Liewe Dagboek: Dag 23 Mei

Vandag het heerlik uitgedraai. Dit was eers maar goed koud. Die son het die hele dag heerlik geskyn.
Donderdae, is my by die huis bly oggend van die week. Ek het die pakkies gepak en Bertus het dit die namiddag kom haal om te pos.
Ek het verder die hele oggend gesit en Trompie se dagboek inskrywing in Engels vertaal sodat ek dit more vir die skryfgroep kan lees. Dit het my twee en ‘n half uur geneem om te vertaal en te herskryf sodat dit ten minste leesbaar is.Party dae wonder ek of ek so stadig is en of dit regtig so baie tyd vat om ‘n stuk in afrikaans na Engels oor te sit. Die stuk het 1145 woorde of twee A4 bladsye.
Die naskool was goed besig. Die een helper was weer siek terwyl my supervisor gekla het dat sy ‘n slegte maag het en net gaan hol as sy moet.Alles het darem nie te sleg afgeloop vir vandag nie.
Nou gaan ek rustig nog n uurtjie sit en Grand Design UK kyk en hopelik my voorpant se nek klaar brei. Kannie wag om my oortrek truitjie aan te pas nie.

Advertisements

Liewe Dagboek: Dag 21 & 22 Mei

Toe skip ek weer ‘n dag. Gister was egter heel rustig en sonder verdere voorvalle. Ek het ‘n teetjie met my Dinsdagvriendin gaan drink. Ons kuier altyd heerlik vir ‘n uurtjie. My vriendin is nogal vol fiemies as dit by haar koffie smaak kom. Meeste van die tyd hou sy nie van die koffie wat in die verskillende plekke aangebied word nie. Met dit in gedagte kuier ons van een kafee/koffieshop na die volgende. Die laaste paar Dinsdae het ons by MaC Donalds gaan drink omdat ons die drinkgoed gratis kry met ons “Gold cards”. Jy moet net iets anders koop soos bv ‘n broodjie of n muffen wat ons dan ook doen. Die probleem was hul het nie juis ‘n keuse van eetgoed nie. Ons het maar telkens die wortel en neute muffen gevat omdat dit al was wat darem nie te soet was nie. Gister het ons egter na ‘n ander koffie plek gegaan. Dit is deel van ‘n mans haarkapper. Die tee/koffie en savoury muffen was nie juis iets om liries oor te raak nie. Ek glo nie ons sal weer soontoe gaan nie.
Vandag 22 Mei was weer nie te sleg nie!
Dit het vroeg oggend gevoel of ek by die see is. Dit was nie koud nie. Bewolk en so ‘n regte see-klammigheid in die lug.
Woensdae is dit tyd vir “Time Bank” se teedrink by die Mayfair kafee. Ek doen dit nou al vir die afgelope sewe jaar om so saam met ‘n klompie mense te gesels en te kuier. Baie het al gekom en gegaan. Ek is maar een van die weinige gereelde kuier ouens. Buite die kafee, op die stoep, is daar ook ‘n groep vroue wat soggens ‘n koffietjie drink en ‘n sigaretjie rook. Ek gesels ook eers met hulle voordat ek ingaan na my groep toe.Dis ‘n groepie uiteenlopende persoonlikhede. Een is n oud honde-afrigter wat wolfonde gehad het. Ander een is in ‘n rystoel wat Multiple scleroses het en sy het ‘n oppasser wat haar rondry. Nog een is ‘n deftig gekleede dame wat ‘n hart van goud het. Baie innemend en simpatiek. Ook ‘n jonger vrou wat nuut is wat n “ongeskikte” hond het wat net teen my wil opspring en probeer om my te domineer.
Ons naskool is Woensdae meestal baie besig en vanmiddag was nie anders as voriges nie. Kinders krioel en hardloop, ry met hul scooters en gil en skree. Dis egter goed. Hul raak ontslae van hul energie.
Wat egter die lekkerste vandag was, was dat Bertus vir die derde aand met Bea ‘n draaitjie hier kom maak het. Hy het net van sy parte kom kry. Terwyl hy garage toe is het ek en Bea bietjie gekuier. Ons het vanaand ‘n storieboek gekyk. Een van die stories was”There’s a hole in the bucket” Liza is ‘n vet eend en Henry ‘n bokkapater.
Toe die twee wou ry het hul Bea se poppie vergeet. Ek het hom gou vir haar gaan haal. Gemaak of hy vreeslik huil en na sy Mamma verlang(amper het ek Bea toe ook aan die huil gehad)
Die lekkerste lekker was toe Bea se: “Bye-bye, I love you!”
Dit doen my ou moeder hart goed om sulke liefdetjies te beleef.

