Liewe Dagboek: Dag 14 Mei


Vandag is ek nie lus vir skryf nie. Die kinders maak my heel morbied en ek het nie meer lus vir hul klomp twak nie.
Ek wil my langtafel storie skryf. Ek het al vir my twee persone gekies om saam mee te deel. Ek moet ander ouens se stukke gaan lees om te kan kommentaar lewer. Ek het nog net Frannie se lekker stuk gelees. Ek het ook Rambo se blog besoek. Hy en Trompie gaan nog groot maters word.
Sjoe, ek het nie besef dat Doris Day al so oud was nie of dat sy nog gelewe het nie. Sy was darem altyd n opgewekte en geliefde ster gewees toe ek nog n dogtertjie was. Ons het altyd na die dans en sing films gaan kyk.

Advertisements

Liewe Dagboek: Dag 11 Mei


Lekker Saterdag.
Bertus het weer net na sewe ingboek om sy masjien aan te sit vir die oggend se werk. Mike, sy helper kom 8 uur. Ek is bly Bertus het nou iemnd wat hom kan help met sy besigheid. Hy is sommer baie meer ontspanne.
Ek het nog bly le tot net na agt. Opgestaan en gewone roetine van stort, ontbyt en Trompie loop. My foon het ‘n boodskap gestuur terwyl ek besig was om te loop. Ek was nie te ver van die huis nie en het dit geignoreer. Met wat ek die huis kan sien, sien ek Stella inry. Sy het Bea uitgehaal en vir my gewaai. Toe ons naby kom kon Trompie dit nie hou nie. Hy trek en wil net huistoe gaan.
Aangekom by die huis het Bertus net die deur oopgesluit, en Stella en Bea ingelaat. Trompie wag mooi buite die deur sodat ek sy voete kan droogmaak. Hy hol in. Ek trek my skoene uit en hoor hoe vra Bea waar ek is.
Ek moes na Bea kyk terwyl Bertus en Stella huisinspeksie doen by my eenheid wat uitgehuur word. Bertus was veronderstel om vir my te gevra het. Hy het nie daaraan gedink nie – ek was mos nog in die bed toe hy gekom het!
Dit was ‘n lekker kuiertjie met Bea. Sy wou eers half ongelukkig wees maar ons het gou haar klei uitgehaal en ouma het vir haar ‘n hondjie uitgerol. Toe ons weer sien was ‘n uur verby en was Mamma en Pappa weer terug.
Bertus het toe eers nog so ‘n halfuur gewerk voordat sy 100 bordjies klaar was. Hul moet nog net getoets word of hul werk.
Bertus-hulle het my uitgeneem vir ‘n hamburger en melkskommel by McDonalds. Bea het haar eie skyfies gekry met 4 hoender-stukkies en ‘n melkskommel. Dit was ‘n heerlike middagete so saam met my kinders en klein Bea.
Vanmiddag het ek eers bietjie gerus en verder net mooi niks gedoen nie, behalwe om die skottelgoed te was wat al die hele week opgehoop het. Ek dink ek moet tog maar daaraan dink om ‘n skottelgoedwasser te kry. As ek dit gekry het moet ek net nog vir my ‘n kok kry om my etes voor te berei. Ek is baie lui om te kook. Kannie verstaan wat my probleem is nie, maar as ek na 5 by die huis kom is ek net nooit lus vir n kokery nie.
Nou sit ek rustig en kyk n stuk van David Attanborough, oor die Barrier Reef. Ek wil nou net gou hierdie pos en dan sit en kyk, en bietjie brei. Ek’s besig met ‘n pull-over vir myself. Nog die twee sykante van voorpant brei dans dit ook gedoen.

Woordsnoere 4 + Rebusfontein #MiddelMzanzi


Nooit sou ek in my wildste gedagtes kon dink dat ek n afgeleë plekkie van my eie sou kry tussen al my geliefde en bekende vriende.Vuurvliegie, die briljante gedagtevanger van weleer het die bal weer aan die rol gesit deur die plekkies te skep in Rebusfontein. Daar is ‘n ossewa gereël om almal op te laai. Ongelukkig kon ek nie betyds opdaag nie weens die internetonderbreking in Australië wat vier en twintig uur geduur het. Dit het die hele wereld geraak omdat alles per hand gedoen moes word. Mense is vertraag en het geen aansluitings gehad nie. Gelukkig kon ek darem verder reis nadat ek ons plaaslike Rocket Lab kon kontak en hul het ‘n vuurpyl vir my reggekry en my opgepik.
Ek land toe, ‘n dagreis weg, na die tyd in Suid Afrika. Gelukkig het iemand in die verbygaan aan my ‘n perd en treppie geleen om die ossewa in te jaag. Ek het my Voortrekkerkappie opgesit, my stewels en leer langbroek aangetrek. Die sweep het geklap en die wiele het gedraai vir n hele twee dae. Gelukkig het ek kop gehou en die ossewa ingehaal.Dit was n heerlike weersiens.Die klomp Towerinne is n klomp babbelkouse. Hul het nooit opgehou met klets en vrae vra nie. Man en muis was opgewonde om die nuwe geheime bly-vallei in te ry.
Al die huisies was te pragtig. Toortsie se rooi deur, Kameel se pergola en Bytjie se rotshuis. Natuurlik was die beste dat elke huis se Balie-eend gestaan en wag het om elkeen innig dag te sê.
My sigeuners lewe gaan nou eers vir n rukkie op ys gesit word.Ons het Towerinstraat af geskommel. Eerste was Hester se huis, cheer-leader van vormaat. Dan kom Balie Drome in twee en die uwe in NOMMER DRIE.

