Liewe Dagboek: Dag 27 Mei


Die lug was redelik bewolk vanoggend. Die temperatuur was 16 grade wat beslis ongewoon warm is vir amper einde Mei. Dit voel half lente! Die voëltjies het sommer vroeg heerlik gesels wat ook ongewoon is. As iemand nou nog nie glo in “Global Warming” nie dan moet hy sy kop laat lees. Hierdie weer is beslis nie normaal as mens dit so kan noem nie.


Donderdag het ek ‘n fiets langs die pad gekry wat verniet weggegee word. Ek het gedink dit sou ‘n lekker fietsie vir Bea wees. Bertus sê toe dat dit minstens nog drie jaar sal neem voordat sy dit sal kan ry. Ek het die fiets toe vanoggend saamgevat vir gebruik deur die voor- en naskool kinders. Dit was nogal ‘n hele opwinding. Twee ouer seuns het gehelp om die fiets uit te laai. Hul het sommer dadelik opgeklim en beurte gemaak om te ry. Ons het reeds twee fietse wat aan ons geskenk is in die begin van die jaar. Nou is daar drie wat gelyk kan ry.
Na my oggend sessie het ek gaan kyk vir n lekker jas vir die winter. My klere is regtig verby hul dra tyd. Die jas moet ook lank genoeg wees om my bobene toe te maak in die koue. Dis waar ek die koudste kry. Nadat ek na ‘n winkel gegaan het wat redelik goedkoper jasse ingekry het, het hul nie my grootte nie. Toe gaan ek maar na ‘n duurder winkel en sien toe alles is ten minste 25% afgemerk. Daar was gelukkig iets waarvan ek gehou het. Ek besluit toe om maar oë toe te knyp en dit te koop. By die betaalpunt besluit my bankkaart om nie die transaksie te doen nie want… raai wat? My geld van die skool was nog nie inbetaal nie. Dit het nog nooit gebeur dat my kaart nie aanvaar is nie. Ek was half ongemaklik. Gelukkig kon ek reël om die jas more te kry. Die betaling het toe eers na een deurgekom. Ek het maar nie brood en melk gaan koop nie vir ingeval dit steeds nie deurgaan nie. Noudat ek daaraan dink, ek het nie melk om vir my warm sjokolande te maak voordat ek gaan slaap nie. Gladnie goed nie!


Vanmiddag was heel bedrywig gewees. Kinders was baie lawaaierig. Vroeg in die middag voordat die skoolbus nog gery het, het ek sirenes gehoor. Dis egter niks ongewoon nie.
Later die middag kom ‘n ma daar aan en vra of ons weet wat aangaan ‘n entjie af in die straat. Daar is seker vyf polisiemotors en twee ambulanse. My supervisor het gaan hoor of iemand iets weet. Die radio het blykbaar gese dat ‘n “mongrel mob” lid papgeslaan is en langs die pad afgegooi is. Wat ‘n opwinding, voel soos die wilde weste.
Ek het vir my “fish and chips” gekoop vir aandete en beplan om betyds in die bed te klim.

NS: Liewe Rambo, ek voel van de naweek af weer baie beter. Wil nou nie te gou bly raak nie maar ek dink die klippertjies het hopelik uitgekom.Daar is nie meer so ‘n erge irriterend gevoel nie.
Dankie vir al die ondersteuning van jou en jou Ma se kant. Lekker soppie lekke vir julle.

