Ekstra bydrae aangebied deur Mr T


Nou het ek alles gehoor!

Trompie het vir al sy maters ook n klomp stukke uitgesoek. Wie is ek wat Scrapy is om hom teen te staan!

Ek stel Graag Trompie aan die woord.

Geliefde viervoetiges en geveerdes, dan ook die twee-beniges:

Welkom, welkom, welkom.

Die eerste is vir die mense-harte wat so uitgaan na ons as dierekinders.

Volgende is spesiaal vir Bytjie met haar bye wat wil wegvlieg.

Nou is dit Carike Keusenkamp wat in my Ma se derde jaar as joolkoningin gekies is. Almal was nogal afgunstig op haar en tog het sy goed gedoen met haar kinderliedjies. Die Lappop is spesiaal vir al my nuwe vriende hier op Rebusfontein. Al voel jul soms weggegooi, hier kan jy jouself wees.

Eintlik wou ek ‘ek’s ‘n dapper muis’ vir al die katvrinne speel, maar nou ja.

Die volgende is vir Danie en al die honde wat so lekker saamwerk.

Die beste een is vir my liewe Ma Scrapy. My hart se punt en liefde net vir almal wat lief vir ons dierekinders is.

As jy gaan deelneem, hak jou blog aan die skakel:

https://fresh.inlinkz.com/p/24f3cd306d0d4f75a62c1f4aaa1fa76f

Rebusrus Konsert: Scrapydo as seremonimeester


Dis n heerlike aand op Rebusfontein. Almal het ‘n kombers, kussings en ‘n piekniekmandjie saamgebring. Die amfiteater is reg vir ‘n heerlike konsert.

Ek gaan vyf stukke musiek aan jul voorstel en hoop dit val in almal se smaak. Die kunstenaars is spesiaal met ‘n hercules helikopter hier afgegooi. Hul is so besig dat hul na die optredes weer vertrek om op die volgende plek te wees.

Die eerste stuk le my na aan die hart omdat my man kennis van die lewe in die gevangenis gehad het. Hy het nie ‘n enkele stuk gemis nie. Hy was nooit ‘n ou wat kon stil sit en net kyk nie. Tog het hy elke episode wakker gebly.

Mede Rebusfonteiners Trevor Nasser

Nog n gunsteling by ons beide was

Op n ligter noot

Hul bly maar immergroen.

Die volgende persoon het ook ‘n spesiale plekkie in my hart. Ek het hom saam met Laurika Rauch in Pietersburg sien optree. Hy was so plat op die aarde en het tussen ons beweeg terwyl hy gesing het.

Lucas met Miljoen!

Jammer vir die Engelse byskrifte!

Dan my beste een neem my terug toe hy in Potties opgetree het. Soos Lucas was hy ook plat op die aarde.

Dit dan my geliefde stukkies. Baie dankie aan die kunstenaars en ook aan die gehoor wat so rustig gesit en luister het.

Ek hoop almal gaan ‘n deeltjie bydra.

As jy gaan deelneem, hak jou blog aan die skakel:

