Hierdie week se Toeka-Tokkel is of gaan oor
DRAMA
Enige-iets onder die son kan drama veroorsaak. Daar is nie n verhoog of opgeleide toneelspelers nodig vir daaglikse dramas nie.
Vanoggend het daar n drama afgespeel terwyl ek in die stort was.My liewe honde-vriend, Trompie, het die geneigdheid om gereeld te blaf as ek heerlik onder die stroom stomende water staan.
So was dit ook weereens vanoggend. Skaars heerlik in stort en Trompie begin blaf. Nie sy normale blaf van: Oooo ek sien die bure se kat of hond nie! Nee, hy blaf geweldig opgewonde en aanmekaar.
Heel dramaties!
Ek dog toe dit moet seker die posbode wees met n pakkie want ek verwag een.
Ek klim onder stort uit, handoek om die lyf, gaan sitkamer toe. Trompie het intussen die dramatiese blaffery gestop. Ek kyk by deur uit. Niks nie. Nou wonder ek wie dit kon gewees het. Die manier van Trompie se blaf was nie normaal nie.
Klaar aangetrek, wou ek met Trompie gaan stap. Ek sien toe n figuur wat by my venster verby sluip na agter toe. Ek maak deur oop en sê Trompie aan om te gaan kyk! Hy is nie links nie en storm heel dramaties om die hoek. Met die kom die persoon ook om die hoek.
Dis toe een van my bure wat kom hoor of hy nie my telefoon kan gebruik nie. Sy eenheid se krag is af en hy wil die elektriese maatskappy bel om te kom kyk.(Gelukkig het ons nie n Eskom wat niks daaraan kan doen nie!)
Dit liewe vriende, was toe nogal n dramatiese twee ure vanoggend gewees.
Net n bietjie inligting wat Wiki vertel oor drama:
https://af.wikipedia.org/wiki/Drama
Die twee maskers geassosieer met drama verteenwoordig die tradisionele genre-onderskeiding tussenkomedie en tragedie. Dit is simbole vir die Ou Griekse muses, Talia en Melpomene. Talia was die muse van komedie (laggende gesig), terwyl Melpomene die muse van tragedie was (huilende gesig). Drama is algemeen as ʼn poësie-genre beskou en het gestaan teenoor die Epiek en Liriek sedert Aristoteles se Poëtika (circa 335 v.Ch)—die vroegste werk oor dramateorie.[5]
TOEKA-TOKKEL en hoe dit werk:
1. Skryf Afrikaans en geniet dit.
2. Elke Donderdag is daar n nuwe woord of tema vir die week.
3. Skryf n pos. Noem my pos Toeka-Tokkel in jou skrywe sodat ander my pos vind om ook deel te neem.
4. Pos n skakel van jou af in my kommentaar sodat ek en ander jou skrywe ook kan lees en geniet.
Die volgende ouens het heerlik oor hul omgewing getokkel..
BAIE DANKIE VIR ALMAL SE GETROUE ONDERSTEUNING EN DEELNAME. Sonder julle maak dit nie sin om te tokkel op my eie nie.
Kameel dink terug aan die omgewings waar sy grootgeword het en vandig is…
https://toortsie.wordpress.com/2015/06/16/omgewing/
Olga het n versameling mooi fotos geplaas wat haar omgewing wys…
Herriemerrie praat oor vernietiging van omgewing oor die algemeen
Toorts skryf oor die Overberg en eerste merinoes
https://toortsie.wordpress.com/2015/06/15/toort-se-toeka-tokkel-oor-omgewing/
Nou toe ouens, laat ons bietjie hoor wat jul het oor DRAMA.
Volgende week is dit:onderwys/onderwyser
I scrap 2 