Image result for gypsy wagon

Kameel langs my in nommer vier! Ek is so dankbaar dat ek no 3 gekry het want fotograwe, skilders en kunstenaars glo aan drië. Uitstekend Vuurvliegie jy is ‘n doring!
My huisie lyk so binne:

Image result for gypsy wagon


Ek is maar gewoond aan tweedehandse meubels en goete dat ek sommer tuis gevoel het toe my ou “luie-seun” voor die TV staan. Nadat ek my plek deurgekyk het het ek eers gou ‘n draai by Vuurvliegie in no 14 gaan maak want sy het koffie/tee en banting muffens reg as verwelkoming.

Wil jy saam woordsnoer en Towerinavontuur op Rebusfontein? So maak mens :

Jy kan ‘n enkele woord as inspirasie vonk gebruik of al die woorde – nes jy lus het.

Skryf dan jou blog. Maak seker om die woord (e) in vetdruk (bold) aan te dui in jou skrywe.

En moenie vergeet om jou bydrae op Inlinkz te gaan aanhaak nie!

https://fresh.inlinkz.com/p/c79e46273dd84a68bceb38fb23d1f7c5

Lekker snoer.

Woordsnoere 1: Enge gebeurtenis


Enge gebeurtenis


Hier sit ek wat Scrapy is,aan die onderkant van die bult.

Ek gly toe onverwags omdat die skuinste nat was na die hewige reëndag.

Met haar moedermooi gesig sit die oerangoetang met haar arms om my gevou. Haar lippe klap-klap van simpatie. Sy vee die oker kleurige grondspatsels van my wange af.

My bril se lense is in duisend skerwe.

“Is dit ‘n komedie wat hier afspeel,” wonder ek so in my selwers.

“ Is ek besig om kens te raak?”

Hier sit ek toegvou in n makabere omhelsing. Dis ‘n resep vir ‘n geveg of ‘n bede. As die oeranoetang vrou agterkom wat sy omhels sal sy ‘n groot stuk van my kan kleim as ‘n ietsie vir haar leë maag.

Ek sou met graagte haar wou omhels om haar gevoel te isoleer.

My gedagtes skakel oor en ‘n engelekoor begin sing. Hopelik kan ek haar instink beinvloed om saam met Soma, die maangod, te vertrek, en my te los dat ek my lewenslus kan herwin.

Die ondervinding was finominaal en ek het my memo geskryf omdat dit my rede gegee het om n opvolg te kan skryf vir die enge avontuur.


oor die #Woorsnoer uitdaging: Het jy ook lus vir saamspeel? Skryf dit op jou blog. Gebruik een of sommige of al die woorde as inspirasie en onthou om die skakel te gaan plak by INLINKZ, waar jy ook sommer al die ander blogs kan lees.

Kuier-Safarie: Limpopo hier kom ons


Safaribus

Hierdie bloguitdaging is aanvaar deur 14 Afrikaanse bloggers wat ‘n virtuele toer deur Suid-Afrika onderneem. Die gasblogger van die week moet op ‘n Donderdag, op die datum wat toegewys is, ‘n blog publiseer oor hulle tuisdorp/streek, asook ‘n fiktiewe weergawe van die ander 13 bloggers se kuier by sy/haar tuisdorp.
Klik op hierdie skakel Lys van Deelnemers om die lys van deelnemende gasbloggers te sien, asook die datums waarop hulle blogposse gepubliseer gaan word.
Die 13 kuiergasbloggers vir die week (en hul lesers) kan dan vir die res van die week ook blogposse bylas waarin hulle beskryf hoe hulle die kuier geniet het, of hulle kan ‘n blog skryf oor die streek waarin die gasblogger van die week die kuiergaste onthaal het – vertel van ‘n eie ondervinding in daardie provinsie/streek/dorp, deel herinneringe of plaas foto’s wat daar geneem is. Enige lekker storie sal doen solank dit in die gasblogger se streek/provinsie afspeel. Kuiergasbloggers en hulle lesers moet asseblief ook hulle skakels byvoeg op InLinkz sodat ons almal kan saamlees.
Om jou blogpos by te voeg of om die ander bloggers te lees, klik op die volgende: http://www.inlinkz.com/new/view.php?id=797928

 

 

Limpopo se naam het sommer driekeer verander voordat dit uiteindelik Limpopo gebly het. Transvaal, Noordelike Provinsie en laaste Limpopo. Die Limpoporivier is die boonste(mees noordelike)grens van Suid Afrika. Daarna kom die verandering van al die lekker boere, of Afrikaanse, name wat die dorpe gehad het.

Ons besoek die volgende dorpe:

Bela Bela, Modimolle, Mokghopong, Mokopane, Polokwane, Tsaneen, Modjadjikloof en Magoebaskloof.  Jy kan solank op jou kaart kyk waar elkeen is.

