Junie is verby, jaar is halfpad en ons Tokkel nog steeds voort.
Vir inligting oor Toeka-Tokkel kliek as die volgende skakel:
Almal wat Afrikaans is, is welkom om deel te neem.
STRAF
Saterdag tot Woensdag was vir my n straf! Geen e-posse, geen blog inskrywings of antwoord van belangrike vrae nie. My telefoonlyn was so uit soos n kers. My vriende en ook my seun het die maatskappy wat lyn voorsien gebel van hul fone af. Ek het Sondag n e-mail gestuur van ander rekenaar af en toe kon ek nie die antwoorde kry omdat my lyn nie werk nie, ha ha!
Gladnie n aangename situasie nie. Gelukkig is die straf gistermiddag opgehef toe ek tuis kom en my selfoon piep weer lustig voort om te sê ek is weer terug op die lug.
Eintlik het ek n hele storie geskryf oor kinders wat onhebbelik is en wat nie gestraf mag word omdat jy as volwassene hul mos nie mag aanvat nie! Ek het daarteen besluit om dit hier te pos. Dis te alledaags. Hoe hanteer jy situasies waarin jy beland waar iemand werklik gestraf moet word? Hoe pas jy die straf toe? Hoe los jy die saak op sonder geweld?
(veral as die een wat straf nodig het nie ore het om te hoor nie, of net uittartend sê: Ek sal nie!)
Dit sien mens gladnie meer nie!
Dankie aan die volgende deelnemers met hul pragtige vertellings oor verandering:
Chiristina B was eerste met haar vertrek na Australië
Kameel land tussen die mielies
Tannie Frannie tegnologiese geletterdheid en jongelinge…
Toorts oor aanpasbarheid met verandering
Olga het die see bereik en sal seker nie sommer Weskus toe gaan nie weens die klouende sand
Ek het n paar lekker onderwerpe gekry vir volgende paar weke:
Julie/Augustus 2016
23. Stad/dorp
24. Winter,verkoue/griep/gesondheid
25. Droom
26. n Byt wat ek nou gou sal vergeet nie.
27. Opwinding
28. Ryding ervarings
Ons volgende opdrag gaan wees STAD/DORP
Geniet die skrywe: Afrikaans is lekker en so n wonderlike taal.