Toeka-Tokkel no 12: My slaapkamer


Welkom aan almal wat my volg en so lekker saam met my kuier en lees hier by my en Toeka-Tokkel. Almal is welkom om n vertelling te deel.

Vir verdere inligting hoe Toeka-Tokkel werk besoek my eerste pos by:

https://scrapydo2.wordpress.com/2016/01/07/toeka-tokkel-2016-welkom/

Hierdie week kuier ons bietjie in die slaapkamer.

MY SLAAPKAMER/S

As kind het ek altyd n slaapkamer moes deel. Ousus het altyd n eie kamer gehad terwyl ek en kleinsus saam was. Ek kan nie onthou of ons kamer altyd volgens ons ouderdom ingerig of opgemaak was nie. Ek glo nie, want daar was maar nie geld na die oorlog en die eerste tydperk wat ons in Suid Afrika gebly het nie.
Toe ons huis klaar gebou is, 1960, het ek die rondawel gekry om in te slaap. My mure was vol filmsterre geplak. Die mooiste manne en vroue se gesigte het daar gepreik.
Toe ek uit die huis trek het ek in n koshuiskamer ingetrek. Daar kon ek darem my eie deken kry vir oor my bed. Die res van die kamer was maar regte koshuisgordyne en mure met bed en spieëlkas. Daar was n ingeboude kas vir klere en alles wat mens wou weg bêre. Na die koshuiskamer het ek vir n tydperk by n vriendin geloseer waar alles ook haar keuse en smaak was.
My eerste woonstel was n belewenis. Hier kon ek maak en breek soos ek dit wou hê. Ek het my eie gordyne gemaak en natuurlik die beddegoed aangepas by die gordyne.Dit was maar n “boring” kamer want my smaak was nie juis opwindend as ek so terug dink nie. Die lekker was dat dit my eie was.

My tweede woonstel het ek meer leefbaar gemaak deur pienk gordyne te maak vir die slaapkamer. Ek onthou dat dit n sagte pienk was met rytjies blommetjies op. Dit het heel vroulik gelyk en was my lekkerste slaapkamer.My beste vriendin het selfs die gordyne geërf toe ek trek. Sy het spesiaal gevra of sy hul kon kry.
Na die woonstel en my troue moes ek weer n slaapkamer deel. My man wou nie n pienk kamer hê nie en ek nie rerig blou nie. Ons het toe op groen besluit wat heel kalmerend was.
n Kamer wat ek graag sou wou hê is die kamer waar ek vir n week by my vriendin gekuier het toe ek in 2010 gedwing was om terug na Suid-Afrika te gaan omdat my verblypermit verval het en nie betyds kon hernu word nie. Dis n regte outydse slaapkamer. Hoë plafon en plankvloer. Die hele atmosfeer was knus en heerlik.


Vandag is my slaapkamer uitgevat met tweedehandse meubels en gordyne. Dit is egter nie so blangrik hoe die kamer lyk en wat daarin is nie. Dit is my eie slaapkamer en ek geniet dit om saans my kop neer te lê op my eie bed en in my eie kamer.

Dankie vir jou kuier. Ek hoop die Paasnaweek is rustig en vreedsaam.

Dankie aan Dis Ekke en Toorts vir jul VUURWERK vertellings!

https://hesterleynel.wordpress.com/2016/03/21/vuurwerke-en-pantoffels/

https://toortsie.wordpress.com/2016/03/23/toortsie-se-toeka-tokkel-oor-vuurwerke/

AANKONDIGING

Ek  gaan van 1 April (volgende Vrydag) Deelneem aan  http://www.a-to-zchallenge.com/

Ek gaan elke dag ook probeer om n tweede deel in Afrikaans te doen. Dalk kan jul saamspeel en ook van die letters gebruik.

In April is daar elke dag n letter behalwe Sondae. Klink na lekker uitdaging.

Sal weer Toeka-Tokkel in Mei!

 

Advertisements

Author: scrapydo2.wordpress.com

Retired teacher interested in anything crafty: Scrap booking, card making, quilting, knitting etc. Everything about animals especially DOGS

19 thoughts on “Toeka-Tokkel no 12: My slaapkamer”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s