GOODBYE TSWANE, HELLO LIMPOPO

Die dag na ons verwelkomingspartytjie vir Theo, het ek wat Scrapy is die dertien Towerinne redelik vroeg opgewek. Hul het bietjie gemurmireer maar ek het my doof gehou.

“As jy nie tien uur in die bus is nie, bly jy in Pretoria. Onthou ons kom nie hierlangs terug om jou op te laai nie!”

Elkeen moes gemaklik aantrek. Ons gaan bietjie rond beweeg en stilletos moet maar in die groot tas gepak word vir vandag. Elkeen moes ook hul swemklere en ‘n handdoek uit hou. Swem, gaan ons beslis swem.

Voordat ons kon wegtrek moes ek eers gou KAMEEL, SEEGOGGA en POSETIEF gaan soek.  Gelukkig kon ek met my half dowe ore in die verte ‘n gesingery hoor:

’My Sarie Marais is sooo ver van my hart…’ Daar sit die drietjies rustig op ‘n bankie, hou mekaar se hande en sing. Hul kon nie die regte paadjie na die bus kry nie!

Almal in die bus val sommer ook weer weg met ‘n gesingery. Toorts se keel wou nog protesteer maar dit het niks gehelp nie.

Lorenzo, skud net sy kop en sit die bus in rat. Daar trek almal weg met:”Omie trap die petrol dat ons vinniger kan ry.”

Ons ry met die N1 oppad na Bela Bela(borrel, borrel). By Pienaarsrivier draai ons af want ek wil die Towerinne laat voel hoe dit voel om op die “Ou” Warmbad pad te ry. Warmbad kry sy naam van al die warm bronne wat daar in die omgewing is.

Ons draai regs af en stop gou by die Wimpie. Van daar af sal ons die pad Modimolle toe vat.

“Towerinne ons gaan nou eers n bietjie rustig verkeer in een van die gewilde warm baddens.” Die natuurlike warm bron is so warm dat dit afgekoel moet word voordat mense daarin kan swem.Die water is ook helend omdat daar baie swael in is. Die keuse lê by elke Towerin of sy privaat(sonder klere)wil borrelbad, en of sy in ‘n warm swembad met baaibroeke aan wil swem.

Almal lê heerlik in sonstoele met elk n kelkie van een of ander gekleurde mengsel. Na die warm water swemmery was almal heel op hul gemak.

Ek wou nog dat ons n draai by die Thaba Kwena krokkodilplaas maak, maar hul was ongelukkig gesluit omdat daar eers krokodille getel moes word. Iemand het die aand ‘n klomp gesteel. Hul het meer as 10,000 krokodille daar.

Die volgende skof word heel gemoedelik aangepak. Steeds op die ou Pretoria-Pietersburg pad. Die bus sukkel om die steilte uit ry. Ampertjies maak ons dit nie. Bo gekom, kyk ons uit oor die Springbokvlakte wat strek van Warmbad tot wie weet waar, verby Modidmolle(die geeste het geëet)tot Mokopane. Ek dink dit moes ‘n asemrowende gesig gewees het vir die eerste trekkers om duisend springbokke hier te sien wei. Vandag is daar nie meer ‘n enkele Springbok in die omgewing nie. https://en.wikipedia.org/wiki/Springbok_Flats

Nylstroom kry sy naam van die die eerste trekkers wat  weggetrek het van die Britse druk af. Die rivier wat hul bereik het was geweldig breed. Daar is ook ‘n kop(Tafelkop) wat soos n piramide lyk,wat die trekkers laat besluit hul is nou in Egipte en dit was die Nylrivier wat voor hul lê. Vandag loop die rivier net as dit regtig BAIE reën, wat min gebeur. Die Nylrivier loop wel steeds ondergronds wat in n mate n seën vir boere is.

Nylstroom, is n plattelandes dorp wat ontwikkel het agv handeldryf tussen boere en natuurlike inwoners.

J G Strydom(Hans) was n welbekende wat in Nylstroom gebly het. Hy was die vyfde Eerste minister van Suid Afrika, ook bekend as die Leeu van die Noorde.

Die Towerinne begin rusteloos raak. Hul is honger! Nog so kwartiertjie dan stop ons vir middagete. Hang net bietjie aan!

Ons ry tussen druiwe boorde wat onder nette is. Dis ‘n goeie streek vir druiwe, asook sagte vrugte.

Die ry is verder baie hobbelrig met al die slaggate en nou teerpad. Gelukkig is die bus se wiele versterk om die gate te oorleef. Dit voel kompleet of ons besig is met ‘n oefenprogram in die gym. TROMMELTJIE en VIRGOC doen voor:  Een boud op, ander boud af. Stamp kop teen die dak, val oor linkerkant toe dan weer regterkant. Tussen in hou ons ritme met al die FAK liedjies.

Image result for drawings of elderly doing exercises

Ons draai af by die welbekende Euphoria golfpark. Ons moet almal op, met die sweefspoor tot bo-op die Waterberge. Daar gaan ons EET mense!

