Wat doen ons by Toeka-Tokkel? Ons skryf, gesels, vertel in Afrikaans
Waaroor gesels ons? Oor alles onder die son. Elke Donderdag verander die tema.
Hoe doen ons dit? Skryf n pos, noem Toeka-Tokkel daarin. Pos n skakel in my kommentaar
Sie daar en dis gedoen.
Temas vir Augustus 2015
- Pantoffels
- TV programme
- Wasdag
- Soektog
#+#+#
Hierdie week is dit n :
MENGELMOES
Mengelmoes herinner my aan vrugteslaai:
papaja, druiwe, aardbeie, lemoen, grinnadella, apple wat ook al.
Ongelukkig kan ek nie vir jul n bakkie aanbied nie.
My mengelmoes gaan oor honde waarvan ek weet in my bestaan van 63 jaar.( Eerste ses jaar onthou ek niks van honde nie.)
Sover ek kan onthou het ons altyd, ten minste, een hond gehad.
Die eerste hond was ‘n foksterriër met die naam “Broekie”. Hy was wit met swart kolle. Sy boude was swart , net asof hy n swart broek aanhet. Ons het hom vir baie jare gehad.
Ons het van Pretoria na Erasmia getrek. Daar het ons Bonzo n Bull Mastif ontmoet. Hy was lief vir kindergeselskap dis hoekom hy gedurig by ons was. Bonzo se eienaars het getrek en hom aan ons gegee. Hy was ‘n liewe ou hond Na hom het my ouers Rex, ‘n tipe van Duitse Herdershond mengsel gekry.Hy het nie baie soos n wolfhond gelyk nie maar wel die temperament van een gehad van: “Moet nie met my sukkel nie en bly weg”. Aan die einde het hy baie knorrig geraak, net my ma kon naby hom.
1960 trek ons na ‘n kleinhoewe. Rex trek saam. My ouers het ‘n rasegte bokser, Chico gekry. Hy was baie senuweeagtig en het epileptiese aanvalle gekry. Hy is jonk dood a g v die aanvalle.
Toe kom Moppie, ‘n boerboel tipe. Net soos Rex, het sy nie baie soos ‘n boerboel gelyk nie. Sy was egter n dierbare hondekind. Moppie,was lief om wegkruipertjie met my te speel. Ek moes ‘n klip ver weggooi en dan wegkruip. Sy sou eers die klip soek en as sy hom gekry het, het sy hom saamgebring en my begin soek. My gekry, het sy die klip voor my neergesit, haar een voorpoot opgelig, kyk na my, kyk na die klip en so sal sy aangaan tot ek weer die klip gooi. Nimmereindigende storie. Sy sou ook in die lug spring om die klippe te vang. Haar tande was later baie gebreek deur die klipvangery.
My eerste skoolhou jaar het ek ‘n Alaskan Malamute gekoop. Sy regte naam was eintlik Husky Pack’s Duncan maar, vir my was hy net Husky. Ek het hom opgelei om in die skouring te loop. Hy het in een jaar skoonskip gemaak van kompetisies en algehele SA Malamute kampioen van die jaar geword! Ek het n jaar later Lulu, ook ‘n Malamute gekry. Husky en Lulu het perfekte hondjies geteel. Husky was hierdie trotse reun, terwyl Lulu ‘n skaam skugter hond was.
1972 kry ek n pos in Mokopane (Potgietersrus). Die eerste paar jaar het ek nie n troeteldier gehad omdat ek in n woonstel gebly het. 1980 besluit ek om ‘n miniatuur Schnauzer, Dixie te kry. Sy was die een wat my man moes wen voordat ek ja gesê om te trou. Sy was ‘n soet hond. Ons was baie lief vir haar . Toe ek my seun, na sy geboorte, huistoe gebring het het Dixie op die bed gespring en wou hom gryp. Sy was eers baie jaloers, maar het gou besef dat hy nie n bedreiging was nie. Op die ou einde was hul beste vriende.
Toe kry ons Boel n Bull Mastif. Iemand het hom vergiftig terwyl ons met vakansie was. Na Dixie het ons Bobbie, n ander Schnauzer gekoop. Hy was die baas van die hele omgewing. Hy sou maklik in n japtrap ‘n twee meter muur uitklim. Tydens sy een kuier was hy n hele nag weg. Hy het sy een agterbeen gebreek en het eers die volgende oggend, gebreekte been en al, die huis gehaal.Veerarts het die been in gips gesit en dit het goed aangegroei.Saam met Bobby het ons ook Boesman n boerboel tipe gehad. Boesman was my laaste groot tipe hond.
Daar was nog Nancy en Megan twee mini Schnauzers. Nancy my laaste ou Schnauzie in SA. Sy was al 15 jaar en ek kon haar nie saamvat NZ toe nie. Dit was nie net te duur nie maar sy sou die reis en kwarentyn nie oorleef het nie.
Op hede is dit Trompie.
VOLGENDE TEMA : PANTOFFELS!
Die volgende gawe persone het lekker oor brandhout geskryf die afgelope week:
I scrap 2 verwarmers wat nie brand soos hout nie!
Kameel onthou Stilooooooo, bring hout!
https://toortsie.wordpress.com/2015/07/27/brandhout/
Toorts se braai vure……
https://toortsie.wordpress.com/2015/07/29/toortsie-se-toeka-tokkel-oor-brandhout/
Lyk my dis al brandhout wat lekker gebrand het
M