Advertisements

Liewe Dagboek: Dag 15 Mei


Die lug was vanoggend te pragtig vir woorde gewees. Die opkomende son het aan die onderkant van die wolke sulke goue, horisontale gegolfde strepe gemaak. Dit was ook nie regtig koud nie.
Na die skoolsessie het ek my motor gevat om getoets te word vir sy WOF(Warrant of fitness)wat hy toe gelukkig geslaag het. Dis nou ook vir die jaar gedoen. Volgende maand is die motorlisensie se beurt.Elke maand het sy eie uitgawes.
My loop met Trompie was heerlik. Die lug was skoon en fris. Die reën wat ons gehad het, het die gras en onkruid goed gedoen. Alles lyk groen en vol lewe, behalwe natuurlik die kaal bome. Ons het nie veel ouens teë gekom omdat ons bietjie later as gewoonlik was.
My tuinier het net na tien ‘n draai kom maak om te kyk of die gras gesny moet word. Ons het maar besluit om dit nog ‘n paar dae te gee om te groei. Hy sal volgende week kom sny.

Nou gaan ek eers vir my ‘n broodjie maak(dis amper 12 uur) en dan ‘n bietjie rus voordat ek weer die strydvelde betree.


As jy nie die volgende paragraaf wil lees nie is jy welkom om oor te slaan. Ek gaan n bietjie sleg praat!
J die klein helsum het vanoggend nou weer ‘n vloermoer gegooi omdat hy nie sy sin kon kry nie. Ten eerste was hy heel uit sy kassie en het gehol en gegil toe hy inkom. Boetie van hom stel toe voor hy sal met hom op die PS4 speel en dis waar J besluit het hy wil ‘n ander program speel wat ouboet nie wil speel nie. Hy wil sommer die bank skop en van die speelgoed stukkend slaan. Hy gaan op einde buite toe, toe ek se ek gaan die hoof bel om met hom te kom praat. ‘n Dogtertjie uit sy klas kom toe in en vra hom wat aangaan. Ek stel toe voor dat hy en sy saam sy speletjie kan speel na sy boetie se beurt. Afgekoel en happy het hy gaan sit en lag vir Funny cat movies! Sjoe, dit was nou vir ‘n rukkie heel opwindend gewees.

Liewe Dagboek: Dag 4 Mei


Jippy dis naweek.
Bertus(my seun) stuur ‘n boodskap net voor sewe: Ek’s oppad.
Dit beteken hy gaan begin werk in die garage waar sy masjien is waarmee hy sy elektroniese “bordjies” vervaardig. Ek is nog in die bed. Dis mos Saterdag. Half agt kan ek nie langer le nie.
Opgestaan. Met Trompie geloop terwyl my tweede bondel wasgoed was.
Ek het vanoggend drie bondels gewas omdat hul beweer het dit gaan droog wees vandag. Moenie glo nie. Dit word al meer en meer bewolk. Dit het darem ergste nattigheid gedroog. More moet dit hopelik nog n bietjie son kry. Meestal moet ek wasgoed binne hang omdat dit buite te klam is om werklik droog te word.
Net so voor elf besluit ek om ‘n bietjie te sit voordat ek my middag toebroodjie eet omdat ek 12.20nm my vriendin moet kry om Petone toe te gaan vir haar boek bekendstelling.
Ek het ‘n bietjie vroeër gegaan om te kyk of ek met iets kan help. My vriendin is al 83 en het ‘n boek oor haar laerskool waar sy skool gegaan het geskryf. Die eintlike doel van haar boek was die storie van die “Peace Tree” wat in 1919 geplant is en hierdie jaar honderd jaar oud sou wees. Dit was n “Golden oak” gewees. Dis geplant om die ooreenkoms van vrede in 1919 te herdenk.https://en.wikipedia.org/wiki/Paris_Peace_Conference,_1919
Die boom is nou onlangs afgesaag om plek te maak vir n “super market”.
Al die ou ooms en tannies wat in 1919 daar skool gegaan het het ‘n heerlike, gesellige middag gehad. Ek het by ‘n tafel gesit en die boek verkoop. Daar is 21 boeke verkoop. Die “book launch” was volgens my ‘n groot sukses. Tot die burgemeester van Petone het die middag geopen met ‘n mooi inleiding. Daarna het my vriendin haar bekendstelling gedoen. Die funksie is afgesluit met n koppie tee/koffie, wortelkoek en reënboog toebroodjies.
Ek was net na vier weer terug by die huis.
Beslis ‘n vrugbare middag gewees. Ek het heelwat te wete gekom oor die eerste wereldoorlog se vredesooreenkoms en die skooldae daardie tyd. Wie onthou nog hierdie boeke? Ek het uit hul leer lees!