Liewe Daboek: Dag 17 Mei

Sjoe wat n dag was dit nie gister nie!
Net eers ‘n groot DANKIE aan al my liewe vriendinne wat saam met my geween en tande gekners het gister. Jul weet nie hoe goed dit my gedoen het om al jul liefde en ondersteuning te ondervind nie. Gelukkig het die ander hulp-personeel saam met my gevoel en kon ek my in hul simpatie en meegevoel koester. NOG WEER BAIE DANKIE en lief jul almal.

Na my ongelukkige ervaring gister het daar nog dramas die middag gebeur.Die stoute E is uit naskool en voorskool verban vir twee weke wat Maandag begin. Dit gaan ‘n heerlike twee weke wees so sonder hom. Die beste van alles is sy maatjie is toe ook uitgesluit vir twee weke want die het Woensdagaand homself so wangedra toe hy moes huistoe gaan dat hy sy derde skriftelike waarskuwing gekry het.
Toe ek gistermiddag by die skool kom het ek gevoel om sommer ‘n uur af te vat en net te gaan shop. Ek het dit toe gereël maar dit toe nie gedoen nie want ek het nie geweet van die ander kind se wegwysing nie. Toe ek oppad uit was om te reël vir uur se afgaan het die kind se pa aangekom om die kinders op te laai. Terwyl ek met sekretaresse reël in die kantoor het die pa blykbaar my Supervisor aangeval en haar sleg gese dat die see haar nie kan afwas nie. Hy is toe weg. Toe ek terugkom om te se van uur af, vertel die supervisor my wat gebeur het en dat die kind so onhebbelik was die vorige dag. Ai, toe gaan my hart uit na my Super en se toe dis “okay” ek sal bly. Sy moenie worry nie. In die tussentyd is die ander hulp daar uit met haar hande in die lug en se sy het genoeg gehad van alles.
Sug… Wow, wat n middag. Gelukkig kon ek weer sterk staan en aangaan.

Vanoggend het ek heel verlig opgestaan. Dit was asof ‘n las van my skouers af was. Ek dink al die Toewerinne se ondersteuning het my weer laat opstaan en aangaan.Selfs my seun het ook meegevoel gehad wat ek ook waardeer.
Die kinders was maar hul woelige self. Daar is egter ‘n verskil tussen woelig en die manier van gewelddadig op te tree teenoor ander.
My oggendlopie was heel lekker. Ek het met die eende vrou gepraat en ‘n paar gedagtes uitgeruil. Ek gaan nog, sodra ek niks het om te skryf nie, vertel van al die mense en diere wat ek elke oggend langs die pad kry. Ons weet presies waar wie bly en wanneer watter honde vir ons gaan blaf.
Vanmiddag gaan ek ‘n uur langer werk omdat my Supervisor na n vakbond-uiteet-vergadering moet gaan.
Tot dan toe, soos my Ma altyd gese het: Hou de moed der maar in!

Liewe Dagboek: Dag 15 Mei

Die lug was vanoggend te pragtig vir woorde gewees. Die opkomende son het aan die onderkant van die wolke sulke goue, horisontale gegolfde strepe gemaak. Dit was ook nie regtig koud nie.
Na die skoolsessie het ek my motor gevat om getoets te word vir sy WOF(Warrant of fitness)wat hy toe gelukkig geslaag het. Dis nou ook vir die jaar gedoen. Volgende maand is die motorlisensie se beurt.Elke maand het sy eie uitgawes.
My loop met Trompie was heerlik. Die lug was skoon en fris. Die reën wat ons gehad het, het die gras en onkruid goed gedoen. Alles lyk groen en vol lewe, behalwe natuurlik die kaal bome. Ons het nie veel ouens teë gekom omdat ons bietjie later as gewoonlik was.
My tuinier het net na tien ‘n draai kom maak om te kyk of die gras gesny moet word. Ons het maar besluit om dit nog ‘n paar dae te gee om te groei. Hy sal volgende week kom sny.

