Rules of Five Photos, Five Stories Challenge require you to post a photo each day for five consecutive days and attach a story to the photo (It can be fiction or non-fiction, a poem or simply a short paragraph) and then nominate another blogger to carry on this challenge. Accepting the challenge is entirely up to the person nominated, it is not a command.
I would like to invite you to join the Five Photos, Five Stories Challenge.
DAG 4
VOOR GROOT TREK
Die laaste dae was baie besig en deurmekaar. Alles moes gereël word sodat my trek kon wegkom.
Hier sit ek in my sitkamer op n geleende kampstoel. Met Nancy my liefste laaste Suid Afrikaanse hondekind. Sy was al 15 jaar oud
Megan, Nancy se maat, is dood aan n hartaanval voordat ek uit my eie meenthuis moes trek twee jaar voor dit. Ek is bly dat sy stil heengegaan het want sy sou die verandering nie maklik verwerk het nie. Sy was altyd maar n teruggetrokke vreemde dier. Ek het haar “gered” van n wreede huisgesin toe sy al 4 jaar oud was. Dit het my baie lank gevat om haar te oortuig dat sy nie bang hoef te wees nie.
Nancy, daarenteen, was n op en wakker lewenslustige hond gewees. Haar gehoor en sig was nie meer van die beste nie, tog het sy heerlik katte gejaag as sy die kans gekry het. Haar asem het ook baie gejaag a g v ouderdom. Dit was n groot besluit om haar te laat uitsit. Om haar oor te stuur was baie duur en dan moes sy nog in kwarantyn ook bly. Sy sou die stress nie oorleef het nie.
Die verhuiswa het die oggend vroeg gekom om die goedjies in te pak. Ek wou eintlik voor die inpak ouens kom al weggewees het. Hul was egter vroeër as afgespreek. Ek het na die veearts gegaan. Soos omstandighede dit wou hê kon ek nie inry nie en moes in die hoofstraat stop. Nancy was heeltemaal op haar senuwees. Ek het haar op die tafel gesit en toe uitgegaan. Dit maak my steeds hartseer maar dit was tog maar die beste gewees.
Sy is darem nou veilig in die hondehemel.
I scrap 2 