Liewe Dagboek: Dag 1 Mei


Hester het my geinspireer om ook vir Mei dagboek te hou. Of ek gaan deurdruk weet ek nie want dis reeds 9 pm. en my slaaptyd.

Ongelukkig of gelukkig gebeur daar daagliks baie dinge hier in my ou wereldjie. Maandag het skool weer begin. Ek het my oggendsessie gehad wat met n helse lawaai afgeskop het. Dinsdagoggend kom twee seuntjies(boeties) in met groot oe vertel hul vir my dat die een seun n ander outjie met n skêr in sy nek wou knip. Ek wou vir die juffrou gaan vra wat gebeur het maar nie by haar uitgekom nie.

Vandag die 1e Mei het ek besluit om met die hoof daarooroor te praat. Hy was nie bewus daarvan nie en wou gaan ondersoek instel. Hy kom toe die onderwyseres teen en hul het dit bespreek.

Die hoof het vir my kom sê dat die juffrou die saak opgelos het. Hoof het my bedank dat ek dit aangemeld het. Die seuntjie is nogal n bedreiging vir ander kinders. Hy het bv vanmiddage met n stok en vlasstingels ander kinders geslaan en hul gekoggel met sy “lelike” aanmerkings. Kind is nog maar 8 jaar en n hand vol.

Daar is darem ook lekker en oulike dinge wat ook gebeur het. Daar is feetjiepaddastoele op die kerk hier naby se gras. Vanoggend was alles nat gedou en die son het op die druppeltjies en paddastoele geskyn. Dit was vanoggend werklik n “Winter wonder land” gewees met mis wat oor die rivier gehang het en tussen die berge. Ai, die lewe is wonderlik.

Le-Jou-Eier: Woordsnoere 3



Woordsnoere 3

Vuurvliegie se derde uitdaging:
https://lekkervurigeaffere.blog/2019/04/04/woordsnoere-3/

Image result for Italiaanse Alpen

Die volgende vertelling is nie die waarheid nie. As iemand te na gekom word vra ek om verskoning.
Drie hoof karakters:
Jamie Oliver-welbekende “Chef” het ‘n uitdaging aan die ander twee manne gerig
Jackie Chan-bekende karate kenner
Christian Bale-bekende klewerige karakter veranderaar.

Dis winter. Jamie beplan sy roete waarlangs hy gaan ry om sy volgende TV reeks oor Italiaanse resepte te maak. Hy beplan om hoog in die Alpe na die makaronie meesteres te gaan om te sien hoe dit gedoen word!

Hy sit rustig in sy kombuis en dink. Sy vrou en kinders gesels en kuier rondom hom.
“Ek gaan vir Jackie en Christian ook nooi om saam in die koue, die Alpe in te vaar. Hul skuld my ‘n saamgaan nadat ek laas hul kapperjolle moes meemaak.”
Die drie manne ontmoet in ‘n gesellige kroegie in Rome. Die drie skerts te lekker oor alles wat hul voorheen aangevang het.
Jamie,’n goeie causeur, gooi die aas uit:”Ek het vir ons plek bespreek hoog in die Alpe waar ek ‘n program gaan maak oor makaronie!” Jackie en Christian begin jeremieër oor die koue en die afgesonderdheid van die dorpie waarheen hul gaan.Hul is taai om aan die uitnodiging te byt!

