Hoofstuk drie: Spookstorie
Aha, nou kan ek my plan in aksie bring noudat die klomp manne ontwapen is. Dit was so maklik, soos val uit n boom, om hul te ontwapen met die spesiale drankies en eetgoed wat aangebied is net as troos.
Ek, wat Scrapy is, het weer blitsig SA toe gekom omdat my vrinne voortvlugtig gaan wees na dese. Ek is reeds onwettig hier, my kaarte moet nou koel en kalm reg gespeel word. Gelukkig kon ek Porkie, my mak Morepork saambring. Hy gaan my waarsku as die spoke reg is om te verskyn. Dis donker buite n spookagtige atmosfeer heers.
Ha, daar roep my ou Porkie.
“Sersant Gigaba, ek wil jou gou gaan wys wat ons ontdek het in die ou murasie se kelder. Jy sal my nie glo nie! Ek dink jy moet twee van jou beste luitenante saambring.”
Gigaba redineer met sy manne in Xhosa. Ek vang net hier en daar n woordjie van: belangrik, gevind, gaan kyk.
Gigabe: “Dame jy moet nie ons tyd staan en mors nie. Ons moet aan die bure gaan rapporteer dat julle sal ophou om die koeie deurmekaar te maak met julle musiek.”
Ek gryp n flits, in die donker gaan ek beslis nie in die kelder in nie. Ons vier stap na die bouvalle. My ou Porkie “morepork” sommer hier langs ons in die bome. Ek sien net die wit van die drie polisiemanne se oë. Ek ruik hul sweet, hul voel gladnie op hul gemak nie.
Suutjies gaan ons die kelder in. Ek skyn die flitslig op die gat waar ons die journaal gekry het. Die drie skuifel voetjie vir voetjie nader om in die gat te kyk. My nekhare rys en ek weet die poppe gaan nou dans! Julle weet mos hoe ek geeste kan aanvoel. Hul moet sommer hier naby ons wees.
Ek skakel skielik die flits af. Agter die die drie manne verskyn Oupa-groot Piet Joubert en Oom Paul Kruger met hul pype, en koppies koffie. Hul sit sommer so gemaklik in die lug. Hul grinnik van pure plesier om die verskrikte gesigte te sien.
Oupa-groot Piet maak sy keel skoon:”Ghumpf.”
Gigaba en sy twee manne val op hul knieë neer, gesigte in die stof.
“Asseblef my groot Bwana, Jo jo, ons soek nie moeilikheid nie! Sorry, sorry!”
Nou is dit oom Paul se beurt om keel skoon te maak.
Hy begin met n dralende stem te praat:
“Julle oortree hier in die kelder. Jul sal gestraf word. Hoekom pla julle die dames wat hier so lekker musiek maak? Wat hoor ons van koeie wat ophou melk gee? Ek en Piet sal bietjie die koeie se galle gaan werk as julle dit verkies.”
Dis net n ge”-jo-jo, sorry-sorry” aanmekaar.
Oupa-groot Piet sê: “Julle maaivoedies, julle beter maak dat julle wegkom en bewaar julle siele as een gaan praat of rapporteer wat julle hier gesien het. Ons sal jul kom haal!”
Oom Paul beaam alles:”Julle moet die dames en hul leier begelei na waarheen hulle ookal wil gaan. Verstaan?”
Ek skakel die flits aan. Die ligstraal klief deur die donker en die twee ooms verdwyn al swewende die tonnel in. Die drie manne hol, al gillende, soos n gesmeerde bliksemstraal uit die kelder.
Poewie, wat n geur hang hier in die lug. Ek hoop hul het skoon klere in hul vangwa. Geen mens kan dit hou met die geur nie. Porkie kom aangevlieg, en kom sit op my skouer. Toe ek by die groep dansende manne en ons voortvlugtiges kom wil die ander polisiemanne sommer die pad vat toe hul die uil op my skouer sien sit.
Nou sal Toortsie moet inspring met haar hoofstuk. Ek hoop daar is medisyne vir daardie mage. Toorts die ouens het nou baie simpatie nodig sodat hul soos klei in ons hande kan wees.
Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die paddatjie of die InLinkz skakel net daaronder:
http://www.inlinkz.com/new/view.php?id=769965
Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22).