Toeka- Tokkel no 44 : Biblioteek


BIBLIOTEEK

Image result for library images

Die biblioteek speel steeds n belangrike rol in my daaglikse lewe. Ek hou van n boek in my hand sodat ek maklik kan terugblaai of verder blaai namate dit nodig is. Dis veral belangrik as mens self studie doen om sekere dinge te wete te kom. Ek het bv gesien met die publiseer van my boek dat n boek met inligting langs my baie makliker as die rekenaarbladsye  wat vandag aan die orde van die dag is.

Van my inligting is ook in my Kindle-biblioteek gebêre. Ek geniet die Kindle. Dis klein en kan oral met jou saamgaan. Omdat ek nog nie so n foonfundie is nie, is ek maar skrikkerig om dinge met die foontjie te doen. Dit lyk egter vir my ideaal as jy haastig is en op reis gaan. Foon is tog altyd by mens.

Moet byvoeg dat ek altyd n belangstelling in die bibioteek gehad. Het Bib as byvak gehad gedurende studies. Daar was gelukkig ook altyd by elke skool waar ek was geleentheid om in bib te help.

Nadat ek weg is uit die onderwys het ek eers vir n paar maande in Secunda se openbare biblioteek gewerk as toonbankassistent. Daarna het ek 8 jaar in Potgietersrus se openbare bib gewerk. Dit was vir my baie lekker om nuwe boeke eerste te lees. Jeuglektuur was egter my gunsteling. Barry Hough was daardie tyd baie gewild.Daar was ook elke jaar verskillende leeskompetisies vir die jongmense gewees.

Na twee jaar se werk in bib het munisipaliteit die bib vergroot  en n studie bib aangebou. Hier kon ons na hartelus leerders help met hul take. Studente het ook baie van studiebiblioteek gebruikgemaak om stil en rustig te studeer. Veral net voor eksamens was die studiebib tjok- en- blok vol. Ons moes selfs nommers gee sodat daar vir almal n uur of wat was om te studeer.

Ek hoop van harte dat biblioteke nie doodloop nie. Wat dink jy ?

Die biblioteek hier in Upper Hutt is amper die beste bib in New Zealand en dit is n plesier om dit te gebruik!

Alles gekry by Wiki:

https://af.wikipedia.org/wiki/Biblioteek

(Ek kannie waarborg dat die vertaling uit Engels heetemaal suiwer is nie. Dit is egter baie interessante punte wat hier genoem word.)

‘n Biblioteek is ‘n georganiseerde versameling van inligtingshulpbronne, wat toeganklik gemaak word aan ‘n vasgestelde gemeenskap vir verwysing of uitleen. Dit bied fisiese of digitale toegang tot materiaal, en kan in ‘n fisiese gebou of kamer, òf ‘n virtuele ruimte, òf albei wees. [1]

‘n Biblioteek se versameling items kan boeke, tydskrifte, koerante, manuskripte, films, kaarte, afdrukke en dokumente insluit. Mikrofilm, CD‘s, klankkassette, videobande, DVD‘s, Blu-ray-skywe, e-boeke, oudioboeke, databasisse en ander formate kan ook hier gestoor word.

Biblioteke kan wissel in grootte van ‘n paar rakke met boeke, tot ‘n paar miljoen items. In Latyn en Grieks, is die begrip van ‘n boekrak verteenwoordig deur Bibliotheca en Bibliothēkē (Grieks: βιβλιοθήκη). Afgeleides van hierdie woord betekenbiblioteek in meeste moderne tale, bv die Franse bibliothèque.

Die meeste Suid-Afrikaanse biblioteke maak van die Brocade of Slims-stelsel gebruik, wat in stand gehou en ontwikkel word deur Cipal en die Universiteit van Antwerpen, België.

Hierdie stelsel is oop vir die publiek om self die beskikbaarheid van ‘n boek, beeld- of luistermateriaal, asook die inleweringsdatum van die uitgeleende materiaal, te wete te kom. Op hierdie manier kan die Internetgebruiker blitsvinnig vasstel watter bronne by sy naaste openbare biblioteek beskikbaar is. Deur te let op die Dewey-kode (bv. op die rugkant van die boek), kan die materiaal self ook makliker opgespoor word in die biblioteek.

Die volgende provinsies maak van die oop Brocade-stelsel gebruik:

Tans word Gauteng en die Vrystaat uitgesluit, weens ‘n ander geslote biblioteekstelsel in werking.