Jamie het egter sy storie reg.Hy verduidelik met lof en styl hoe goed die 89 jarige Maria haar pasta self maak.Die manne bestel nog ‘n shandy. Jacky en Christian begin nou heel remoerig raak.
Jackie spring op en versinnebeeld die manier waarop hy die pastadeeg in repies gaan kerf met die sykant van sy hande. Hy beduie ook hoe hy sy voetwerk gaan gebruik om die deeg uit te rol.Hy gaan koekrollers onder aan sy skoene bind en heen en weer gly in styl.
Christian troetel Jackie se idee. Met een veeg vee hy die glase en bottels van die tafeltjie.
Spaar my die eentonige manier waarop jy dit wil doen, Jackie!” Om aansien te verkry by die ander twee spring hy hande-vier-voet op die tafeltjie. Hy gly en klou soos Spiderman aan die tafeltjie wat met hom om tiep!Soos n wafferse ram spring hy weg, bo-op die skoot van ‘n groot geboesemde deftige “dame”. ‘n Uitdrukking van vrees verskyn in Christian se oë toe die “dame” se metgesel opspring om hom streepsuiker te gee.Met ‘n noeste poging probeer hy die man ontduik.Tevergeefs! Die reuse man hou hom aan sy kraag en broeksnaat vas.
Dis te veel vir Jackie. Hy gebruik sy gawes en wiks die ou vol teen die bors.
Vesels spat na alle kante soos die reus se hemp en knope oopbars van die geweldig slag.
In die tussentyd sit Platjan Jamie hom en verlekker in die nietige verrigting van Christian en Jackie om hulself te bevry en weg te kom van die gevaar.
”Kom, Maters,dis tyd om huistoe te gaan. Ons vroue gaan nie glo wat met ons gebeur het nie. Dit gaan beslis die moeite werd wees om saam die Alpe in te vaar.”

Wil jy saam woordsnoer? So maak mens :

Jy kan ‘n enkele woord as inspirasie vonk gebruik of al die woorde – nes jy lus het.

Skryf dan jou blog. Maak seker om die woord (e) in vetdruk (bold) aan te dui in jou skrywe.

Onthou om die prentjie hierbo en ook die skakel hieronder in jou bydrae in te sluit. En moenie vergeet om jou bydrae op Inlinkz te gaan aanhaak nie!

https://fresh.inlinkz.com/p/0ad6b9588b9649c38b03c4859734bed9

Lekker snoer.

Kuier-Safarie: Brits terugflits


Spesiaal vir Frannie!

 

‘n Heerlike kuier by Bondels! Ek kon my energiedrankie se inhoud goed aanvul.

Die boeresport was ‘n hoogtepunt. Ek het mos n heilige vrees vir perde, die boeresport het my totaal beangs gehad.

Image result for donkey ride drawings

Die agterstevoor donkie ry was ‘n uitdaging wat ek nie kon weerstaan nie. Ek weet nie wat Bondels als in die kos of drinkgoed gesit het nie maar ek was skoon uit my vel van opwinding toe die donkiery aan die beurt gekom het.

Hoe ek agterstevoor op die eseltjie se rug gekom het weet ek nie. Ek het my bene om die dier se pens gevou, die stert vasgegryp en sie daar!

Dit was ‘n gespring en geskop maar wat vasklou was ek, die einste benoude Scrapy. Ek het tot die einde opgebly en n prysie gekry.

Lê-Jou-Eiers: Fluister liefdeswoordjies


Praying Mantis

Hot Lady en Stokkies het mekaar in die verbygaan raakgeloop.

Stokkies, op soek na sy droomvroutjie en Hot Lady na die beste vader vir haar nageslag. Die probleem met Hot Lady is dat sy ander motiewe ook het terwyl dit vir Stokkies net gaan oor die plesiertjie van die oomblik.
Die tweetjies mik-mik vir mekaar.
Hot Lady fluister sodat Stokkies nie mooi kan hoor nie:
“Kom, hou my teer vas met daardie stekelrige kloutjies. Fluister soet woordjies in my oor. Kom, kom skatlam sit hier neffens my sodat ek jou kan kielie en saggies streel.”
“Nee wat ou groot ogies jy maak my lus vir lekker lepel lê soetste warm poppie. Kom jy nader na my toe ou suikerbekkie. Toe, toe moenie so met jou voelertjies dartel nie!”
Stokkies kyk Hot Lady met leep oë aan terwyl Lady met wellus na ou Stokkies kyk.
Die tweetjies betas mekaar vir n oomblik. Voordat Stokkies oorgaan tot die daad is hy stewig vasgeklem in Hot Lady se kloue. Haar kake kwyl van die lekker kry. Oeps, weg is n stuk van Stokkies se uitpeulogie. Hy spring vinnig in en doen sy ding terwyl Hot Lady smul aan die lekker sappige happie.

