NaNoWriMo: Skryf in Afrikaans


National Novel Writing Month

Uitnodiging

Op die oomblik voel ek heel opgewonde. Ek het ‘n perd opgesaal wat my hopelik nie gaan afgooi nie. Meeste van julle weet ek is nie ‘n perde mens nie.
Hierdie jaar het ek besluit om deel te neem aan die wêreldwye “skryf ‘n boek in dertig dae” uitdaging. Ek gaan dit in Afrikaans doen omdat dit my moedertaal is. Die Engels kom nie natuurlik genoeg om 1666 woorde te skryf per dag, en dit vir dertig dae, of totdat daar 50 000 woorde geskryf is.
Dit gaan nie oor om die boek klaar te skryf nie. Dit gaan daaroor om in ‘n skryf ritme te kom. Mens mag nie verbeteringe maak nie(edit nie). Jy gaan sit net, en skryf alles wat in jou gedagte kom wat by jou storie pas.
Ek het die afgelope maand my voorbereiding gedoen en wag nou in spanning om Donderdag te begin skryf.
My Titel: Net ek: ‘n Memoir(deel twee)
My onderwerp: My eie skooljare, opleiding en beginjare van my skoolhou loopbaan.

Nadat ek die bekendmaking gemaak het in my vorige skrywe was daar wraggies reaksie op my aankondiging. Lekkervurigeaffêre gaan deelneem en  Cecilia Lombard gaan ook saamskryf. Ons drie het klaar ingeteken om Buddies te wees. Ons gaan mekaar ondersteun totadat die wenpaal bereik is.

As daar nog ouens van julle is wat belangstel; Kom saam en skryf saam. Dit gaan ‘n fees wees.
Hoe lyk dit  HesterLeyNel woordnoot,  Kameel en Lewies Mymer  ? Julle kan mos skryf!

Groetnis tot volgende keer.

Advertisements