Van bo af kyk ons uit oor Nylsvlei en nog n stuk van die Springbokvlakte. Ek het spesiaal vir die ouens wat sterk van hart is gereël dat hul kan sweef-vlieg, na die Nylsvlei natuuroord. Hier was PERDEBYTJIE natuurlik voor met haar kamera. Sy kon nie wag om sommer van die voëls ook af te neem waarvoor Nylsvlei so bekend is nie. DIS EKKE  wou soos ‘n Arend rondsweef om almal dop te hou.

100_4407
Uitsig oor Nylsvlei en Springdokvlakte

Nadat ons weggelê het aan die heerlike reënboog broodjies, versnappering, slaaie en tonne vars vrugte, kan n paar Towerinne rustig ontspan en na die natuur om hul luister, met n drinkgoedjie in die hand, terwyl die res gaan sweef het.

Twee uur spring ons almal weer in die bus. Mookgopong (Naboomspruit)- die dorp is begin op die plaas Visgat(1907) Die dorpie ontwikkel om die stasie na die ontdekking van Tin en fluorspar. Dit word steeds in n klein hoeveelheid gemyn en herontgin uit die ou mynhope.

Die Naboom(Euphorbia ingens) is n bekende gesig in die omgewing.

Ons stop by “Ralie se Waenhuis en gallery”. BONDELSGEDAGTES wil sommer eerste uitspring om te gaan kyk want Ralie is ‘n skilder en antieke versamelaar. Sy het die ou huisie gerestoreer en as haar werkplek ingerig. Haar eie skilderye hang teen die mure. BALIDROME hou vas! Daar is ou historiese artikels en meubels wat uitgestal word.Die kamers is ook gemeubileer met ou katels en laslappiekomberse, waskom in die badkamer.

Eintlik stop ons hier vir die waenhuis. In die waenhuis verwerk Ralie laventel wat sy self plant, oes en dan verwerk in allerhande lekkerruik sakkies, sepies, blaartjies en olietjies. Sy het ‘n distileerder waarmee sy haar eie olie van die laventelblomme en blare onttrek. Dit ruik baie lekker hier. In 2006 het Passella, die TV program, ‘n opname hier gemaak. Ek was die demonstreerder wat n groepie”tannies” moes wys hoe om laventel reukstokkies te vleg terwyl dit op geneem word vir die program.

Elke Towerin is daar weg met n sakkie of sepie of twee.BALIDROME en SEEGOGGA het elk twee skilderytjies gekoop. Ons ry verder na Mokopane(vernoem na stamhoof Makapan wat daar regeer het)

DSCN3717

Potgietersrus is vernoem na Piet Potgieter die Voortrekker leier.Dis eers Vredenburg genoem nadat die eerste trekkers Makapan oorrompel het. Ons stop by Moorddriftmonument net langs die Nylrivier, wat nie sigbaar  vloei nie. Hier het Makapan die Voortrekkers vermoor. Kinders is teen die doringboom doodgeslaan. Die ou boomstomp het in die tussentyd vergaan en ‘n nuwe boom groei nou daar. Die monument is ter herinnering aan die vermoordes. Lees maar hier die geskiedenis.

Ons ry my geliefde Potties binne. Die Kapokbome is in volle bloei. Die Flamboom en Rooi Jakkarandas tooi hulself ook in die mooiste rooi blommeprag. Dis hoe ek Potties onthou.

Ons ry na Arend Dieperink museum waar ons spesiaal verwelkom word deur n historikus en Daleen wat in beheer van die museum is. Dis ‘n belewenis uit die boonste rakke om alles te sien. Daar is tot ‘n kopbeen van ‘n vroeëre Aapmens wat in Makapansgrotte opgegrawe is. Nadat ons bietjie rondgekyk het lui Daleen ‘n spesiale etensklok of gong. Die geur van heerlike tuisgebakte brood en heuning hang in die lug. Daar is ook ‘n ander geurtjie wat verby sweef. Almal wonder wat dit kan wees?

Nadat ons gesmul het aan die vars brood word klein glasies uitgedeel.

Daleen sê:”Ons het spesiaal vandag vir julle dames ‘n proeseltjie eie gestookte maroela mampoer!” Die museum is een van die min plekke wat ‘n lisensie het om te mag stook.

Wel, dit was nou ‘n gedoente.Elkeen moet maar haar eie belewenis vertel van die sopie of sopies.

Na die ondervinding het almal besluit dis nou eers tyd om uit te span. Ons ry na my vriendin se gastehui; Kameeldoring gastehuis.

Ongelukkig moet ons kamers deel maar ek glo nie dit sal ‘n probleem wees na die knêrtsies mampoer nie.Die helfte die Towerinne besluit om in die swembad af te koel, terwyl die ander in die koelte van die Kameeldoring ontspan.

Sewe uur is ons volgende afspraak in die Wildteelsentrum waar ons gaan braai.

Aha, verrassing:

 

 

Oom Bossie van die Bosveld is die gasheer met n regte Transvaalse Bosveld braai. Stywe mieliepap, boerewors gebraai op harde hout kole, krakerige skaap choppies of dalk ook n t-bone steak. Dan die lekkerrrr sous. Gebraaide uie met tamaties wat in ‘n stewige sous omtower word. Daarmee saam kom darem ook broodjies as jy nie pap eet nie. Daar is ook genoeg slaaie. Avokado vorm, komkommer en ook wortelvorms. Drinkgoed is te kus en te keur. Oom Bossie het sy eie ‘dop van Perske sop’ wat hy uitdeel om te proe.