Stokkies kry slegs n laaste lang uitgerekte:”S..u..g..” oor sy kakies. Hy sidder vir oulaas en weg is sy hele kop en bo-lyf.
Hot Lady behaaglik:” Dit was hemels Stokkies my skat.”

;;;;;;;;;;;;;;;;;;;;;;;;;;;;;;;;;;;;;;;;;;;;;

Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die volgende InLinkz skakel:

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22).

Lê-Jou-Eier: Wat is my superpower?


 

Super krag is n nuwe uitdrukking vir ons moderne tyd. Dis mense met ysterhande, vlieënde mense, mense wat robots is en wat nog alles!
My “super krag” lê in my geaardheid van fyn aanvoeling. Ek kyk eers die kat uit die boom voordat ek die regte kat uit die boom sal help.
n Paar voorbeelde:
Vroeër jare het ek en my ouers met Saanen melkbokke geboer.

White goats Stock Photography

My eerste twee ooie was twee wilde wragtigs. Vars uit die veld. Nooit gehanteer deur mense nie.
Ons het naby Pretoria gebly en my Pa het twee ooitjies vir my gekoop van n boer naby Britstown. Ons moes hulle self gaan oplaai. Dit was sommer n lekker uitstappie.
Die boer het die twee ooitjies die vorige dag voor ons aankoms in n skuur opgesluit. Toe ons hul moes oplaai was daar geen manier dat die twee hul wou laat vang nie. My “super krag” het ingeskop en ek het hul stadig en rustig benader. Met hul gesels en gepaai. Op die ou end het hul self na my toe gekom en kon ek hul een vir een vashou sodat hul opgetel kon word en in die bakkie gesit word. Die boer kon sy oë nie glo nie!

Rottweiler Stock Photos

https://www.dreamstime.com/

Die volgende was toe ek op soek was na n huis om te koop. Ek het saam met die verkoopsagent uit die moter geklim. Sy het gewaarsku dat ons nie agtertoe moet gaan want daar is twee honde. Sy het glo n afspraak met die eienaars gemaak voor die tyd. Hul was toe nie tuis nie.
Die agent het gesê ons kan maar net oor die heining tussen agterkant en voorkant kyk. Ons doen toe so. Ons beweeg toe na die anderkant van die huis.
Raai wat verskyn toe om die hoek? n Fris rotweiler. Hy maak geen geluid. Loop net en gaan staan by die voordeur. Toe breek al die hel los toe ons dit waag om verder te loop. Hond nommer twee storm blaffende om die hoek en die eerste een kom ook dreigend nader.
Die agent wat agter my gestaan het, het met spoed by die hek uitgehardloop en die hek toe gemaak. Ek het doodstil bly staan met my mandsak as beskerming voor my. Nes ek beweeg kom honde grommend nader. Stop ek stop hulle. Die agent bly roep:”Ineke, kom uit daar. Hardloop!” Aikona, my “super aanvoeling” het gesê:”Hol jy, gryp hul jou.”
Ek het duim vir duim, voetjie vir voetjie agteruit beweeg. Telkens die honde gekalmeer. Dit was n verligting toe ek buite die hek staan en die twee blaf vir ons agter die toe hek.
Na die tyd was ek dankbaar dat daar nie gate of klippe in die pad was waaroor ek kon struikel nie.Jy kan jou indink wat kon gebeur het.