Nou gaan ek eers vir my ‘n broodjie maak(dis amper 12 uur) en dan ‘n bietjie rus voordat ek weer die strydvelde betree.

As jy nie die volgende paragraaf wil lees nie is jy welkom om oor te slaan. Ek gaan n bietjie sleg praat!
J die klein helsum het vanoggend nou weer ‘n vloermoer gegooi omdat hy nie sy sin kon kry nie. Ten eerste was hy heel uit sy kassie en het gehol en gegil toe hy inkom. Boetie van hom stel toe voor hy sal met hom op die PS4 speel en dis waar J besluit het hy wil ‘n ander program speel wat ouboet nie wil speel nie. Hy wil sommer die bank skop en van die speelgoed stukkend slaan. Hy gaan op einde buite toe, toe ek se ek gaan die hoof bel om met hom te kom praat. ‘n Dogtertjie uit sy klas kom toe in en vra hom wat aangaan. Ek stel toe voor dat hy en sy saam sy speletjie kan speel na sy boetie se beurt. Afgekoel en happy het hy gaan sit en lag vir Funny cat movies! Sjoe, dit was nou vir ‘n rukkie heel opwindend gewees.

Liewe Dagboek: Dag 13 Mei

Dertien – my gelukkige nommer! Darem toe nie Vrydag nie

Dit het gereën. Hele nag en groot deel van die oggend. Toe ek 2:30nm skooltoe ry was daar nie ‘n wolk te sien nie.
Vanoggend het ek met die wildewragtag E se pa gepraat. Dis ‘n hartseer storie wat net nie ‘n einde het nie. Die ouers gaan nou uitmekaar. Huis sal verkoop moet word en wat kan erger wees as ‘n geskeurde gesin.
Die kinders was vanmiddag weer baie bakleierig. Van die 5 jariges is regte rammetjies uitnek met die ouer seuns. Die ouer seuns terg(boelie) natuurlik ook die kleintjies sodat hul kwaad word vir mekaar. Toevallig het een groot seun se ma en ‘n kleintjie se pa gesien wat gebeur tussen die twee. Ongelukkig is die ouer seun een van die uitdagers en hy het die kleintjie mooi afgebreek voor sy ma deur nie te verduidelik hoe die storie begin het nie. Ai toggie, dis ook maar ‘n gedurige vure doodslaan en vrede maak.
Toe ek vanmiddag net na vyf tuiskom hoor ek die alarm, wat in ‘n huis oorkant die straat, loei. Die huis is n versorgings huis vir minder gegoede mense met “gebreke”. Beroerte, Altzheimers,verlammig.
Ek het maar Trompie gevat vir sy lopie. Toe ek terugkom het die brandweerwa net aangekom. Al die inwoners het buite op die sypaadjie gesit en gestaan. Meeste is in rolstoele. Daar was gelukkig nie ‘n werklike brand nie(dis wat ek dink) Die brandweer ouens het alles veilig gemaak en inwoners kon weer ingaan.

Hier is die bordjies waarop ek gister plakkertjies geplak het. Dis honderd bordjies vir die elektroniese muisvalle wat my seun ontwerp het en wat ons vervaardig in die garage. Daar is 4 bordjies in n panneel wat aan die einde opgebreek word, en in die muisval ingebou word.