https://fresh.inlinkz.com/p/24f3cd306d0d4f75a62c1f4aaa1fa76f

Afrikaanse Tokkel: Opwinding


Dis 1988, Hoërskool Secunda se eenduisend tweehonderd jongmense gons van opwinding. Selfs die onderwysers het ‘n gevoel van opwindende afwagting.
“Agter elke man” is n reeks, op SABC TV1, wat almal volg. Ons leef saam met elke karakter. Geliefde tant Stienie, met haar onderrok wat uithang, sigaret tussen die vingers. Al die drama met haar welaf dogter en dan ook van die ander karakters. Elk speel ‘n oortuigende vloeiende rol. Die volgende episode kan meestal nie gou genoeg kom nie.
Waarom gons dit hier? Ons verwag die einste jonge Steve Hofmeyer(Bruce Beyers, bombastiese jong man in “Agter elke man”) om homself aan ons voor te stel. Die meisies is vir dae al in vervoering. Selfs die seuns gesels oor hom. Ons, as onderwysers, is maar heel skepties oor die hele petalje. In die TV reeks is hy nie juis die beste voorbeeld van prim en propper nie. Dan het die mannetjie nogal ‘n stem om te kan sing ook, en hy is nogal iets vir die oog ook.
Almal is in die saal, sit en wag vir die verskyning van hul held. Dis naderhand ‘n halfuur na die tyd. Steeds geen Steve nie. Ons, as onderwysers, sit op die gallery en wag. Ons raak al kriewelrig van die wag. Die hoofseun en hoofmeisie probeer die orde handhaaf deur allerhande stories te vertel. Die atmosfeer is elektries.
Dan, met spoed verskyn daar ‘n man in ‘n gebleikte denim en wit hemp in die sydeur. Hy spring die trappies twee-twee tot op die verhoog. Die blonde kuif na die eenkant gevee, ‘n groot skewe glimlag op die gesig. Hy waai! Die meisies gil histeries. Hy beduie dat hul moet kalmeer. Hy begin vertel van hoe hy die rol in “Agter elke man” gekry het en hoe hy hom inleef in elke episode. Dan gee hy kans dat daar vrae gevra word. Die beste van die optrede was toe hy die kitaar vat en die tema lied van “Agter elke man” sing!

Ons, as opvoeders,was heel beindruk met die man se manier van praat en optree. Hy het beslis gewys dat hy nie die persoon in die reeks was nie.

Pampoen – Steve Hofmeyer


Ek verlang na my liefste se skouer om net n oomblik gekoester te word.

https://www.flashlyrics.com/lyrics/steve-hofmeyr/pampoen-97

Sing, sing jou woorde teen my vas
Bring, jou hele lewe in ‘n tas
Vat ‘n trein na Bloemfontein
En die 506 na Petrus Steyn
En as jy wil, vat daar ‘n bicycle
Volg, volg die grondpad teen die bult
Hol, oor die velde as jy wil
Hier wag ek die jare om
Vir ‘n stofwolk op die horison
Of iets soortgelyk, wat soos jy lyk

KOOR
Ek’t nog ‘n vrot pampoen en ‘n stukkende skoen
En ‘n trekker wat se tyres lek
Vir alles wat ek aan jou gedoen het
Kom jy by my intrek
Ek’t nog ‘n vrot pampoen en ‘n stukkende skoen
En ‘n plaas wat ek afbetaal
Vir alles wat ek aan jou gedoen het
Kom jy om my te haal
Stuur, stuur my liefde vir jou ma
Maar, as jy kom los haar net daar
Want hier’s net plek vir drie van ons
dis ek en jy en ‘n af-oor hond
Sy naam is Roof, maar hy’s al jare doof
Bring, bring daai goedjies wat jou pla
En ek, maak ‘n ring van ogies draad
Ek spaar nog vir die diamant
En ‘n donkiekar vir die predikant
Ek sal moet blomme leen, tot dit eendag reen….

KOOR

Woorde & Musiek: Steve Hofmeyr

Lê-Jou-Eier: Spookstories


Waar is die dae van ware spookstories? Al Debbo en Jurie Ferreire vat my ver terug na my kleintyd.

 

 

Kyk net na die klere en haarstyl nie net van Al Debbo nie maar ook die kinders en volwassenes. Hul lyk heel uitgevat vir die okasie. Wat dink jy?

 

 

Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die volgende InLinkz skakel:

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22).

Afrikaanse Tokkels: Laaste vir 2016


 

Hiermee wil ek almal n mooi en vreugdevolle feestyd toewens. Mag jul elke oomblik met jul geliefdes geniet.

Baie dankie aan al die vriende in die blogossfeer vir die lekker gesels en kuiers oor en weer die afgelope jaar. Ons het heerlik ge-TOEKA TOKKEL

https://scrapydo2.wordpress.com/category/toeka-tokkel/

Sonder julle is die lewe maar baie saai en vaal.

Mag die nuwe jaar vir n ieder en n elk vol vreugde wees.

Image result for nuwe jaar wense