OMGEWING
Dit is nou n lekker wye onderwerp. Omgewing kan enige plek beteking waar iemand of mense selfs diere of plante is.
My omgewing as kind, was eers in n lekker ou huis met hoë plafonne. Dit was in die middel van Pretoria met die Uniegebou as buurman!
Later het ons op n lappie grond met melkbokke geboer. Op die Hoëveld waar dit oop is… waar jy baie ver kan sien….(Toon v d Heever)
In die Hoëveld, deur Toon van den Heever
In die Hoëveld, waar dit oop is en die hemel wyd daarbo,
Waar kuddes waaigras huppel oor die veld,
Waar ‘n mens nog vry kan asemhaal en aan ‘n God kan glo,
Staan my huisie, wat ek moes verlaat vir geld.
En as ek in die gange van die myn hier sit en droom
Van die winde op die Hoëveld, ruim en vry,
Dan hoor ek die geklinkel van my spore, saal en toom,
Sawens as ek bees of skaap toe ry.
Op die Hoëveld, waar dit wyd is, waar jy baie ver kan sien,
(Die ylblou bring ‘n knop dan in jou keel)
Staan my huisie nog en wag vir my, wag al ‘n jaar of tien,
Waar die bokkies op die leigrafstene speel.
Maar as die tering kwaai word en ek hoor die laaste fluit,
Dan sweef ek na die Hoëveld op die wind
Ek soek dan in die maanlig al die mooiste plekkies uit
Waar ek kleiosse gemaak het as ‘n kind.
http://af.wikipedia.org/wiki/Bespreking:Toon_van_den_Heever
Pragtig word die Hoëveld beskryf!
Daarna trek ek Potgietersrus toe en die die Bosveld in.
Ruie, dig beboste wêreld. Later het droogte en brande baie bome en bosse vernietig.
Na 12 jaar in Potties trek ek Secunda toe. 13 jaar terug op die Hoëveld met sy mielielande en grasvlaktes.
Weer terug in Potties vir nog n 13 jaar en nou in geheel en al n ander omgewing.
Dit is n belewenis om hier in my omgewing te bly. Dis heuwelagtig . Natuurlike boomryke hange en ook denneplantasies.
My omgewing is veronderstel om grasgroen te wees. Met die klimaatsveranderinge en verwarming van atmosfeer raak my omgewing, veral in die somer, baie droog en warm. Baie ongewoon vir n eiland wat veronderstel is om waterryk te wees.
Hier is my omgewing!
Daar het jy my omgewing. Nou is dit jou beurt om jou omgewing met ons te deel.
HOE WERK TOEKA-TOKKEL?
1. Skryf of maak n nuwe pos en beskryf d m v woorde of fotos hoe jou omgewing is.
2. Verwys na Toeka-Tokkel d m v skakel sodat ander kan sien en lees waaroor dit gaan.
3. Plak jou skakel in my kommentaar en sie daar almal kan lees en sien wat jy sê.
4. Dis lekker. Dis Afrikaans. Wees jouself! Geniet dit!
Die volgende ouens het aan die vorige “Grootword” tema deelgeneem en lekker geskryf/vertel:
Marlize Venter …. wanneer is mens regtig groot? vra sy…
http://marlizeventer.com/2015/06/08/is-ek-nou-groot/
Kameel…. voel party dae of mens steeds nog klein kan wees….
https://toortsie.wordpress.com/2015/06/09/grootword/
Toorts het n sorgvrye grootword gehad wat haar vandag nog dankbaar maak daarvoor…
https://toortsie.wordpress.com/2015/06/10/toorts-se-toeka-tokkel-oor-grootword/
Herriemerrie maak goeie stelling om nie klere te koop wat te groot is vir ingeval jy grootword….
Eksta bydrae:
Olga dink heerlik terug aan die grootword voor TV
Dit is dan dit vir die week. Sien weer volgende Donderdag met : DRAMA
I scrap 2 