Almal sit om die kampvuur en luister na die Bosveldgeluide. ‘n Jakkals wat roep, ‘n ent verder antwoord sy maat. Die hyenas raak bietjie rusteloos en lag hier in hul mou vir hierdie klomp vreemde wesens wat saam met hulle giggel. Koning leeu gee ‘n ‘oemphf’ of twee en raak dan stil.

Oom Bossie sit n pruimpie twak in sy kies en begin vertel. Hoe later hoe kwater. Die Towerinne raak nou heel versigtig en bly oor hul skouers loer want hier word nou van geeste gepraat.

Makapan was gladnie gelukkig om in die grotte vasgekeer te wees nie.(so verduidelik oom Bossie)Die Voortrekkers veg terug en Makapan word doodgeskiet. Piet Potgieter word ook gedood. Nou is die twee leiers met sekere tye in Oktober heel opgewerk met mekaar. Hul kom na die Wildteelsentrum om wraak te neem.”

‘n Wolkie trek voor die volmaan verby en gooi ‘n lang skaduwee.

Oom Bossie vryf sy baard:”Dames, ek laat die res van die storie aan julle oor. Ek gaan nou inkruip,”en spoeg sy pruimpie met n boog in die kole.

‘n Geskarrel van ‘n ander wêreld. Al die Towerinne wil gelyk in die bus klim. Lorenzo keer net om orde te kry. Toe alger in die bus is trap hy die lepel diep in, reguit gastehuis toe.

Na ‘n stywe ontbyt vertrek ons na Polokwane(plek van veiligheid). Pietersburg is vir my net ‘n dorp om deur te ry oppad Beitbrug toe of na Magoebaskloof waarheen ons nou oppad is. LEKKERVURIG kan meer van Pietersburg vertel.

Die Kersiebome en Asalias is in volle bloei op die oomblik.Half noordoos buite Pieteresburg is Moria waar elke Paasnaweek duisende busse met duisende Sioniste van heinde en verre hierheen kom om te aanbid.Dan ry ons verby teeplantasies,digte natuurlike woude aan beide kante van die pad soos ons Magoebaskloof op ry na die Kersieplaas.Die Towerinne ‘ooo’ en ‘aaaa’,so mooi is die bloeisels. Ons drink ‘n koppie tee/koffie of n vrugtesappie.

https://www.sa-venues.com/events/limpopo/magoebaskloof-spring-festival/

Debengeni Waterfall    https://www.tripadvisor.co.nz/Attraction_Review-g469386-d6692239-Reviews-Debengeni_Waterfall-Tzaneen_Limpopo_Province.html?m=19905

Ons ry verder tot by die Debegeni waterval waar die piekniekmandjies uitgepak word en almal hul voete in die heerlike koel water afkoel want dis warm hier, gaan al amper vir 30C. TOORTSIE en WOESTYNKIND besluit om teen die kant van die diep poel onder die waterval te klim.Ons is gewaarsku om versigtig te wees. Dis nat en glibberig maar nou ja, hoe gemaak as sommige dames beter weet. O genade,daar het ons dit! Woestynkind se voet gly onder haar uit en sy kom ‘sit-sit so’ na onder. Pardoems, in die diep poel. Toorts gil en spring agterna om te help. Die medereisigers het gelukkig ingespring en ‘n menslike ketting gevorm om die twee uit te trek. Sopnat en bedremmeld sit al die nattes eers in die son om droog te word.

Mandjies word ingepak en ons ry Tsaneen toe en terug deur Modjadjikloof(Duiwelskloof) Pietersburg toe.       

 

Rondomtalie sit gereed om ons te ontvang in haar geliefde afree-oord. Sy het die eetsaal laat optooi om ons ‘n laat middagete aan te bied saam met haar en die hele oord.Dis n gebabbel en ‘n gekêkkel van die eerste water.Rondomtalie kannie mooi sien nie maar haar ore wikkel na alle kante om te hoor wat almal vertel.

Die Towerinne lewer ‘n afskeidslied aan al die bewoners.

Na die heerlike middagete vertrek ons Dullstroom toe om PERDEBYTJIE se omgewing te gaan beleef.

 

Kuiersafarie: Hartebeespoortdam besoek.


 

img-20180913-wa00052119949424.jpgHartebeespoortdam terugflitse

Lekker ry ons met die bus al singende en jolig.
Van die O T Lughawe ry ons die ou Hartebeespoortdam pad sodat ek n ogie kan gaan gooi by die skooltjie waar ek van 1969 tot 1972 skool gehou het.

Dit was en is steeds n vierman skool. Ek was korfbal en ook sokker afrigter. Eerste helfte van pouse was dit meisie se korfbal en tweede helfte seuns se sokker tyd. Ons hele skool het ook elke jaar n uitstappie vir n week gehad. Twee keer Umbloti, eenkeer Wildtuin en eenkeer Loskopdam toe. Heerlike tye.
Dan dankie Una dat ons by Ralie se Winkel kon gaan kyk na al die oudhede.

DSCN4099

Wie se winkel is dit die?