Liewe Dagboek: Dag 12 Mei

Sondag, Moedersdag.
Elke dag is tog maar moeder se dag. Ek het darem ‘n:”Happy Mother’s Day,” boodskap gekry.
Vanoggend was die garage se sleutel weg. Ek het al my sakke deursoek. Geloop waar ek moontlik hom kon neersit. Niks. Bel vir Bertus om dit aan te meld. Telefoon lui en geen antwoord. Ek gee ‘n boodskap. Vanoggend sou Ryan so 10:30vm kom om die laser cutter te gebruik. Die sleutel word dus benodig om hom in te laat. Ek stuur ‘n boodskap vir Bertus om te vra of hy net asb kan kom oopsluit. In die tussentyd soek ek verder. Ek het gister in garage gegaan en bordjies uitgehaal waarop ek plakkertjies moet plak. Al wat ek kon dink was dat ek die sleutel binne neergesit het om die bordjies, wat nogal swaar is, op te tel.
Bertus kom gou aan voordat hy en sy gesin erens heen oppad was.Ryan kom toe ook net hier aan. Bertus sluit oop en is met ‘n spoed hier uit. Ek gaan se gou hallo vir twee girls in die motor. Bea se mondjie is heel vuil. Ek vra hoekom haar mond so lyk. “Koekie Ouma!” -te lekker aan n sjokolade koekie geëet. Ma sit op haar foontjie. “Nog koekie.” Bertus:”Het jy alles geëet?” “Ja,” mond word wa-wyd oopgemaak. Pappa gee ‘n ander stukkie droë koekie:”Nee,” kom antwoord. Mamma breek nog n stuk van haar sjokolade koekie af en gee dit vir haar. Weg is hulle.
Ek bly steeds dink aan waar die sleutel kan wees. Gaan weer kas toe en soek my baadjies se sakke deur. Toe kry ek ‘n “brain wave”. Ek het my uitgaan baadjie aangehad toe ek die bordjies in die garage gaan haal het. Voel in my regterkantste sak waar ek altyd die sleutel in bere as ek ‘n baadjie aan het. Daar is hy toe mooitjies waar ek hom ingesit het gister.
Die hele oggend het ek verder vir my seun pakkies gepak, plakkers opgeplak, parte gepak en saam gesit in die sakkies waarby dit hoort. Dit het my tot net na een besig gehou.
Middagbroodjie geëet. Nanny nap tot so halfdrie. Tik nou my dagboek. Gaan nog my foto op FB verander en ook Silent Sunday op my blog sit. Amper vergeet ek dat ek seker die Towerinne storie moet skryf. Moet nog besluit watter held en watter vyand saam aan tafel gaan sit.

Dit het nou begin reen en is heel trietsig op die oomblik(4nm)

Liewe Dagboek: Dag 11 Mei

Lekker Saterdag.
Bertus het weer net na sewe ingboek om sy masjien aan te sit vir die oggend se werk. Mike, sy helper kom 8 uur. Ek is bly Bertus het nou iemnd wat hom kan help met sy besigheid. Hy is sommer baie meer ontspanne.
Ek het nog bly le tot net na agt. Opgestaan en gewone roetine van stort, ontbyt en Trompie loop. My foon het ‘n boodskap gestuur terwyl ek besig was om te loop. Ek was nie te ver van die huis nie en het dit geignoreer. Met wat ek die huis kan sien, sien ek Stella inry. Sy het Bea uitgehaal en vir my gewaai. Toe ons naby kom kon Trompie dit nie hou nie. Hy trek en wil net huistoe gaan.
Aangekom by die huis het Bertus net die deur oopgesluit, en Stella en Bea ingelaat. Trompie wag mooi buite die deur sodat ek sy voete kan droogmaak. Hy hol in. Ek trek my skoene uit en hoor hoe vra Bea waar ek is.
Ek moes na Bea kyk terwyl Bertus en Stella huisinspeksie doen by my eenheid wat uitgehuur word. Bertus was veronderstel om vir my te gevra het. Hy het nie daaraan gedink nie – ek was mos nog in die bed toe hy gekom het!
Dit was ‘n lekker kuiertjie met Bea. Sy wou eers half ongelukkig wees maar ons het gou haar klei uitgehaal en ouma het vir haar ‘n hondjie uitgerol. Toe ons weer sien was ‘n uur verby en was Mamma en Pappa weer terug.
Bertus het toe eers nog so ‘n halfuur gewerk voordat sy 100 bordjies klaar was. Hul moet nog net getoets word of hul werk.
Bertus-hulle het my uitgeneem vir ‘n hamburger en melkskommel by McDonalds. Bea het haar eie skyfies gekry met 4 hoender-stukkies en ‘n melkskommel. Dit was ‘n heerlike middagete so saam met my kinders en klein Bea.
Vanmiddag het ek eers bietjie gerus en verder net mooi niks gedoen nie, behalwe om die skottelgoed te was wat al die hele week opgehoop het. Ek dink ek moet tog maar daaraan dink om ‘n skottelgoedwasser te kry. As ek dit gekry het moet ek net nog vir my ‘n kok kry om my etes voor te berei. Ek is baie lui om te kook. Kannie verstaan wat my probleem is nie, maar as ek na 5 by die huis kom is ek net nooit lus vir n kokery nie.
Nou sit ek rustig en kyk n stuk van David Attanborough, oor die Barrier Reef. Ek wil nou net gou hierdie pos en dan sit en kyk, en bietjie brei. Ek’s besig met ‘n pull-over vir myself. Nog die twee sykante van voorpant brei dans dit ook gedoen.

