MODE
Mode is iets waaroor mens boekdele kan skryf.
Ek-self is nie baie modebewus nie. Solank ek netjies lyk as ek die deur uitstap is alles reg met my.
Sommige mense kan die mode slaafs navolg. Vir my is dit n duur stokperdjie as mens alle modes wil navolg en toets.
Gelukkig verskil ons almal van mekaar.
Ek sit hier en dink aan n ander manier om die mode voor te stel.
Die gedig Oktobermaand deur C Louis Leipoldt kom in my gedagtes op omdat dit vandag die eerste Oktober is. Aan die hand van die gedig gaan ek die mode beskryf!
Die viooltjies het hul beste kleurvolste rokkies aan van blou en rooi.
Die aand se groen gee n fris en skoon gevoel.
Die hemel getooi in die blouste blou maak alles vars en uniek.
Dan die blomtuin wat in kleurvolle klere uitgedos is.
Die varkblom met haar wit rokkie gee ook n wonderskone gevoel van reinheid.
Voor Oktober was alles kaal en grys.
Nou is alles in hul mooiste klere en kleure getooi.
Die natuur se mode is vir my die mooiste wat mens maar kan kry.
C. LOUIS LEIPOLDT OKTOBERMAAND
Dit is die maand Oktober!
Die mooiste, mooiste maand!
Dan is die dag so helder, so groen is elke aand,
so blou en sonder wolke die hemel heerlik bo,
so blomtuin vol van kleure die asvaal ou Karoo,
so blomtuin vol van kleure die asvaal ou Karoo.
Dit is die maand Oktober!
Die varkblom is in bloei;
oor al die seekoeigate is kafferskuil gegroei;
die koppies, kort gelede nog as ‘n klip so kaal,
het nou vir welkomsgroetnis hul mooiste voor gehaal;
het nou vir welkomsgroetnis hul mooiste voor gehaal.
Dit is die maand Oktober!
Die akkerboom is groen;
die bloekoms langs die paaie is almal nuut geboen;
en orals in die tuin rond ruik jy sering en roos,
jasmyn en katjiepiering, lemoen en appelkoos,
jasmyn en katjiepiering, lemoen en appelkoos.
Dit is die maand Oktober!
Ek dink die mense vier vir ewig
in die hemel Oktobermaand soos hier!
Wat wens jy meer as blomme, as helder dag en nag?
Wat kan jy beter, mooier of heerliker verwag?
Wat kan jy beter, mooier of heerliker verwag?
Wat gee ek om die winter?
Wat praat jy nou van Mei?
Wat skeel dit as ons later weer donker dae kry?
Ek is nou in Oktober, die mooiste, mooiste maand,
met elke dag so helder, so pragtig elke aand!
Met elke dag so helder, so pragtig elke aand!
http://www.bravoland.co.za/forum/index.php?topic=2955.15;wap2
Die volgende ouens het hul herinnering neergeskryf en gestuur.
Baie dankie vir almal se getroue bydraes ek waardeer dit ten seerste.
Toorts het lekker familiefees gehou en vertel van n tande episode
https://toortsie.wordpress.com/2015/09/29/die-storie-van-die-tande/
Kameel kuier weer by die huis waar sy vir jare gebly en heerlike en hartseer herinnering onthou.
https://toortsie.wordpress.com/2015/09/29/n-plek-van-herinneringe/
Spokie het die eerste glimlaggie van haar kleinkind onthou
Herriemerrie se kat onthou beslis die tuinslang en water spuit.
Bosveldnimf het n ondervinding met olifante wat sy nooit sal vergeet nie.
Laat inskrywing vir paaie:
Olga wat om die bos gelei word en paaie ry wat vir haar skrikwekkend is.
Dit is dan dit vir die week. Volgende is BESTUUR
Oktober se temas
- Modes
- Bestuur
- Badtyd/water
- Biblioteek
I scrap 2 