@@@   @@@   @@@

Baie dankie aan die volgende persone wat weer lekker saam gekuier het.

Die tyd is so beperk en almal is baie besig met allerhande reëlings. Hier is twee laat bestuur inskrywings. Gaan lees gerus wat die twee vertel.

Herriemerrie praat oor linker- of regterkantste bestuur ….

https://herriemerrie.wordpress.com/2015/10/20/toeka-tokkel-bestuur/

Kameel bespreek hoe hospitaal bestuur word deur vriendelike personeel

https://toortsie.wordpress.com/2015/10/21/n-dag-in-die-hospitaal/

Volgende badtyd stories:

I scrap 2  Trompie wat nie van bad hou omdat sy Mies te gespanne is!

https://scrapydo2.wordpress.com/2015/10/14/toeka-tokkel-no-43-badtydwater/

Toorts vra: wat gebruik minste water bad of stort?

https://toortsie.wordpress.com/2015/10/20/stort-of-bad/

Dit lyk dan al vir hierdie keer.

Nog n ekstra water storie van Toorts wat heelwat oor water geskryf het in die verlede

https://toortsie.wordpress.com/2015/10/22/die-nyl-se-water/

Hier is November se onderwerpe:

45.  Toneelspelers

46.  Blomtyd

47.  Sopkombuis

48.  Brille en pille

49.  Kinderstories

Ek dink no 50. Feestyd gaan die laaste een vir 2015 wees.

Volgende onderwerp is: TONEELSPELERS

Advertisements

Author: scrapydo2.wordpress.com

Retired teacher interested in anything crafty: Scrap booking, card making, quilting, knitting etc. Everything about animals especially DOGS

43 thoughts on “Toeka- Tokkel no 44 : Biblioteek”

        1. Ha ha, nou laat jy my ook lag! Moet seker gewees het want dit was net een stamp en ratel en toe was dit oor. Dis nie goed as jy val nie! Hoe het dit gebeur? Gegly of wat? Jy moet maar versigtig wees jong. Pas jouself op *drukkie* vir jou!

          Liked by 1 person

    1. Jong dit gaan stadig. 3 is verkoop. en dan is daar wat gebruik gemaak het op dit gratis af te laai gedurende my promosie. Ek het een terugvoer reeds gekry. Nie sleg nie moet ek sê. Het op FB geadverteer en daar was 3,700 views en 204 likes.

      Liked by 2 people

  1. So kom als tot ‘n einde. As jy volgende jaar weer begin, sal jy ons almal moet tag net om te sê ons begin weer! Daar is darem nog ‘n klompie onderwerpe vir die res van die jaar. Jy het een keer genoem dat jy jou Toeka Tokkel in ‘n eboek wil saamstel. 50 onderwerpe! Dalk doen ek ook nog eendag so iets. Toortsie se toeka tokkel in opdrag van Scrapydo. Maar vir eers sal die resepteboek my nog ‘n hele tydjie besig hou.
    Baie interessant wat jy oor biblioteke skryf.

    Like

    1. Ek dink sterk daaraan om dit in n eboek te sit. Ek het my skrywes alles in aparte dokument lêer gebêre. Mens kannie van jou blog af werk nie. Dis glo klaar gepubliseer. So jy moet jou resepte apart hou en nie dink jy kan die bloginskrywing gebruik nie. Hul keur dit af as dit reeds gepubliseer was(Dis nou spesifiek as jy Amazon gebruik!)

      Like

              1. Smashwords het nou gerageer op my epos. Hul sê as jy een of twee bloginskrywings sou insit in jou boek, is dit toelaatbaar. Egter nie ‘n hele boek met bloginskrywings nie. Die skakel wat ek gegee het op my fb blad is iemand anders s’n. Nie Smashwords nie.

                Like

      1. Dieselfde hier..dis hoekom ek nie meer ‘n voet daar sit nie.Ek behoort aan ‘n leesgroep en ons ruil boeke uit…dis soos ‘n reisende biblioteek met lekker koek en tee en gesels!Heerlik informeel.

        Like

        1. Dit klink te lekker. Die bib is nie meer wat dit was nie. Ons het selfs hier elke nou en dan jongmense wat moeilikheid maak. Die polisie moet dan die outjies kom verwyder. Gladnie die ideale nie. Dit was toentertyd maar dieselfde met die kinders in SA ook. Ons het gereeld moeilikheidmakers laat verwyder.

          Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s