Hul het die mooiste rokke.
Ons het darem maar al ons dae met die verslaggewers gehad daar by die dam. Gelukkig het Lekkervurig haar vorige geliefde, ou Vis, lekker op sy plek gesit. Hy het ge-oe en ge-a soos n vis op droë grond wat snak na sy asem. Ek glo nie die koerant sal sommer weer iets verkeerds druk as Bytjie klaar is met haar terugvoer nie.

Nou is ons oppad na Brits toe vir ons volgende lekker kuier.
Vir verdere episodes kliek om die volgende skakel:

http://www.inlinkz.com/new/view.php?id=797928

 

 

 

Le-jou-eier: Kuier Safarie Vooraf


Soos meeste weet kom ek spesiaal vanaf Nieu Zeeland af om deel te hë aan die heerlike kuier-safarie wat ons Towerinne onderneem. Ek het met spoed my goedjies gegryp en gelukkig n vlug vanaf Wellington, via Sydney, Oliver Tambo Lughawe toe gekry. Trompie moes ongelukkig tuis bly want sy steke is nog nie uit en moet nog onder toesig bly. Ek het hom by n honde-hotel ingeboek.

Na agtien ure aaneen in die lug het ek veilig aangekom.

Picture -2009-03-18 052

Sjoe maar ek is gedaan! Sal my energie drankie moet gebruik voordat dit te laat is.

Lê-Jou-Eier: Wat is my superpower?


 

Super krag is n nuwe uitdrukking vir ons moderne tyd. Dis mense met ysterhande, vlieënde mense, mense wat robots is en wat nog alles!
My “super krag” lê in my geaardheid van fyn aanvoeling. Ek kyk eers die kat uit die boom voordat ek die regte kat uit die boom sal help.
n Paar voorbeelde:
Vroeër jare het ek en my ouers met Saanen melkbokke geboer.

White goats Stock Photography

My eerste twee ooie was twee wilde wragtigs. Vars uit die veld. Nooit gehanteer deur mense nie.
Ons het naby Pretoria gebly en my Pa het twee ooitjies vir my gekoop van n boer naby Britstown. Ons moes hulle self gaan oplaai. Dit was sommer n lekker uitstappie.
Die boer het die twee ooitjies die vorige dag voor ons aankoms in n skuur opgesluit. Toe ons hul moes oplaai was daar geen manier dat die twee hul wou laat vang nie. My “super krag” het ingeskop en ek het hul stadig en rustig benader. Met hul gesels en gepaai. Op die ou end het hul self na my toe gekom en kon ek hul een vir een vashou sodat hul opgetel kon word en in die bakkie gesit word. Die boer kon sy oë nie glo nie!

Rottweiler Stock Photos

https://www.dreamstime.com/

Die volgende was toe ek op soek was na n huis om te koop. Ek het saam met die verkoopsagent uit die moter geklim. Sy het gewaarsku dat ons nie agtertoe moet gaan want daar is twee honde. Sy het glo n afspraak met die eienaars gemaak voor die tyd. Hul was toe nie tuis nie.
Die agent het gesê ons kan maar net oor die heining tussen agterkant en voorkant kyk. Ons doen toe so. Ons beweeg toe na die anderkant van die huis.
Raai wat verskyn toe om die hoek? n Fris rotweiler. Hy maak geen geluid. Loop net en gaan staan by die voordeur. Toe breek al die hel los toe ons dit waag om verder te loop. Hond nommer twee storm blaffende om die hoek en die eerste een kom ook dreigend nader.
Die agent wat agter my gestaan het, het met spoed by die hek uitgehardloop en die hek toe gemaak. Ek het doodstil bly staan met my mandsak as beskerming voor my. Nes ek beweeg kom honde grommend nader. Stop ek stop hulle. Die agent bly roep:”Ineke, kom uit daar. Hardloop!” Aikona, my “super aanvoeling” het gesê:”Hol jy, gryp hul jou.”
Ek het duim vir duim, voetjie vir voetjie agteruit beweeg. Telkens die honde gekalmeer. Dit was n verligting toe ek buite die hek staan en die twee blaf vir ons agter die toe hek.
Na die tyd was ek dankbaar dat daar nie gate of klippe in die pad was waaroor ek kon struikel nie.Jy kan jou indink wat kon gebeur het.

20170519_075042
Dan in vandag se lewe, het ek te doen met vyfjarige kindertjies wat nie by die skool wil wees nie, laat staan nog vroegoggend voor skool en namiddag na skool.
Partymaal, veral in die begin help my super power nie. Ek moet dan die kleintjie vashou en kwaai met haar of hom praat om nie agter die ouers aan te hol nie.
My laaste een op die oomblik is n dogtertjie van vyf. Sy klou aan haar pa vas en wou gladnie na my toe kom nie.Ek sien sommer in haar oë hoe verskrik sy is. Om n lang storie kort te maak. My super krag het op ou end gewen. Ek het haar nou aan my kant. Sy hardloop selfs nou vanaf die hek na my toe. Waai nie eers vir haar pa nie!
Eerste wat sy doen as ons inkom gryp sy n iPad. Ek sit langs haar en help haar die regte letters kies om woorde te maak. Ek het natuurlik n stoute vinger wat gereeld die antwoord wil intik. Dan is dit: “Naughty finger!” en sy sal hom wegstoot en dophou dat ny nie weer stout is nie.
My Super krag lê beslis in: Moed, Blymoedigheid en Kalmte van Gees.

Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die volgende InLinkz skakel:

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22).

Lê-Jou-Eier: Byskrif


Ooo, gaats! Gaan ek ook SO lyk op die einde?

Skorsie

Samespraak tussen twee murgpampoentjies

Cory groen Courgette en

 Murgie geel pampoentjie.

Cory: Ek is so bly ons tweetjies is saam hier op die snyplank.

Murgie: Jong ek weet darem nie regtig. Dit voel vreeslik vreemd. So hoog en weg van my moederplant af.

Cory: Oh la la, hier kom n ding. Ouch, af is my bo-punt, oeps, en af is my onderkant.

Murgie: Dis erg! Ek wil nie kyk nie!

Cory: Dit voel kielierig! Moenie my so styf vashou en druk  nie. Dit voel of ek wegvloei. Murgie K-Y-K…..plop, plop, pl…

Murgie: NEE, o toggie is dit hoe ek gaan lyk nadat die hand klaar is met my? Ek wil teruggaan na my Mammie toe. Nee, moenie….. plop, plop pl….

 

Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die volgende InLinkz skakel:

 

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22). Laasgenoemde blogpos is opdateer op 2017-09-05.

 

Toeka- Tokkel no 44 : Biblioteek


BIBLIOTEEK

Image result for library images

Die biblioteek speel steeds n belangrike rol in my daaglikse lewe. Ek hou van n boek in my hand sodat ek maklik kan terugblaai of verder blaai namate dit nodig is. Dis veral belangrik as mens self studie doen om sekere dinge te wete te kom. Ek het bv gesien met die publiseer van my boek dat n boek met inligting langs my baie makliker as die rekenaarbladsye  wat vandag aan die orde van die dag is.

Van my inligting is ook in my Kindle-biblioteek gebêre. Ek geniet die Kindle. Dis klein en kan oral met jou saamgaan. Omdat ek nog nie so n foonfundie is nie, is ek maar skrikkerig om dinge met die foontjie te doen. Dit lyk egter vir my ideaal as jy haastig is en op reis gaan. Foon is tog altyd by mens.

Moet byvoeg dat ek altyd n belangstelling in die bibioteek gehad. Het Bib as byvak gehad gedurende studies. Daar was gelukkig ook altyd by elke skool waar ek was geleentheid om in bib te help.

Nadat ek weg is uit die onderwys het ek eers vir n paar maande in Secunda se openbare biblioteek gewerk as toonbankassistent. Daarna het ek 8 jaar in Potgietersrus se openbare bib gewerk. Dit was vir my baie lekker om nuwe boeke eerste te lees. Jeuglektuur was egter my gunsteling. Barry Hough was daardie tyd baie gewild.Daar was ook elke jaar verskillende leeskompetisies vir die jongmense gewees.

Na twee jaar se werk in bib het munisipaliteit die bib vergroot  en n studie bib aangebou. Hier kon ons na hartelus leerders help met hul take. Studente het ook baie van studiebiblioteek gebruikgemaak om stil en rustig te studeer. Veral net voor eksamens was die studiebib tjok- en- blok vol. Ons moes selfs nommers gee sodat daar vir almal n uur of wat was om te studeer.

Ek hoop van harte dat biblioteke nie doodloop nie. Wat dink jy ?

Die biblioteek hier in Upper Hutt is amper die beste bib in New Zealand en dit is n plesier om dit te gebruik!

Alles gekry by Wiki:

https://af.wikipedia.org/wiki/Biblioteek

(Ek kannie waarborg dat die vertaling uit Engels heetemaal suiwer is nie. Dit is egter baie interessante punte wat hier genoem word.)

‘n Biblioteek is ‘n georganiseerde versameling van inligtingshulpbronne, wat toeganklik gemaak word aan ‘n vasgestelde gemeenskap vir verwysing of uitleen. Dit bied fisiese of digitale toegang tot materiaal, en kan in ‘n fisiese gebou of kamer, òf ‘n virtuele ruimte, òf albei wees. [1]

‘n Biblioteek se versameling items kan boeke, tydskrifte, koerante, manuskripte, films, kaarte, afdrukke en dokumente insluit. Mikrofilm, CD‘s, klankkassette, videobande, DVD‘s, Blu-ray-skywe, e-boeke, oudioboeke, databasisse en ander formate kan ook hier gestoor word.

Biblioteke kan wissel in grootte van ‘n paar rakke met boeke, tot ‘n paar miljoen items. In Latyn en Grieks, is die begrip van ‘n boekrak verteenwoordig deur Bibliotheca en Bibliothēkē (Grieks: βιβλιοθήκη). Afgeleides van hierdie woord betekenbiblioteek in meeste moderne tale, bv die Franse bibliothèque.

Die meeste Suid-Afrikaanse biblioteke maak van die Brocade of Slims-stelsel gebruik, wat in stand gehou en ontwikkel word deur Cipal en die Universiteit van Antwerpen, België.

