TONEELSPELERS
Ons is almal toneelspelers in eie reg. Elke dag het sy eie dramas en optredes. Sonder die spelers kan daar nie n toneel of opvoering wees nie.
Vandag het ek sommer lus om my eie toneel voor te lê aan julle, as lesers.
Drie weke van saamleef met dierlike toneelspelers het nogal heelwat opwinding opgelewer!
Toneelspelers:
Luigi: die “go with the flow” en eetlustige een
Mollie: Klein en fyntjies, met tye hiperaktief en senuweeagtig
Trompie: die tussenin een wat eintlik n softie is, hy vlug makliker as om te veg!
Twee henne: n Gryse, baie manhaftige en n kleiner gryse,n volger.
Bure se katte: Swart met wit snoetjie- baie voor op die wa. (ander weet ek nie so mooi, daar is ten minste nog 3ander katte)
Openingstoneel
Kiepies in hul kampie.
Trompie agter tralies!
Luigi en Mollie loop en snuffel in die tuin.
Die gras is lank op plekke en die henne kan nie die hele tyd die twee snuffelaars sien nie.
Groot grys hen besluit: “ Kek-kek-kek” en fladder met n aanloop oor die omheininkie wat uit n touwerk groot-gat-gaas bestaan.
Sy land aan die anderkant van die heininkie.
Storm vir Mollie en jaag haar met n spoed terug in die huis in.
Luigi- ongeêrg, op sy soektog na hoederhopies, het nie n benul van wat hom gaan tref nie.
Kiepie vlieg om en storm Luigi. Luigi besluit so lui-lui:” Ag nou toe jou ou kiepie! My hare is so dik ek voel niks!”
Kiepie bly hom sommer bespring om hom in die huis te jaag.
In die tussentyd is Trompie heel opgewonde besig om die petalje dop te hou!
Toneel twee
Die oppasser jaag vir Kiepie terug in die kampie! Moenie dink dis maklik nie! Kiepie bly al by die hek verbyloop. Die ander hen wil ook sommer uithol. Beide Kiepies terug!
Trompie kry nou ook n kans om te gaan kyk waaroor alles gegaan het. Die ander twee is natuurlik saam as ‘back up’.
Snuif, snuif al op die spoor! Tot naby die kampie!
Kiepie besluit: “Wag n bietjie! Die ou het ek nog nie gejaag nie!”
Sy storm die draad en raai wat? Trompie is met drie groot spronge terug in die huis.
Toneel drie
Elke middag vanaf so 1 uur tot 2 uur het die honde driemanskap en die waarnemer n “nanny nap”. Alles is rustig. Die musiek op Tv is strelend. Trompie lê op ou-nooi se linkerbeen, Luigi op regterbeen en sus Mollie tussen die twee voete.
Lekker ontspanne. Almal snooze.
Skielik: Kêkkel-n-kêkkel en n gefladder.
Almal af van die skoot. Uit by hondeflap en deur. En daar sit meneer/mevrou buurkat op hoenderhokkie se dak. Bekruip die Kiepies!
Kiepie kêkkel. Honde storm. Kat spring grondtoe, hy duik met sy kop deur die draad en daar sit hy vas. Kiepie van agter en honde van voor!
Kat trek terug en vlieg met een hengse vaart oor die draad, oor die symuur en terug by sy eie huis.
Gelukig het Trompie nie kon saam help nie want dan sou dit klaarpraat met kat gewees het terwyl sy kop deur die draad vasgesit het.
Genade maar dis n opwindinde lewe op my agterplaas verhoog met al die diere toneelspelers.
Die volgende ouens het oor biblioteek geskryf! Baie dankie aan julle ek waardeer dit baie dat jul my so getrou ondrsteun!
Kameel – gebruik haar kindle biblioteek wat ook audio-boeke aanbied!
https://toortsie.wordpress.com/2015/10/27/wat-lees-ek/
Herriemerrie is n bib ondersteuner maar met vandag se toe wees tye werk dit nie meer nie
Toorts dink terug aan die goeie ou dae van skooltake.
https://toortsie.wordpress.com/2015/10/29/toortsie-se-toeka-tokkel-oor-biblioteek/
Spokie het n laat water inskrywing gedoen wat die moeite werd is om na te gaan kyk!
…. …. …. ….
Ek ruil die onderwerpe n bietjie om die keer:
Volgende week is dit
KINDERSTORIES
I scrap 2 