STUDENT
Wiki sê:
http://af.wikipedia.org/wiki/Student
‘n Student is ‘n leerder, of iemand wat ‘n onderwysinstansie bywoon. Die term word soms gebruik om na leerders by ‘n universiteit te verwys, terwyl leerders op skool eerder as leerlinge bekend staan.
……………….
Student-wees kan heerlik wees. Dit hang alles af van hoe die studente tydperk benader word.
Ek het die voorreg gehad om, vir drie jaar na my skool “studies”, te kon studeer en om as student die lewe te belewe. My eerste jaar was vir my nogal n nagmerrie omdat ek n baie stil eenkant mens was. Die nagtelike ontgroeningsessies en daarna die ontheffing as eerste jaar was op die einde iets wat ek nie sal vergeet nie.
Die tweede jaar het ek n woonstel moes deel met 4 ander studente. Ons het mekaar geken en dit was lekker om so saam te wees.My derde jaar het ek geleentheid gehad om in n enkelkamer te kon bly. Dit het my die kans gegee om werklik alles in te sit om my kursus te slaag.
Nadat ek reeds 10 jaar skoolgehou het, het ek voltyds vir my vierde jaar gaan studeer om my hoër onderwysdiploma te kry. Die eerste ses maande het ek privaat gelosseer en die laaste ses maande was ek weer in die koshuis as student.
Om student te wees is werklik wonderlik. Mens het die geleentheid om met mede studente te wees. Nuwe vriende te maak en ander idees te ontdek.
Na nog 15 jaar verder het ek heerlik as student geleer om diere se maniere te lees en op te som. Ook om diere te gebruik vir geestelike heeling.
Mens is nooit te oud om te leer en weer student te wees nie.
Verlede jaar het ek vir drie dae n intesiewe kursus gedoen en gekwalifiseer as n barista, dit terwyl ek 1 jaar weg van sewentig was!
……………..
Hier is ons weer met die volgende week se getokkel.
Toeka-Tokkel is:
1. Vir Afrikaans en lekker.
2. As jy n pos geskryf het noem my pos waar jy die onderwerp gekry het. Plak jou skakel in by my kommentaar sodat ek en ander kan lees wat jy sê.
3. Geniet dit!
Dankie aan die volgende persone wat deelgeneem het aan Fotos
Kameel wat lief was/is vir fotos. Sommige maak haar hartseer ander weer dankbaar…
https://toortsie.wordpress.com/2015/05/27/die-mense-in-my-fotos/
Herriemerrie se opskrif sê alles… kamera en BAIE fotos…
Volgende temas is
- Grootword
- Omgewing
- Drama
- Onderwysers
Die volgende tema is GROOTWORD