20170519_075042
Dan in vandag se lewe, het ek te doen met vyfjarige kindertjies wat nie by die skool wil wees nie, laat staan nog vroegoggend voor skool en namiddag na skool.
Partymaal, veral in die begin help my super power nie. Ek moet dan die kleintjie vashou en kwaai met haar of hom praat om nie agter die ouers aan te hol nie.
My laaste een op die oomblik is n dogtertjie van vyf. Sy klou aan haar pa vas en wou gladnie na my toe kom nie.Ek sien sommer in haar oë hoe verskrik sy is. Om n lang storie kort te maak. My super krag het op ou end gewen. Ek het haar nou aan my kant. Sy hardloop selfs nou vanaf die hek na my toe. Waai nie eers vir haar pa nie!
Eerste wat sy doen as ons inkom gryp sy n iPad. Ek sit langs haar en help haar die regte letters kies om woorde te maak. Ek het natuurlik n stoute vinger wat gereeld die antwoord wil intik. Dan is dit: “Naughty finger!” en sy sal hom wegstoot en dophou dat ny nie weer stout is nie.
My Super krag lê beslis in: Moed, Blymoedigheid en Kalmte van Gees.

Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die volgende InLinkz skakel:

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22).

Lê-Jou-Eier: Wat sal ek saamvat


OPDRAG: Verbeel jou dat jy jare lank alleen op ‘n eiland woon. Die lewe op die eiland is van so ‘n aard dat dit in al jou basiese behoeftes voorsien; jy het niks meer nodig om te oorleef nie, maar daar is die eensaamheid wat jou pla. Watter een van jou persoonlike besittings (wat natuurlik toevallig saam met jou in die vliegtuig was … verbeelding mense!), sal jy gryp en saamvat wanneer jy uit die vliegtuig klim? Hoekom juis daardie artikel?

Drowned vintage aircraft at the bottom of the sea Royalty Free Stock Images

As is vebrande hout.

As ek net een ding kan saamneem om alleen op n eiland te oorleef, laat my nogal kopkrap.
Die vliegtuig, ek neem aan dit was n vliegtuig, het vergaan en ek het met n valskerm kon uitspring. Geluk aan my kant! Die vliegtuig duik al brandende in die see en verdwyn met n geborrel onder die water.
Terug by my.

Gelukkig kon ek betyds uitspring en het op n klein afgeleë eilandjie geland. Dis wat ek aanneem. Alles was daar om te kan oorleef. Heerlike vars water en vrugte tot blare en bolle om te eet. So nou en dan is daar n ou vleisigheidjie in die vorm van n voëlboudjie of meerkat/eekhoring ribbetjie. Brrr, hoe gril ek nou. Sal maar verby hou met die vleisies veral omdat ek dit self moet vang en verwerk.

Barbeque Chicken Royalty Free Stock Photography
Nou het ek alweer afgewyk van die onderwerp.
WAT HET EK SAAMGEVAT?
Ha, toe ek die ding sien kom het ek vinnig my vyf skryfblokke en tien potlode, wat in n plasiese sak toegedraai was, gegryp en onder my baadjie en valskerm rieme ingesteek.

Scribble on white paper Royalty Free Stock Photography
Nou kan ek lekker al my gedagtes en gebeurtenisse aanteken sonder enige onderbrekings. Ek sal net moet probeer onthou watter dag dit is. Gelukkig het my horlosie n datum op. Ek het nie my selfoon nie want die is nog in die vliegtuig.
Nou gaan ek heerlik ontspan en van dag tot dag lewe.

Pictures from: https://www.dreamstime.com/photos-images/sheet-paper-scribbles.html

Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die volgende InLinkz skakel:

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22). Laasgenoemde blogpos is opdateer op 2017-09-05.

Lê-Jou-Eier: Byskrif


Ooo, gaats! Gaan ek ook SO lyk op die einde?

