Ons InLinkz skakel vir hierdie uitdaging is https://fresh.inlinkz.com/p/e3dfca20e90c4ae09d7312695a15b7f3
Bloggers wat nog nie voorheen deelgeneem het aan ons Lê-Jou-Eier bloguitdagings nie: Om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakels Lê-Jou-Eier: Reëls en Lê-Jou-Eier: Hoe neem ek deel? Laasgenoemde blogpos bevat ook al die onderwerpe en skakels na vorige uitdagings.
Verbloem jou haarkleur
My hare is baie fyn en ek het altyd verlang om “n pragtige poniestert of vlegsel te hê. Ongelukkig is dit my nie beskore nie.
Op skool het Mamma my hare reguit afgesny, ewe lank net onder my ore. Geen kuifie nie want Pappa het nie daarvan gehou nie. Links sypaadjie met n haarknippie aan regterkant om haartjies uit die gesig te hou. My haartjies was so fyn dat ‘n lint net nie wou inbly nie, dis hoekom ek knippies moes gebruik.
Toe ek in matriek was het ek besluit om my hare te groei van alle dinge. Ek het ‘n redelike stertjie gehad maar omdat ek blonde hare het, het dit gelyk of ek amper geen hare het as dit na agter vasgebind is nie. My laaste matriek foto vir die eksamen was met die platgetrekte hare!
Skoolhou jare begin en daar gaan ‘n heel ander lewe vir my oop. Ek het vir vier jaar uit die huis uit skoolgehou en was dus steeds onder my ouers se toesig. Geen grimering of enige vroulike fiterjasies nie! Wel, om die waarheid te sê het ek darem eenkeer stilletjies my hare met “gensin violet” afgespoel wat dit ‘n pragtige pers kleur gegee het. Die kindertjies by die skool was in vervoering met juffrou se pers hare. (Juffrou het natuurlik dit weer die middag uitgewas voordat Pappa tuis kom)
Na vier jaar in die huis het ek my vlerke gespry en die wye wêreld in gevlieg, fyn haartjies en al. Ek het tot my hare op n stadium donkerbruin gekleur net vir die verandering. My hare is gereeld “geperm” wat dit lyf gegee het en dan het ek dit ook “golden blond” gekleur. Toe “highlights” inkom het ek dit gereeld laat kleur. My probleem met die kleurdery was altyd dat my hare baie stadig gegroei het. Dit het lank gevat voordat die “highlights” uitgegroei was om weer nuwes in te sit. Dit het my nogal gepas want die ligte punte het gelyk of dit natuurlike sonstrepe was.
My hare was meeste haarkapsters se droom. Dit het baie mooi en maklik gekleur en gekam. Ek het selfs op ‘n stadium as model gesit sodat studente met my hare kon maak wat hul wou vir hul eksamens.
Nadat ek getroud is en Bertus seker so drie jaar was het ek sonder om te sê my hare gekartel. Daardie dae was dit regtig baie kroeserig as dit nie goed gedoen word nie. Wat ‘n skok was dit nie vir die kind nie. Ek kom die kamer in met die gekartelde hare. Hy gee my ‘n kyk en gaan staan eers agter sy pa om te kyk wie die vreemde vrou is. Toe hy agterkom dis ek het hy aanhoudend opgekyk na my kapsel.
Dit laat my terugdink aan klein Bea. Haar mamma het besluit om ‘n “make over” te maak voordat hul Indië toe sou gaan. Sy het donkerblonde of bruin hare normaalweg wat reguit en meestal skouerlengte is. Mamma kom by die deur in. Bea storm deur toe. Stop viervoet op die plek draai om en hol weg vir die vrou met mamma se stem en wat nie soos sy lyk nie. Mamma het toe werklik amper wit gebleikte hare wat baie kort gesny is met spikes aan eenkant. Selfs ek moes tweekeer kyk voordat ek kon reageer. Mamma praat toe met Bea maar Bea voel nie baie gelukkig nie. Sy huil en gaan toe darem tog na haar ma om te groet.
Vandag is my hare al redelik grys. Daar is steeds blonde skynsel wat telkens nog daar is as my hare gesny word. Hul is egter nou besig om yler te word. As ek dit droogmaak moet ek sorg dat ek bietjie haartjies oor die ooptes kam
Dit dan my hare storie.
I scrap 2 