Liewe Dagboek: Dag 9 & 10 Mei

Gister, die 9de, is verby sonder dat ek kans gekry het om my inskrywing te doen. Net toe ek wou begin skryf so 7:30nm kom Bertus en Bea hier aan. Ek het te lekker met die klein klits gekuier. Trompie is so jaloers op haar dat ek heeltyd moet keer dat hy haar nie dalk hap nie. Hy het op ou end onder my voete gele en die kat goed uit die boom gekyk. As Bea te naby my kom wou hy opstaan en na haar toe gaan en haar soort van wegstuur van my af. Ek kon telkens my voet op sy rug sit en hom dwing om nie op te staan nie.
Ek en Bea het eers haar blokkies gebou. Dit vorm ‘n kameelperd met sy lang nek as mens die blokkies reg rangskik. Daarna het ons bal gegooi. Ek het ‘n groot tennisbal wat al pap is omdat Mollie dit op ‘n stadium beet gehad het. As ek hom vir Bea gooi probeer sy hom vang(wat sy nog nie so goed kan doen nie). Sy val eintlik bo-op die bal nes ‘n regte rugbyspeler wat ‘n drie druk. Dis ‘n heerlike gelag en geselsery uit ‘n ander wereld. Hul is toe weer huistoe teen so 8:30 want Bea het begin om moeg te word. Was al verby haar slaaptyd, Pappa moes egter Bea wegvat sodat Mamma van haar werk kon doen wat agterstallig was.
Eintlik het ek gedink dat gister niks oplewer nie. Die naskool was heel onrustig met ‘n klompie groot seuns wat ‘n kleintjie uitgetart het sodat hy so kwaad geword het en pad gevat het uit die skoolgrond uit. Gelukkig was ek nie betrokke nie. Ek het binne toesig gehou terwyl alles buite gebeur het.
Ek het wel gister my voorbereiding vir vandag se skryfsessie gedoen wat ‘n wonder is dat ek dit gedoen het.
Vandag, 10de, het ook nog nie veel opgelewer nie.
Voorskool was my goeie oproerige vriend E weer in. Hy wou op PS4 speel maar ek het nee gese omdat hy nog van die jongeres is en alleen wou speel. ‘n Tweede, baie bedrywige seuntjie, kom toe ook in.(Dis die outjie wat gister pad gevat het)Ek het E en hom dadelik laat speel. Hul het Jurassic Park gespeel en elke nou en dan mekaar mooi vertel wat hul nie moet doen nie.Toe ek hul met twee ander kinders omruil was E sommer dadelik opgeblaas omdat hy nie wou he hul moes dit wat hy gebou het gebruik nie. Ek moes hom eers weer mooi herinner daaraan dat hy in sy afkoelhoekie moet gaan sit as hy so maak. Gelukkig het hy afgekoel en op ‘n fiets gespring en gery. Terwyl E gery het, het die ander outjie, noem hom J, vir E getime op die fiets! Terwyl die tyd aantik het E so vinnig as moontlik gery en J het volspoed agterna gehardloop. Lekker moeg, het die twee opgehou toe dit tyd vir klastoe gaan was.
Dit dan vir nou. Vanmiddag gaan ek eers poskantoor toe om pakkies te pos en dan na my skryfsessie wat 1:30nm begin. Ek kan nie die volle tyd daar wees nie omdat ek 2:30 moet ry na my naskool sessie. Die 93jaar oue dame wat ons leidster is gee meestal die nuwe woorde net voordat ek ry. Die groep self gaan nog aan tot 3 uur.

Die lewe is ‘n lied; as mens net daarna wil luister!

Liewe Dagboek: Dag 8 Mei

Rustige voorskool gehad. Daar was net 8 kinders.
Vandag het die skool vroeg gesluit omdat die onderwysers vergadering gehou het om te besluit of hul gaan staak en of hul die voorstelle gaan aanvaar.Ek het dus nie naskool toesig gehad omdat almal vroeg opgelaai is.
Tuis gekom was Trompie weer sy ou self en ons het gaan stap. Na stap het ek gou die drie bestellings uitgesorteer; dit gaan pos en na die Mayfair Cafe gegaan waar die Time Bank dames Woensdae tee/koffie drink. Daar word meestal lekker gekuier en idees uitgeruil. Daar is n dame wat ‘n groep bymekaar wil maak om na tehuise te gaan om ouer mense se stories te help skryf. Sterkte vir haar,sal maar sien of dit gaan uitwerk. Hul wou my ook betrek maar ek het dit van die hand gewys omdat ek nie dieselfde agtergrond as die Kiwis het nie. Dis moeilik, nie net vir my nie maar ook vir die verteller, om te praat oor dinge wat beide nie veel van weet nie. Ek vind dit met tye moeilik om te aanvaar dat seker dinge op hul manier bespreek word. Dis n geheel ander wereld waarin hul leef en waarin ek opgegroei het.
Na die teedrink, het ek na die ‘Civil Advice Bureau’ gegaan om uit te vind oor my burgerskap en wat van my pensioen gaan word en of ek dubbel burgerskap kan he en steeds SA pensioen kan kry. Hul kon nie veel se nie omdat hul ook nie veel weet nie. Hul het aanbeveel dat ek na die SA ambassade gaan en daar hoor wat my te doen staan. Ongelukkig weet ek al wat die antwoord gaan wees want ek het heelwat met hul te doen gekry met die emigrasie na NZ, permitte en paspoorte. Eintlik is dit n onbegonne taak om die ding uit te sorteer. Ek wil egter verhoed dat my pensioen sommer wegval want dan sit ek met niks.

Ek is huistoe en het heerlik rustig die middag gesit en rus. Die rus het my rug baie goed gedoen. Bertus het na werk gou ‘n koppie koffie kom drink. Net voor vyf het ek met Trompie geloop.
Lekker aandete gemaak. Eie gebakte vis en aartappels met ‘n lekker mengelslaaitjie van gekerfde slaaiblare, gerasperde wortels en uitloopsels.
Na ek nuus gekyk het kyk ek nou ‘Planet Earth’ voordat ek gaan slaap. Dit is die migrasie van wildebeeste en flaminke in Afrika en die vernietiging van die ys van die noordpool!

Liewe Dagboek: Dag 7 Mei

Vandag was weer ‘n anderse dag.
Vroeg oggend (net na 2vm) was Trompie vreemd rusteloos of ongemaklik.
Met ons vroeë loop wou hy net grassies eet. Halfpad het hy darem al sy besigheid gedoen maar toe begin hy stilstaan; kyk vir my asof hy vra -Moet ek rerig loop? Ek moedig hom maar aan om deur te druk huis toe.
Ek gaan skooltoe en wag tot 8 uur om die veearts te bel vir ‘n afspraak. Ontvangsdame se as ek hom dadelik bring kan ek gou kom. Ek kan nie afspraak vir later maak nie want my dr opereer Dinsdae. Vinnig kantoor toe, en gelukkig is die hoof reeds by die skool. Ek vertel hom ek het ‘n noodgeval en moet gou ry. Ek het hom gevra om gou toesig te hou. Hy sou dit doen en het dit ook gedoen. Daar was 14 kinders en eks bly hy kon dit sien.
Trompie het nie lekker gelyk nie. Het om vinnig ingelaai en dr gesien. Sy kon nie sien of agterkom dat daar weer stene is nie. Daar was nog steeds n mate van bloed in sy urine. Sy het hom goed bevoel en beluister. Sy wou voel of sy prostaatklier okay is. Met die ingaan verduidelik sy dat sy”anal gland” vol is en dat sy dit gaan uitdruk. Ek vermoed dat dit ook deel van sy probleem is/was. Hy het antibiotika gekry vir tien dae en ons hoop dat dit die ontsteking wat daar moontlik is sal oplos. Trompie slaap nog hele dag. Dit lyk of hy klaar beter voel.
Verder het ek lekker tee gedrink met my Dinsdag vriendin.
Die hele oggend het n helikopter gif gestrooi vir possums en ander roofdier. Dan het Saterdag amptelik die eende-skiet-seisoen begin.(duck shooting season) Elke jaar word eende uitgedun deur “jagters”.
Die middag se oppas was heel rustig omdat die moeilike outjies nie daar was nie.
Ek het sommer vir my fish & chips gekoop vir aandete en gaan vroeg probeer om in die bed te kom. More hoef ek net oggendsessie te doen. Die onderwysers hou vergadering more middag en al die kinders moet 12 uur huistoe gaan.
Dit dan wat my Dinsdag betref.