Skorsie

Samespraak tussen twee murgpampoentjies

Cory groen Courgette en

 Murgie geel pampoentjie.

Cory: Ek is so bly ons tweetjies is saam hier op die snyplank.

Murgie: Jong ek weet darem nie regtig. Dit voel vreeslik vreemd. So hoog en weg van my moederplant af.

Cory: Oh la la, hier kom n ding. Ouch, af is my bo-punt, oeps, en af is my onderkant.

Murgie: Dis erg! Ek wil nie kyk nie!

Cory: Dit voel kielierig! Moenie my so styf vashou en druk  nie. Dit voel of ek wegvloei. Murgie K-Y-K…..plop, plop, pl…

Murgie: NEE, o toggie is dit hoe ek gaan lyk nadat die hand klaar is met my? Ek wil teruggaan na my Mammie toe. Nee, moenie….. plop, plop pl….

 

Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die volgende InLinkz skakel:

 

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22). Laasgenoemde blogpos is opdateer op 2017-09-05.

 

Kreukels en plooie

Skryfsels oor en uit eie ondervindings

I am Rambo

Adventures of a South African Pomeranian

My Ongevraagde Opinie

Alle daagse lewe, Reis / Travel, ZAR

Pajamas met sokkies

Flikvlakke deur die woestyn

Uprooted Wanderers

(Parisienne & Country Dweller)

The Snow Melts Somewhere

Stories and dreamy images

Vuurvliegie se lekkervurigeaffêre

Sommer oor alles wat my hart warm laat klop.

Positief

Wat jy in jou gedagtes toelaat, dit word jou lewe

Life according to C

To become remarkable, hold yourself accountable

Trommeltjie

Lewenspaaie.

Christastories

"You are never too old to set another goal or to dream a new dream" - C.S Lewis

Nie vir kinders

Pierre en Sugnet se reis

Theo-Herbots Den (Theo) uit #Tienen BLOGGER & WEBSITEBOUWER

Zoek niet langer op het Internet, U vindt "ALLES" bij Den Theo

Pandora se Box

Trek aan jou rooi skoene, maak jou lippe pienk en dans met die lewe!

Sielsoeker

Vintage 1986

Kameel se gebabbel

Waar die hart van vol is, loop die mond van oor

Country Living in Southern Africa

Sharing my life in Mozambique and all things country in Southern Africa

Bondels Gedagtes

Lesse geleer, en stories uit my lewensreis

WoordNoot

Waar ek my woorde en note kombineer om my storie te vertel

penpunt

Waar die hart van vol is …

Its PH

The daily reads and writes

A. A. Richter

flash fiction & other writing

kokonne

Oor reis en rondrits

silkannthreades

about the little things in life

A Writer's Path

Sharing writing tips, information, and advice.

newsferret

News, views, photos and musings. All photos are copyrighted Hermann Hanekom, Cape Town.

Writers Plot Readers Read

Bookshop, online bookseller, NZ authors

Dis Ekke

My vreugdes en frustrasies

Marlize Venter

Author, Motivational Speaker

Lewies Mymer

This WordPress.com site is the bee's knees

Millie Thom

Bringing history to life

OLGA SE OKSELTJIES

Want die lewe ruik nie na laventel nie

Herriemerrie

Ietsie van alles

Die Skryfbesigheid

Ons toor nog steeds met woorde...

Kruger History

Kruger 4 all 4 ever

Net Ek

Ek herhaal jou...sonder begin of einde

Easy Blog

All about our truly best friend...

Angelswhisper2011

Me and my Granny

Tannie Frannie

My terapie vir oudword

Perdebytjie se nes

'n Blog oor die natuur en allerdaagse gebeure,wat die lewe interessant maak

coetzeeblog

My skryfseltjies en foto´s, meesal, oor ons lewe, in Paraguay.

toortsie.com

Skyn, liggie, skyn!

nowathome

Love life! Sharing and caring!

anotherdayinparadise

Travels in Paradise

%d bloggers like this: