1960-1980

1967 Wag-‘n-Bietjie-Koshuis. Ek het ‘n selfgemaakte rooi linne rokkie aangehad en my eerste hangertjie wat ek vir my gekoop het.

Skoolhou Hennopsrivier Laerskool 1968-1971. Ek het self die truie gebrei.

1972 Laerskool Potgietersrus koshuis. Die hare is ‘n haarstuk wat ek nog steeds het. Dis regte mens hare

1979 besluit ek om ordentlike fotos te laat neem om aan korrospondente te stuur. Swart truitjie met rooi kraletjies om die nek. Ek het in 1974 alle kleure stringetjies kraletjies gekoop in London op ‘n vlooimark

30 Augustus 1980 trou ek met ‘n “wonderlike” man. Satyn bandjie en astertjie om die nek. Spesiaal my hare laat groei vir die geleentheid.

Net ‘n Gevoel

Het jy al die gevoel gehad?

Dis Dinsdag, ek en my vriendin het ons Dinsdag kuiertyd by n koffie shop. Ons doen dit nou al seker vir drie jaar, hierdie gekuier oor n koppie tee/koffie.
Die volgende toneel speel hom af terwyl ons kuier :
Aan ‘n tafeltjie buite ons gehoorveld sit die tweetjies. Met skouerlengte swart hare wat sy gereeld saamvat in haar hand en dan agteroor gooi, dan vat sy dit weer saam en gooi dit oor haar skouer. Sy is ingedagte. Langs haar sit, ek neem aan, haar blonde seuntjie. Hy het gejelde haartjies wat regop staan op sy koppie. Blou ogies kyk rond en dan na die speelgoedjie in sy handjies. Mamma is besig op haar foon. Voor haar is ‘n wortelkoek muffen. Daar is ook ‘n sjokolade melkskommel. Sy eet ‘n hap en probeer vir die kind ook gee. Hy wil nie. Draai sy gesiggie weg. Sy gaan aan met haar foon en dan neem sy nog ‘n hap. Sy skep van die versiersel en hou dit voor die seuntjie. Hy eet dit. Hy wil egter nie die koek self eet nie. Volgende is die melkskommel. Steeds bly Mamma besig op haar foon. Sy skep ‘n lepel vol van die boonste skuim af en gee dit vir haar kind. Hy hou daarvan. Sy gee hom ‘n tweede lepel, die derde lepel wil hy nie hê nie. Sy laat hom afklim van sy stoel en hy gaan in die speelplekkie speel. In die tussentyd bly sy besig met die foon. Voorkop geplooi in konsentrasie. Sy bly die hare saamvat en elke keer na agter gooi. Met die hare aksie kyk sy in die kind se rigting om te sien wat hy doen. Tog glo ek nie sy sien hom regtig raak nie. Hy is heel rustig besig met al die speelgoedjies.

Van die oomblik dat ek die vrou en die kind so sien sit het kom die gevoel by my op dat sy bekend kan wees. Die kindjie lyk baie soos sy pa as dit die persoon is aan wie dit my herinner. Kan dit waar wees? Is die twee regtig bekendes wat ek nog nooit ontmoet het en tog vir my die gevoel gee dat dit hulle kan wees.

Het jy al so n ondervinding gehad?

Lê-Jou-Eier: Manscaping

Daar is niks so aantreklik soos n man wat netjies gekap is nie. Oudmodies? Dit bly vir my mooi as n man se hare en baard netjies gesny of geskeer is
Een jaar terwyl ek studeer het was daar n ou wat my droomman was. Hy het die Coca Cola vragmoter bestuur en aflewerings by kafeteria gedoen. Hy was altyd netjies geklee, maar wat my die meeste betower het was sy baard. Hy het donker hare gehad en sy baard was vol en altyd netjies kort bygehou. Tot vandag toe hou ek steeds van n vol baard wat netjies kort en versorg is.
Vandag het die manne ander idees. Vir my voel dit egter dat hul dit eerder doen, of nie doen nie, omdat die vrou in hul lewe dit so wil hê.
Vroeër het die manne hul neushare en oorhare self uitgetrek. Kophare is deur n bardier (haarkapper) geskeer en dan die baard het hy ook meestal self geskeer of laat skeer.
Nou gaan hul verder en die rughare moet verwyder word. Borshare moet minder wees voordat hul hul swembroeke aantrek. Hoekom? Om in te wees? Met wie?
Voel my soos tyd en geld mors om dit te laat doen.
Waar gaan die lewe heen? Mans wil soos vroue wees en vroue wil meer soos manne wees.

Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die paddatjie of die InLinkz skakel net daaronder:

http://www.inlinkz.com/new/view.php?id=761578

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22).