr en mev “Blackbird” wat heerlik op die dak spring in die hoop dat daar iets opvlieg om te vang!

Tui’s(inheemse voel) begin dan heerlik te gesels want hul soek nektar in die vlasstingels wat op die oomblik in blom is. Hul jaag mekaar en krakeel vir n vale omdat hul baie gebiedgebonde is. Hul hou niks daarvan om te deel met ander nie.

Prosthemadera novaeseelandiae -Waikawa, Marlborough, New Zealand-8 (2).jpg

http://en.wikipedia.org/wiki/Tui_%28bird%29

So 7 uur staan ek op en neem Trompie vir sy eerste vroe-e lopie om sy besigheid te doen. Kom wind,reen, koue maak nie saak ons loop.

Die vroegoggend geluide, laat my terugdink aan my kindertyd. Ons het op n plot gebly en het met melkbokke geboer. 5 uur soggens opgestaan om saam met my ma te melk en hul te voer voordat ek kon aantrek en 6:30 die bus haal om skooltoe te gaan. Daardie tyd van die oggend was altyd die lekkerste. Alles was fris en koel.

Iets wat ek ook nog onthou was die gekoer van die tortelduiwe en lemoenduifies. Ek mis daardie rustige oop skoon oggende op die Hoeveld baie. Later jare is ek Bosveld toe, daar was ook die gekoer van duiwe vroeg soggens. Ek het ook vroeg soggens my honde, Boesman(Boerboel), Bobbie en Nancy(2 mini Schnauzers) na die ruwe veld gevat om te loop. Dit was nog n ongeskonde groot stuk Bosveld wat nog nie verbou was nie. Ons het gereeld Duikertjies gesien. Selfs een oggend n miervreter! Wat n belewenis! Ek het al soggens  die vars spore gesien wat na n gat gaan waar hy bedags weggekruip of geslaap het. Een oggend was ons vroeg genoeg om hom oppad teen te kom. Reguit bed toe!

Ai dit is darem maar mooi en lekker herinneringe van vroegoggend wakker wees en buite wees.

Hoe lyk dit, gaan jy n paar vroegoggend ervarings van Toeka -tot/of- Nou met my deel?

Ekstra inligting oor lemoenduif

Die Lemoenduif of Rooiborsduif (Streptopelia senegalensis, lengte: 22–24 cm) is ‘n duif inheems aan Suid-Afrika. Hy is nie bang vir mense nie en word dikwels op stadsypaadjies, tuinpaadjies en in tuine aangetref. Sy Engelse naam Laughing dove, kom van sy sagte borrelende roepnoot wat soos iemand wat lag, klink.[2] Lemoenduiwe is algemeen regdeur Suider-Afrika en is dikwels in groot getalle in stadsparke en op oop gebiede bymekaar. Soos die Tortelduif bestaan sy vertoonvlug uit ‘n byna vertikale opvlieg in die lug, en dan ‘n afsweef met uitgestrekte vlerke en stert.

http://af.wikipedia.org/wiki/Lemoenduif

Uitdaging: Fantasie – Challenge: Fantasies


For more information visit http://toortsie.wordpress.com/2014/12/03/terug-in-die-verlede/   or go to   https://www.facebook.com/toortsie?fref=ts

 

Bloguitdaging: Gee fantasie vrye teuels.

Fantasie

Die uitdaging is om die skrywersblok te breek. Fantasie is nie regtig in my lyn van denke nie maar die woord het my aan die dink gesit gister en ook vanoggend.

Toe ons nog kinders was het my oudste suster altyd uit die “Gebroeders Grimm” se stories voorgelees. Dit was altyd vir my n wereld op sy eie. Ek neem aan dis n denkbeeldige leefwyse of fantasie wereld wat hul skilder. Daar was altyd die aaklige, wreedardige karakters wat die arme kinders altyd wil opeet, jaag of net gryp.

Vanoggend het ek weer bietjie terug geleef in die fantasie wereld van drake .

Drakestorie
Drakestorie

Jong kinders hou in n mate van drake, veral die wat bietjie meer waagmoed het sal nader gaan om ondersoek in te stel. Hierdie dogtertjie het soetjies nader gegaan en met die draak gepraat en vertel dat sy hom ken. Ook dat sy die storie van hom ken( sien, daar skiet my fantasie te kort want ek het nie n idee wie ,of waar, of watter draak dit is wat hier so uit die grot uitpeul nie) In elke geval die kinders wat verby loop het almal verwonderd na die ou draak gekyk. Een seuntjie van so 3 jaar wou eers nie nader gaan nie. Hy loop met n wye boog verby en vertel sy ma dat sy nie so naby moet loop nie en hy bly se: “Don’t touch!” Hy het met sy handjies agter die rug verby gestap! Te kostelik.

Volgende is my eie Fantasie storie:

Ek loop tussen n skare mense en wonder wat gaan aan. Dis vreemd dat almal in een rigting beweeg. Vir my is dit baie moeilik om te loop sonder om voor op die vloer te kyk waar ek loop. So, ek bly soort van af kyk! Die meeste mense was egter besig om almal meer op te kyk na iets wat hulle sien.

Na so ent se loop en saam drom, besluit ek om tog maar op te kyk.

“Wat op deeske aarde gaan aan! Gee pad! Hardloop!” skree ek vir mense om my.

Almal stop skielik en kyk verbaas na my wat so skree en net wil weg hardloop. Ek kon nie wegkom nie want daar was te veel mense om my. Hul hou my vas en dwing my om stil te staan en op te kyk.

Dit is wat ek sien…

DSCF7230

Wat dink julle daarvan?

Die reuse arend wil my vang en insluk!

Sy kloue wil my vasgryp!

DSCF7231

Ha ha ha, Skielik kom ek terug aarde toe. Ek het vir n oomblik gedink dit is die einde.

Die werklike prentjie!
Die werklike prentjie!

Dit was nou n fantasie episode uit my duim gesuig!

Ek het vandag my Internasionale student Wellington Lughawe toe gevat. Sy is nou oppad terug  Hong Kong toe na n jaar se studie in New Zealand en onder my vlerk.

Die draak is n nuwe uitbeelding. Die Lord of the ring uitbeelding is al n hele tyd daar(kan ook The Hobbit wees)