Hierdie stelsel is oop vir die publiek om self die beskikbaarheid van ‘n boek, beeld- of luistermateriaal, asook die inleweringsdatum van die uitgeleende materiaal, te wete te kom. Op hierdie manier kan die Internetgebruiker blitsvinnig vasstel watter bronne by sy naaste openbare biblioteek beskikbaar is. Deur te let op die Dewey-kode (bv. op die rugkant van die boek), kan die materiaal self ook makliker opgespoor word in die biblioteek.

Die volgende provinsies maak van die oop Brocade-stelsel gebruik:

Tans word Gauteng en die Vrystaat uitgesluit, weens ‘n ander geslote biblioteekstelsel in werking.

@@@   @@@   @@@

Baie dankie aan die volgende persone wat weer lekker saam gekuier het.

Die tyd is so beperk en almal is baie besig met allerhande reëlings. Hier is twee laat bestuur inskrywings. Gaan lees gerus wat die twee vertel.

Herriemerrie praat oor linker- of regterkantste bestuur ….

https://herriemerrie.wordpress.com/2015/10/20/toeka-tokkel-bestuur/

Kameel bespreek hoe hospitaal bestuur word deur vriendelike personeel

https://toortsie.wordpress.com/2015/10/21/n-dag-in-die-hospitaal/

Volgende badtyd stories:

I scrap 2  Trompie wat nie van bad hou omdat sy Mies te gespanne is!

https://scrapydo2.wordpress.com/2015/10/14/toeka-tokkel-no-43-badtydwater/

Toorts vra: wat gebruik minste water bad of stort?

https://toortsie.wordpress.com/2015/10/20/stort-of-bad/

Dit lyk dan al vir hierdie keer.

Nog n ekstra water storie van Toorts wat heelwat oor water geskryf het in die verlede

https://toortsie.wordpress.com/2015/10/22/die-nyl-se-water/

Hier is November se onderwerpe:

45.  Toneelspelers

46.  Blomtyd

47.  Sopkombuis

48.  Brille en pille

49.  Kinderstories

Ek dink no 50. Feestyd gaan die laaste een vir 2015 wees.

Volgende onderwerp is: TONEELSPELERS

Krummels & Katkuite

Afrikaanse gedagtes gemeng met siel en cursive woorde.

One day I decided to go for a walk...

Preparation for & Walking the Camino de Santiago

Die Affêre

My reis na vrede

Dr. Christa van Staden

Trots Afrikaans

A Home by the Sea

My Journey Towards Building a Home by the Sea

Kreukels en plooie

Skryfsels oor en uit eie ondervindings

My Ongevraagde Opinie

Alle daagse lewe, Reis / Travel, ZAR

Pajamas met sokkies

Flikvlakke deur die woestyn

Uprooted Wanderers

(Parisienne & Country Dweller)

The Snow Melts Somewhere

Stories and dreamy images

Vuurvliegie se lekkervurigeaffêre

Sommer oor alles wat my hart warm laat klop.

Positief

Wat jy in jou gedagtes toelaat, dit word jou lewe

Life according to C

To become remarkable, hold yourself accountable

Trommeltjie

Lewenspaaie.

Christastories

"You are never too old to set another goal or to dream a new dream" - C.S Lewis

Nie vir kinders

Pierre en Sugnet se reis

Theo-Herbots Den (Theo) uit #Tienen BLOGGER & WEBSITEBOUWER

Zoek niet langer op het Internet, U vindt "ALLES" bij Den Theo

Pandora se Box

Trek aan jou rooi skoene, maak jou lippe pienk en dans met die lewe!

Sielsoeker

Vintage 1986

Kameel se gebabbel

Waar die hart van vol is, loop die mond van oor

Country Living in Southern Africa

Sharing my life in Mozambique and all things country in Southern Africa

Bondels Gedagtes

Lesse geleer, en stories uit my lewensreis

WoordNoot

Waar ek my woorde en note kombineer om my storie te vertel

penpunt

Waar die hart van vol is …

Its PH

The daily reads and writes

Allison Anne Richter

flash fiction & other writing

kokonne

Oor reis en rondrits

silkannthreades

about the little things in life

A Writer's Path

Sharing writing tips, information, and advice.

newsferret

News, views, photos and musings. All photos are copyrighted Hermann Hanekom, Cape Town.

Writers Plot Readers Read

Bookshop, online bookseller, NZ authors

Dis Ekke

My vreugdes en frustrasies

Marlize Venter

Author, Motivational Speaker

Lewies Mymer

This WordPress.com site is the bee's knees

Millie Thom

Bringing history to life

OLGA SE OKSELTJIES

Want die lewe ruik nie na laventel nie

Herriemerrie

Ietsie van alles

Die Skryfbesigheid

Ons toor nog steeds met woorde...

Kruger History

Kruger 4 all 4 ever

Net Ek

Ek herhaal jou...sonder begin of einde

Easy Blog

All about our truly best friend...

Angelswhisper2011

Me and my Granny

Tannie Frannie

My terapie vir oudword

Perdebytjie se nes

'n Blog oor die natuur en allerdaagse gebeure,wat die lewe interessant maak

coetzeeblog

My skryfseltjies en foto´s, meesal, oor ons lewe, in Paraguay.

%d bloggers like this: